UHezekhiyeli 18:20 - iBhayibhili Elingcwele 1978

²⁰ Lowomuntu owonayo uzakufa. Indodana kayiyikuhlupheka ngenxa yezono zikayise, loyise kayikuhlupheka ngenxa yezono zendodana. Olungileyo uzavuna umvuzo wokulunga kwakhe, lomubi avune umvuzo wobubi bakhe.

IBhayibhili Elingcwele LesiNdebele

²⁰ Umphefumulo owonayo yiwo ozakufa. Indodana kayiyikuba lecala likayise, loba uyise abe lecala lendodana. Ukulunga komuntu olungileyo kuzabalelwa kuye, lobubi bomubi buzamelana laye.

UHezekhiyeli 18:20 ပူးပေါင်းရင်းမြစ်များ

1 AmaKhosi 14:13

Bonke abakoIsrayeli bazamkhalela bamngcwabe; nguye kuphela kwabakoJerobowamu ozangcwatshwa, ngoba kukhona kuye okuthile okuyithokozisayo iNkosi, uNkulunkulu kaIsrayeli.

1 AmaKhosi 8:32

akuzwe wena usezulwini, wahlulele inceku zakho, uyilahle elecala, wehlisele izenzo zayo phezu kwayo, uyekele elungileyo, uyinike umvuzo ofanele ukulunga kwayo.

2 AmaKhosi 14:6

Kodwa kababulalanga abantwana bababulali, njengokulotshiweyo ogwalweni lukaMose lapho iNkosi uNkulunkulu yalaya khona ukuthi: Oyise kabayikubulawa ngenxa yabantwana, labantwana kabayikubulawa ngenxa yaboyise, kodwa wonke umuntu uzafela izono zakhe.

2 ImiLando 25:4

Kodwa kababulalanga abantwana bazo, njengokulotshiweyo emlayweni, ogwalweni lukaMose lapho iNkosi yalaya khona ukuthi: Oyise kabayikubulawa ngenxa yabantwana, labantwana kabayikubulawa ngenxa yaboyise, kodwa wonke umuntu uzafela izono zakhe.

2 ImiLando 6:23

akuzwe wena usezulwini, wahlulele inceku zakho, uyilahle elecala, wehlisele izenzo zayo phezu kwayo, uyekele elungileyo, uyinike umvuzo ofanele ukulunga kwayo.

2 ImiLando 6:30

akuzwe wena usezulwini, endaweni yakho yokuhlala, umthethelele, umnike okufanele izenzo zakhe, wena owaziyo inhliziyo yakhe — ngoba nguwe wedwa owaziyo inhliziyo zabantu —

U-Eksodasi 32:33

INkosi yathi kuMose: Owonileyo kimi ngizamsusa ogwalweni lwami.

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

UHezekhiyeli 14:14

Loba lamadoda amathathu ebehlala khona, uNowa loDaneli loJobe, abezakuzikhulula wona kuphela ngokulunga kwawo, kutsho iNkosi uNkulunkulu.

UHezekhiyeli 14:16

uba lamadoda amathathu abehlala kilo, ngiyazifunga mina, kutsho iNkosi uNkulunkulu, abengayikukhulula amadodana lamadodakazi awo; wona wodwa abezakuzikhulula, kodwa ilizwe libe yinkangala.

UHezekhiyeli 18:13

isebolekisa ukuba izuze inzuzo, ithathe umvuzo, enjalo izakuphila na? Kayiyikuphila; yenzile wonke la amanyala; izakufa impela, legazi layo libe phezu kwayo.

UHezekhiyeli 18:30

Ngakhoke ngizalithonisisa, lina bakoIsrayeli, lonke ngokufanele indlela zenu, kutsho iNkosi uNkulunkulu. Phendukani, libuye eziphambekweni zenu zonke, lingachitheki ngenxa yobubi.

UHezekhiyeli 18:4

Konke ukuphila ngokwami; ukuphila kukayise kanye lokuphila komntwana kungokwami. Lowomuntu owonayo uzakufa.

UHezekhiyeli 33:10

Wenake, ndoda, tshono kuIsrayeli uthi: Lina lithi: Iziphambeko zethu lezono zethu zisehlele, siyaphela ngenxa yazo; sizakuphila njani na?

UHezekhiyeli 33:6

Kodwa nxa umlindi ebona impi isiza, angalukhalisi uphondo, abantu bengaxwayiswa, impi ifike ibulale omunye wabo, lowomuntu afele esonweni sakhe, umlandu uzakuba ngowomlindi.

UHezekhiyeli 4:4

Ubusulala ngomhlubulo wakho wangasekhohlo, ngizabeka phezu kwakho isono sikaIsrayeli; uzathwala isono sabo insuku zonke zokulala kwakho ngalowomhlubulo.

ULevi 10:17

Kalidlanga ngani umnikelo wesono endaweni yendlu engcwele, ngoba ungcwele kakhulu, futhi liphiwe wona ukuba lithwale ububi bebandla, libenzele indlela yokubuyisana phambi kweNkosi na?

ULevi 16:22

Impongo izakuthwala bonke ububi babo, iye endaweni elugwadule; izakuyekelwa ukuba izihambele enkangala.

ULevi 19:8

Wonke umuntu owudlayo uzathwala ububi bakhe, ngoba wonakalisile okungcwele kweNkosi; lowomuntu uzakukhutshwa ebantwini bakibo.

ULevi 5:1

Umuntu nxa ebizwa ukufakaza ngendaba ethile, ngoba eyibonile loba eyazi, kodwa angakhulumi, uyona, futhi uzakuthwala ububi bakhe.

ULevi 5:17

Uba umuntu esona, esenza lokho iNkosi elaye ngakho ukuthi umuntu angakwenzi lanxa engakwazi, ulecala, njalo uzathwala ububi bakhe.

AmaNani 15:31

Ngoba edelele ilizwi leNkosi, wephula umlayo wayo, uzakukhutshwa sibili; ububi bakhe buzakuhlala kuye.

AmaNani 18:1

INkosi yasisithi kuAroni: Wena, lamadodana akho, lesizwe sikayihlo, lizakuthwala ububi obenziwayo endlini engcwele; futhi wena lamadodana akho lizakuthwala ububi ngobupristi benu.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UDutheronomi 24:16

Oyise kabayikubulawa ngenxa yabantwana, labantwana kabayikubulawa ngenxa yaboyise; wonke umuntu uzakubulawa ngenxa yesakhe isono.

AmaHebheru 9:28

ngokunjalo loKristu, esenikelwe kanye ukuba athwale izono zabanengi uzakubonakala ngokwesibili, engasaqondani lesono, kodwa ukuba asilise labo abamlindeleyo.

1 UPhethro 2:24

Yena wathwala izono zethu emzimbeni wakhe esiphambanweni, ukuze kuthi sesifile esonweni siphile ekulungeni. Lisilisiwe ngamanxeba akhe.

Isambulo 2:23

ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.

Isambulo 20:12

Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.