UHezekhiyeli 17:21 - iBhayibhili Elingcwele 1978

²¹ Wonke amaqhawe empi yakhe azabulawa empini, abaseleyo bachithachithelwe emimoyeni yonke. Lizakwazi ukuthi mina Nkosi ngikhulumile.

IBhayibhili Elingcwele LesiNdebele

²¹ Wonke amabutho akhe abalekayo azabulawa ngenkemba, abasindayo bazahlakazelwa emimoyeni. Lapho-ke lizakwazi ukuthi mina Thixo sengikhulumile.

UHezekhiyeli 17:21 ပူးပေါင်းရင်းမြစ်များ

2 AmaKhosi 25:11

UNebuzaradani induna yabalindi wathumba bonke abantu ababesele emzini lalabo ababehlamukele enkosini yaseBabiloni, kanye lezingcitshi zemisebenzi.

2 AmaKhosi 25:5

Impi yamaKaladiya yaxotshana lenkosi uZedekiya, yayifica emagcekeni aseJeriko; impi yayo yonke yahlakazeka.

U-Isaya 26:11

Nkosi, isandla sakho siphakanyisiwe, kodwa izitha zakho kazisiboni. Kazibone ukutshisekela kwakho abantu bakho, zibe lenhloni. Umlilo olungiselwe zona kawuziqede.

UJeremiya 48:44

Obalekela ukwesaba uzawela emgodini, lophuma emgodini uzabanjwa ngumjibila. Ngoba lezizinto ngizazehlisela eMowabi ngomnyaka wokutshaywa kwabo, kutsho iNkosi.

UJeremiya 52:8

Impi yamaKaladiya yaxotshana layo inkosi uZedekiya; yamfica emagcekeni aseJeriko; lempi yakhe yonke yahlakazeka.

UHezekhiyeli 12:14

Ngizabachithachithela emimoyeni yonke wonke amanxusa aso, labasizi baso lazo zonke izimpi zaso, ngibalandele ukubabulala.

UHezekhiyeli 13:14

Ngizadiliza umduli eliwucombe ngekalaga, ngiwuwisele phansi ukuze kwambuleke izisekelo zawo; lekuweni kwawo uzalibulala; lizakwazi ukuba ngiyiNkosi.

UHezekhiyeli 13:23

Ngakho kalisayikubona imibono yenkohliso, livumise; ngizakhulula abantu bami ezandleni zenu. Lizakwazi ukuba ngiyiNkosi.

UHezekhiyeli 15:7

Ngizamelana labo; lanxa bephunyuka emlilweni, umlilo uzabaqeda; lizakwazi ukuba ngiyiNkosi, nxa sengimelana labo.

UHezekhiyeli 5:10

Ngakho oyise bazakudla abantwana babo phakathi kwenu, labantwana badle oyise. Ngizakulijezisa, labo abaseleyo ngizabachithachithela emimoyeni yonke.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:13

Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

UHezekhiyeli 5:2

Ingxenye yesithathu uzayitshisa ngomlilo phakathi komuzi lapho insuku zokuvimbezela seziphelile. Enye ingxenye yesithathu uyithathe, uyiqumaqumele endaweni zonke zomuzi ngomhedla; lenye ingxenye yesithathu uyichithachithe emoyeni, ngizayilandela ngiphethe umhedla.

UHezekhiyeli 6:10

Bazakwazi ukuba mina ngiyiNkosi. Kangikhulumanga ize nxa ngisithi ngizakwenza lokho okubi kibo.

UHezekhiyeli 6:7

Nxa abantu bebulawa phakathi kwenu, lizakwazi ukuba ngiyiNkosi.

uAmosi 9:1

Ngayibona iNkosi imi phansi kwealtare, yathi: Tshaya izihloko zezinsika ukuze iminyango inyikinyeke, uzaphulele amakhanda abo bonke abantu; abaseleyo ngizababulala ngempi; kakuyikuphunyuka loyedwa abaleke.