UHezekhiyeli 17:20 - iBhayibhili Elingcwele 1978

²⁰ Ngizaphosela imbule lami phezu kwakhe, ngimbambe ngalo, ngimuse eBabiloni, ngimthonisise khona ngokungathembeki kwakhe akwenzileyo kimi.

IBhayibhili Elingcwele LesiNdebele

²⁰ Ngizamendlalela imbule lami, njalo uzabanjwa yisifu sami. Ngizamusa eBhabhiloni, ngenzele khona ukumahlulela kwami ngoba wayengathembekanga kimi.

UHezekhiyeli 17:20 ပူးပေါင်းရင်းမြစ်များ

2 USamuyeli 18:9

UAbisalomu wahlangana lenceku zikaDavida. Wayegade imbongolo; kwathi isedlula ngaphansi kwengatsha zesihlahla esikhulu, ikhanda lakhe labanjwa zingatsha; imbongolo yadlula, yena wasala elenga emoyeni.

2 ImiLando 33:11

Ngalokhuke iNkosi yabalethela abaphathi bempi yenkosi yaseAsiriya, ababamba uManase ngezingwegwe, bambopha ngezibopho zethusi, bamusa eBabiloni.

UJobe 10:16

Loba ngiziphakamisa mina, uzangizingela njengesilwane, ubuye wenze okumangalisayo kimi.

UmTshumayeli 9:12

Futhi kakulamuntu okwaziyo ukuthi isikhathi sakhe sizakufika nini; njengenhlanzi ezibanjwa limbule lanjengezinyoni ezibanjwa ngumjibila, labantu bayabanjwa lapho isikhathi esibi sibajuma.

UJeremiya 2:35

Kangilacala; ngakho intukuthelo yakhe isukile kimi. Kodwake ngizakukugweba ngoba uthi: Kangonanga.

UJeremiya 2:9

Ngakhoke ngilibeka icala, kutsho iNkosi, ngizabeka icala labantwana babantwana benu.

UJeremiya 34:21

LoZedekiya inkosi yakoJuda lezikhulu zakhe ngizabanikela ezandleni zezitha zabo, lezandleni zalabo abafuna ukubabulala, lesandleni sempi yenkosi yaseBabiloni esisukile kini.

UJeremiya 37:17

Inkosi uZedekiya yambiza, yamamukela. Yambuza ensitha endlini yayo yathi: Kambe likhona ilizwi elivela eNkosini na? UJeremiya wathi: Likhona. Uzakunikelwa esandleni senkosi yaseBabiloni.

UJeremiya 50:44

Njengesilwane esiphuma ehlathini leJordani sisiya esibayeni sezimvu esiqinileyo, ngizabajuma ngibaxotshe, basuke kulo, ngilibekele lowo engimkhethileyo. Ngoba ngubani ofanana lami? Ngubani ozangibiza na? Nguwuphi umalusi ongema phambi kwami na?

Izililo 1:13

Iphezulu ithumele umlilo, yawehlisela emathanjeni ami. Yathiya inyawo zami ngembule, yangibuyisela emuva. Yangitshiya ngithithibele, ngiphele amandla usuku lonke.

Izililo 4:20

Ogcotshiweyo weNkosi, umoya wokuphila kwethu, wabanjwa emigodini yabo, yena esasithi ngaye: Ngaphansi komthunzi wakhe siyahlala phakathi kwezizwe.

UHezekhiyeli 12:13

Kodwa ngizaphosa imbule lami phezu kwaso, ngisibambe ngalo, ngisise eBabiloni elizweni lamaKaladiya; kanti kasiyikulibona, loba sizafela khona.

UHezekhiyeli 15:8

Ngizalenza ilizwe libe yinkangala, ngoba bangidelile; kutsho iNkosi uNkulunkulu.

UHezekhiyeli 17:19

Ngalokho, iNkosi uNkulunkulu ithi: Ngiyazifunga, impela isifungo sami asidelelayo, lesivumelwano sami asaphulayo, ngizakukwehlisela kuye.

UHezekhiyeli 18:24

Kodwa nxa olungileyo ephambuka ekulungeni kwakhe, enze okubi, enze amanyala enziwa ngomubi, uzakuphila na? Izenzo zakhe zonke ezilungileyo abezenzile kazisayikukhunjulwa; ngenxa yenkohliso alecala ngayo, lesono asenzileyo, uzakufa.

UHezekhiyeli 32:3

INkosi uNkulunkulu ithi: Ngizaphosela imbule lami phezu kwakho ekubuthaneni kwezizwe ezinengi, ngikukhuphe ngembule lami,

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

UHosiya 2:2

Solani unyoko, limsole, ngoba kasuye umkami, lami kangisiyo indoda yakhe, ukuba ayekele ukuwula kwakhe, asuse izigqizo zokufeba kwakhe emabeleni akhe,

UHosiya 7:12

Loba kungaphi lapho baphendukela khona, ngizabathiya ngembule lami, ngibaphosele phansi njengenyoni zaphezulu, ngibatshaye ngenxa yezenzo zabo ezimbi.

UMikha 6:2

Zwanini ukuphikisa kweNkosi, lina zintaba, lani zisekelo zomhlaba ezingapheliyo; ngoba iNkosi iphikisana labantu bayo, izakumelana loIsrayeli.

ULukha 21:35

ngoba luzakwehla ngokunjalo phezu kwabo bonke abakhileyo emhlabeni wonke.