UHezekhiyeli 17:10 - iBhayibhili Elingcwele 1978

¹⁰ Nxa selisitshuniwe, lizaphumelela na? Kaliyikubuna yini nxa umoya wasempumalanga ulibetha, libunele endaweni elakhula kiyo na?

IBhayibhili Elingcwele LesiNdebele

¹⁰ Lanxa lingayagxunyekwa kwenye indawo lingakhula kuhle na? Kambe kaliyikubuna okupheleleyo nxa umoya wasempumalanga ulihangula libune esivandeni elakhulela kuso na?’ ”

UHezekhiyeli 17:10 ပူးပေါင်းရင်းမြစ်များ

UGenesisi 41:6

Kwakhahlela emva kwazo izikhwebu eziyisikhombisa ezincinyane, zihangulwe ngumoya wasempumalanga.

UJeremiya 32:5

izakumthatha uZedekiya, imuse eBabiloni, ahlale khona ngize ngimhambele mina, kutsho iNkosi; lanxa usilwa lamaKaladiya, kawuyikuphumelela?

UJeremiya 4:11

Ngalesosikhathi kuzakuthiwa kulabobantu lakulo iJerusalema: Umoya otshisayo ovela enkangala emadundulwini angelalutho, uyavunguza phezu kwabantu bami, ungesiwo wokwela lokuhlungula,

UHezekhiyeli 17:11

Laselifika ilizwi leNkosi kimi lisithi:

UHezekhiyeli 17:9

Wothi: INkosi uNkulunkulu ithi: Kambe ivini leli lizaphumelela na? Ukhozi kaluyikusiphuna impande zalo, lwaphule ingatsha zalo, ukuba wonke amahlamvu alo amatsha ahlumayo abune na? Kakuyikudinga amandla labantu abanengi ukulisiphuna.

UHosiya 12:1

UEfrayimi uhamba lomoya, alandele umoya wasempumalanga usuku lonke; bayandisa amanga lesihluku, benze isivumelwano leAsiriya, base amafutha eGibithe.

UHosiya 13:15

Loba uIsrayeli ekhahlela phakathi kwemihlanga, kuzafika umoya wasempumalanga, isivunguvungu esivela eNkosini siphuma enkangala; imithombo yakhe izakutsha, kome lamaxhaphozi akhe; sithathe inotho yakhe, izinto zonke eziligugu.

UMatewu 21:19

Ebona umkhiwa ngasendleleni wasondela kuwo; kafumananga lutho kuwo kodwa amahlamvu wodwa. Wathi kuwo: Kakungabe kusavela isithelo kuwe lanini. Umkhiwa wabuna khona lapho.

UMakho 11:20

Ekuseni besadlula babona umkhiwa ubunile kusukela empandeni.

UJohane 15:6

Uba umuntu engahlali kimi, ulahlwa njengogatsha olubunileyo; bazibuthe, baziphose emlilweni, zitshe.

UJuda 1:12

Laba balihlazo emadilini enu othando nxa besidla lani bengesabi, bezinanzelela bona bodwa. Bangamayezi angelamanzi, aphetshulwa ngumoya; bayizihlahla ezingatheliyo zebusika, ezife kabili, sezisitshulwe;