UHezekhiyeli 16:60 - iBhayibhili Elingcwele 1978

⁶⁰ kanti ngizakhumbula isivumelwano sami lawe, esensukwini zobutsha bakho, ngenze lawe isivumelwano esingelakuphela.

IBhayibhili Elingcwele LesiNdebele

⁶⁰ Kodwa ngizasikhumbula isivumelwano engasenza lawe ensukwini zobutsha bakho, njalo ngizakwenza isivumelwano esingapheliyo lawe.

UHezekhiyeli 16:60 ပူးပေါင်းရင်းမြစ်များ

UGenesisi 9:15

khona ngizakhumbula isivumelwano sami esiphakathi kwami lani lazo zonke izidalwa eziphilayo zenhlobo zonke; amanzi kawasayikuba nguzamcolo abhubhise zonke izidalwa.

2 USamuyeli 23:5

Impela indlu yami ithembekile kuNkulunkulu na? Ngoba wenzile lami isivumelwano esingelakuphela, esimiswe kuhle ezintweni zonke, lesithembekileyo, Ngoba kayikuphumelelisa konke ukusizwa kwami lesifiso sami na?

AmaHubo 105:8

Iyakhumbula isivumelwano sayo kuze kube nininini, ikhumbula ilizwi eyalitsho yaliqinisa kuzo izizukulwana eziyinkulungwane,

AmaHubo 106:45

Yakhumbula isivumelwano sayo ngenxa yabo, yaphenduka ngenxa yobukhulu bothando lwayo olungapheliyo.

U-Isaya 14:1

INkosi izakumhawukela uJakobe, ibuye imkhethe futhi uIsrayeli, ibabeke elizweni lakibo; labezizwe bazahlangana labo, bahlale labo.

U-Isaya 55:3

Lalelani, lize kimi, lizwe ukuze liphile; ngizakwenza lani isivumelwano esingapheliyo, ngothando olungapheliyo olwathenjiswa kuDavida.

U-Isaya 61:8

Ngoba mina Nkosi ngithanda ukulunga, ngizonda ukuphanga lobubi; ngizakubanika umvuzo wabo ngeqiniso, ngenze labo isivumelwano esingapheliyo.

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

UJeremiya 50:5

Bazabuza indlela eya eZiyone, bekhangele ngakulo, bathi: Wozani, sizihlanganise leNkosi ngesivumelwano esingapheliyo esingayikukhohlakala.

UHezekhiyeli 16:8

Lapho ngidlula kuwe futhi ngakukhangela, ngakubona ususesikhathini sothando; ngendlala ingubo yami phezu kwakho, ngambathisa ubunqunu bakho; ngathembisa ukukuthatha, ngenza isivumelwano lawe, waba ngowami, kutsho iNkosi uNkulunkulu.

UHezekhiyeli 34:25

Ngizakwenza lazo isivumelwano sokuthula, ngixotshe izilo zeganga elizweni, ukuze zilondolozeke enkangala, zilale ehlathini.

UHosiya 2:15

Laphoke ngizambuyisela izivini zakhe, ngenze isihotsha saseAkori, okutsho iNhlupheko, sibe nguMnyango wethemba. Uzaphendula lapho njengasensukwini zobutsha bakhe, njengasosukwini lokuphuma kwakhe eGibithe.

ULevi 26:42

Ngizakukhumbula isivumelwano sami loJakobe, lesivumelwano sami loIsaka, lesivumelwano sami loAbrahama, ngilikhumbule lelizwe.

ULevi 26:45

Ngenxa yabo ngizakhumbula isivumelwano labokhokho babo engabakhupha elizweni laseGibithe emehlweni ezizwe, ukuba ngibe nguNkulunkulu wabo. NgiyiNkosi.

ULukha 1:72

ukubenzela isihawu okhokho lokukhumbula isivumelwano sayo esingcwele.

AmaHebheru 12:24

lakuJesu umlamuli wesivumelwano esitsha, ogazi lakhe elifafaziweyo likhuluma okuhle kakhulu kulelikaAbela.

AmaHebheru 13:20

Kungathi uNkulunkulu wokuthula owamkhuphula kwabafileyo uJesu, iNkosi yethu, umalusi omkhulu wezimvu ngegazi lakhe lesivumelwano esimiyo njalo,

AmaHebheru 8:10

Yilesi isivumelwano engizakusenza lendlu kaIsrayeli emva kwalezonsuku, itsho iNkosi; ngizakufaka imilayo yami engqondweni zabo, ngiyilobe enhliziyweni zabo, ngibe nguNkulunkulu wabo, bona babe ngabantu bami.