UHezekhiyeli 16:49 - iBhayibhili Elingcwele 1978

⁴⁹ Nanku ukona kukadadewenu iSodoma; lona lamadodakazi alo lalizigqaja, lisutha okunengi, lichelesile, kodwa kalibasizanga abayanga labaswelayo.

IBhayibhili Elingcwele LesiNdebele

⁴⁹ Isono sikadadewenu uSodoma sasiyilesi: Yena lamadodakazi akhe babezigqaja, badla bedlulisa njalo bengakhathali; kababasizanga abayanga labaswelayo.

UHezekhiyeli 16:49 ပူးပေါင်းရင်းမြစ်များ

UGenesisi 13:10

ULoti wasephakamisa amehlo akhe, wabona ukuthi lonke igceke laseJordani lalilamanzi, iNkosi ingakachithi iSodoma leGomora; lalinjengensimu yeNkosi lanjengelizwe laseGibithe kuze kufike eZowari.

UGenesisi 13:13

Abantu baseSodoma babebabi, besona kakhulu phambi kweNkosi.

UGenesisi 18:20

INkosi yathi: Ukukhala kwaseSodoma leGomora kukhulu lobubi babo bukhulu;

UGenesisi 19:24

INkosi yasinisa phezu kweSodoma leGomora isolufa lomlilo, kuvela eNkosini ezulwini.

UGenesisi 19:9

Kodwa athi: Xekela le. Lumuntu wafika lapha engowezizwe, khathesi usefuna ukuba ngumahluleli wethu; sizakwenza kubi okwedlula bona. Amcindezela kakhulu uLoti, asondela ukuba afohloze isivalo.

AmaHubo 138:6

Loba iNkosi iphakeme, iyakhumbula abathobekileyo; kodwa abazigqajayo iyababona ikhatshana.

Izaga 16:18

Ukuzigqaja kwandulela ukubhujiswa, lomoya ozikhukhumezayo wandulela ukuwa.

Izaga 16:5

INkosi izonda umuntu oyisiqholo, impela kayikuyekelwa.

Izaga 18:12

Ukuzikhukhumeza kwandulela ukubhujiswa, kodwa ukuthobeka kwandulela udumo.

Izaga 21:13

Ovala indlebe zakhe ekukhaleni kwabayanga laye kayikusatshelwa ekukhaleni kwakhe.

Izaga 21:4

Ukuzikhukhumeza lokuzigqaja kuyizono ezibusa ababi.

U-Isaya 1:10

Zwanini ilizwi leNkosi, lina babusi baseSodoma, lilalele imfundiso kaNkulunkulu wethu, lina bantu baseGomora.

U-Isaya 16:6

AbakoJuda bathi: Sizwile ngokuziphakamisa kukaMowabi ukuthi uzigqaja kangakanani, sizwile langokuzikhukhumeza kwakhe lokuziqhenya kwakhe, langokungahloniphi kwakhe, ukuzincoma kwakhe kuyize.

U-Isaya 3:9

Ukubandlulula kwabo kuyafakaza ngabo; benza izono zabo obala njengeSodoma, kabazifihli. Maye kibo! Ngoba bazehlisela okubi.

U-Isaya 47:8

Zwanake lokhu, wena othanda ukuzithokozisa, ohlala uvikelekile, othi enhliziyweni yakho: Yimi, kakho omunye ngaphandle kwami; kangiyikuba ngumfelwakazi, kangiyikufelwa langabantwana.

UJeremiya 48:11

IMowabi lichelesile kusukela ebutsheni balo, belihlezi lizinzile; kalithululelwanga embizeni ngembiza, kalithunjwanga; ngakho ukunambitheka kwalo kuhlala kunjalo, iphsnga lalo kaliphenduki.

UHezekhiyeli 16:46

Udadewenu omdala yiSamariya elalihlala lamadodakazi alo ngasenyakatho kwakho; lomnawakho owayehlala ngaseningizimu kwakho yiSodoma lamadodakazi alo.

UHezekhiyeli 18:12

icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

UHezekhiyeli 18:16

ingoni muntu, ingathathi isibambiso, ingaphangi muntu, kodwa iphe abalambileyo ukudla, inike abahambaze izigqoko,

UHezekhiyeli 18:7

engacindezeli muntu, ebuyisela kowebolekayo isibambiso sakhe, engaphangi muntu, enika olambileyo ukudla, enika abahambaze izigqoko,

UHezekhiyeli 23:42

Wawumkhulu umsindo wexuku elithokozayo; kanye labantukazana kwakukhona labaseSheba ababevela enkangala, befake amasongo ezandleni zabesifazana lemiqhele emihle emakhanda abo.

UHezekhiyeli 28:17

Inhliziyo yakho yaziphakamisa ngenxa yobuhle bakho; wona ukuhlakanipha kwakho ngenxa yodumo lwakho. Ngakuphosa phansi, ngakuchaya phambi kwamakhosi ukuba akukhangele ngamehlo awo.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

UHezekhiyeli 28:9

Uzakutsho yini uthi: Ngingunkulunkulu mina, phambi kwalabo abakugwazayo, lanxa wena ungumuntu ungesuye unkulunkulu, ezandleni zalabo abakugwazayo?

UHezekhiyeli 29:3

ukhulume uthi: INkosi uNkulunkulu ithi: Ngimelene lawe, wena Faro nkosi yaseGibithe, wena ngwenya enkulu elele phakathi kwemifula yayo, ethi: Umfula iNile ungowami, ngawenza.

UDanyeli 4:30

yathi: Kakusilo yini leliBabiloni elikhulu engalakha ngamandla ami amakhulu, laba ngumuzi wenkosi, laba lodumo lobukhosi bami na?

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UDanyeli 5:23

kodwa umelene leNkosi yaphezulu; kwalethwa lezitsha zendlu yayo phambi kwakho; wena lezikhulu zakho labomkakho labanye abafazi bakho lanathela kuzo iwayini. Wadumisa onkulunkulu besiliva labegolide labethusi labensimbi labezigodo labamatshe, abangaboniyo labangezwayo labangaziyo; kodwa uNkulunkulu ophethe ngesandla sakhe umphefumulo wakho lezindlela zakho zonke ezingezakhe kawumdumisanga.

uObadiya 1:3

Ukuziqhenya kwenhliziyo yakho kukukhohlisile, wena ohlala ezimbalwini zamawa, olendawo ephakemeyo yokuhlala, othi enhliziyweni yakho: Ngubani ozangehlisela phansi na?

ULukha 17:28

Ngokunjalo njengoba kwenzeka ensukwini zikaLoti, babesidla, benatha, bethenga, bethengisa, behlanyela, besakha;

ULukha 21:34

Xwayani ukuba inhliziyo zenu zingabi buthundu ngenxa yokuminza lokudakwa lokuphisekela izinto zalokhukusila, lolosuku luhle lulijume njengomjibila lingananzelele,

UDutheronomi 32:15

Kodwa uJeshuruni wazimuka, wasehlamuka. Yebo, uIsrayeli waminza, wakhuluphala, wazimuka. Wasedela uNkulunkulu owamenzayo, wadelela iDwala lokukhululwa kwakhe.

UJakhobe 5:5

Libusile emhlabeni, lathokoza; lizinonisele usuku lokuhlatshwa.

1 UPhethro 5:5

Ngokunjalo lani abatsha, zehliseleni ngaphansi kwabadala bebandla; yambathani lonke ukuthobeka, lithobelane, ngoba uNkulunkulu umelana labazigqajayo, kodwa abazithobileyo uyabapha umusa.

Isambulo 11:8

Lezidumbu zabo zizakusala zidindilizile emigwaqweni yomuzi omkhulu othiwa ngokomoya iSodoma leGibithe, lapho iNkosi yabo yabethelwa khona.