UHezekhiyeli 16:27 - iBhayibhili Elingcwele 1978

²⁷ Ngakho ngikuphakamisele isandla sami, nginciphisile isabelo sakho, ngakunikela ekuphangeni kwezitha zakho amaFilistiya, abe lenhloni ngokuziphatha kwakho ngokubi.

IBhayibhili Elingcwele LesiNdebele

²⁷ Ngakho ngelula isandla sami ukuba ngimelane lawe nganciphisa ilizwe lakho; ngakunikela ekuphangeni kwezitha zakho, amadodakazi amaFilistiya, ethuswa yikuziphatha kwakho kobuxhwali!

UHezekhiyeli 16:27 ပူးပေါင်းရင်းမြစ်များ

2 AmaKhosi 24:2

INkosi uNkulunkulu yamthumela izimpana zamaKaladiya lezamaSiriya lezamaMowabi lezamaAmoni, zahlasela koJuda ukuba zimchithe, njengelizwi leNkosi eyalikhuluma ngenceku zayo abaprofethi.

AmaHubo 106:41

Yabanikela ezandleni zezizwe ukuze ababazondayo bababuse.

U-Isaya 3:1

Khangela, iNkosi uNkulunkulu wamabandla iyasusa eJerusalema lakoJuda konke okusizayo, konke ukudla lawo wonke amanzi,

U-Isaya 5:25

Ngakhoke iNkosi ibathukuthelele abantu bayo, yelula isandla sayo yabatshaya; izintaba zizakuzamazama, lezidumbu zabo zibe yingcekeza ezindleleni. Kukho konke lokhu ukuthukuthela kwayo kakukapheli, isiphakamisile isandla sayo ukutshaya futhi.

U-Isaya 9:12

amaSiriya ngasempumalanga lamaFilistiya ngasentshonalanga ayadla uIsrayeli ngomlomo wawo. Kukho konke lokhu ukuthukuthela kwayo kakupheli, isiphakamisile isandla sayo ukutshaya futhi.

U-Isaya 9:17

Ngakhoke iNkosi kayiyekeli izinsizwa zabo, kayilasihawu ngezintandane labafelwakazi babo; ngoba bonke kabesabi uNkulunkulu, benza okubi, bonke baqamba amanga. Kukho konke lokhu ukuthukuthela kwayo kakupheli, isiphakamisile isandla sayo ukutshaya futhi.

UJeremiya 34:21

LoZedekiya inkosi yakoJuda lezikhulu zakhe ngizabanikela ezandleni zezitha zabo, lezandleni zalabo abafuna ukubabulala, lesandleni sempi yenkosi yaseBabiloni esisukile kini.

UHezekhiyeli 14:9

Uba umprofethi ekhohliseka, akhulume ilizwi, mina Nkosi ngimkhohlisile lowomprofethi; ngizaphakamisela isandla sami, ngimbhubhise phakathi kwabantu bami uIsrayeli.

UHezekhiyeli 16:37

ngizaqoqa zonke izithandwa zakho obuthokoza lazo, lazo zonke obuzithanda, lazo zonke obuzenyanya. Ngizaziqoqa ukuba zilwe lawe zivela endaweni zonke, ngikunqunulise phambi kwazo ukuze zibone bonke ubunqunu bakho.

UHezekhiyeli 16:47

Kanti kawukholwanga yikuhamba ngezindlela zabo, layikwenza amanyala abo. Ngesikhatshana nje esincinyane waba mubi kulabo kuzo zonke indlela zakho.

UHezekhiyeli 16:57

kungabonakali ububi bakho na? Khathesike usuphenduke waba njengalo, usuyinto yokuthukwa ngamadodakazi aseEdoma labo bonke abakhelene lalo, lamadodakazi aseFilistiya, abakuhanqileyo labakuzondayo.

UHezekhiyeli 23:22

Ngalokhoke, wena Oholiba, iNkosi uNkulunkulu ithi: Khangela, ngizakukuvusela izithandwa zakho owazitshiya usunengwa yizo, ngizilethe kuwe zivela inxa zonke,

UHezekhiyeli 23:25

Ngizakwenzela umona ukuba bakuphathe ngolaka. Bazaquma impumulo yakho lendlebe zakho, labaseleyo emzini wakho babulawe. Bazathumba amadodana lamadodakazi akho, labaseleyo emzini wakho batshiswe ngomlilo.

UZefaniya 3:19

Khangela, ngalesosikhathi ngizakulwa labo bonke abakucindezelayo; ngizakusiza bonke abaqhulayo, ngibuthe abaxotshiweyo, ngiphendule ihlazo labo libe yingoma yokudumisa lodumo emhlabeni wonke.

Isambulo 17:16

Lempondo ezilitshumi ozibonileyo zona kanye lesilo zizakusizonda isiphingi; zizakusichitha sisale siyize, zidle inyama yaso, zisitshise ngomlilo.