UHezekhiyeli 14:7 - iBhayibhili Elingcwele 1978

⁷ Ngoba bonke abakoIsrayeli labezizweni abahlala koIsrayeli abazehlukanisa lami, banikela inhliziyo zabo ezithombeni zabo, bethanda ukukhangela izinto ezimbi ezibakhubayo, kodwa beze kumprofethi ukubuza ngami, mina Nkosi uqobo ngizabaphendula.

IBhayibhili Elingcwele LesiNdebele

⁷ Lapho owako-Israyeli loba omunye wabezizweni ohlala ko-Israyeli ezehlukanisa lami abeke izithombe enhliziyweni yakhe njalo afake lesikhubekiso esibi phambi kobuso bakhe, abesesiya kumphrofethi ukuyabuza ngami, mina Thixo ngizamphendula mina ngokwami.

UHezekhiyeli 14:7 ပူးပေါင်းရင်းမြစ်များ

U-Eksodasi 12:48

Uba kukhona owemzini ohlala lani othanda ukugcina iPhasika leNkosi, kabasokwe bonke abesilisa bakibo, ukuze asondele aligcine, abe njengowokuzalwa elizweni; kodwa ongasokwanga angalidli.

U-Eksodasi 20:10

kodwa usuku lwesikhombisa luliSabatha leNkosi uNkulunkulu wakho; ungasebenzi ngalo wena lendodana yakho lendodakazi yakho lenceku yakho lencekukazi yakho lenkomo zakho lowemzini osemzini wakho.

U-Isaya 63:17

Nkosi, usiyekelelani siduhe ezindleleni zakho, lokuba senze inhliziyo zethu zibe lukhuni, ukuba singakwesabi na? Buyake ngenxa yezinceku zakho, lesizwe sakho.

UJeremiya 37:17

Inkosi uZedekiya yambiza, yamamukela. Yambuza ensitha endlini yayo yathi: Kambe likhona ilizwi elivela eNkosini na? UJeremiya wathi: Likhona. Uzakunikelwa esandleni senkosi yaseBabiloni.

UHezekhiyeli 3:20

Lalapho olungileyo ephambuka ekulungeni kwakhe, enze okubi, ngibeke isikhubekiso phambi kwakhe, uzakufa. Ngoba ungamxwayisanga yena, uzafela ezonweni zakhe kuthi izenzo zakhe ezilungileyo azenzileyo zingakhunjulwa. Kodwa igazi lakhe ngizalibiza kuwe.

UHosiya 4:14

Kangiyikuwatshaya amadodakazi enu nxa ewula, labalobokazi benu nxa befeba; ngoba lamadoda lawo ahamba lamawule, enze imihlatshelo yawo kanye lezifebe zasethempelini; abantu abangelakuqedisisa bazabhubha.

UHosiya 4:5

Uzakhubeka emini lebusuku, umprofethi uzakhubeka kanye lawe; uyasibulala isizwe sakini.

UHosiya 9:10

INkosi ithi: Ngamfumana uIsrayeli njengezithelo zevini egangeni, ngababona okhokho babo njengezithelo zokuqala zomkhiwa. Kodwa bafika eBali‐Peyori, bazinikela kuBali, baba yisinengiso njengento abayithandileyo.

ULevi 16:29

Lokhu kuzakuba yisimiso esingelakuphela kini sokuthi ngosuku lwetshumi lwenyanga yesikhombisa lizakuzithoba, lingasebenzi, owokuzalwa elizweni lowemzini ohlala phakathi kwenu.

ULevi 20:2

Tshono ebantwini bakoIsrayeli uthi: Yilowo lalowo wabakoIsrayeli, loba owabezizweni abahlala koIsrayeli, onikela ngabantwana bakhe kunkulunkulu uMoloki, kabulawe, abantu belizwe bamkhande ngamatshe.

ULevi 24:22

Lizakuba lomlayo munye kowezizweni lakowokuzalwa elizweni. Ngoba ngiyiNkosi uNkulunkulu wenu.

AmaNani 15:15

Kuzakuba lesimiso sinye kini lakowemzini ohlala phakathi kwenu, isimiso esingelakuphela ezizukulwaneni zenu zonke. Owemzini uzakuba njengani phambi kweNkosi.

AmaNani 15:29

Umlayo wenu uzakuba munye kubo bonke abangoni ngabomu, abakoIsrayeli, labemzini abahlala phakathi kwenu.

UDutheronomi 29:19

ngitsho umuntu othi esizwa amazwi alesisifungo, azithokozise enhliziyweni yakhe athi: Kungaba kuhle kimi lanxa ngilandela inhliziyo yami elenkani; ngalokhu bonke abantu bangachitheka.

UJuda 1:19

Yibo laba abaletha ukwahlukana, bangabomhlaba, kabalaMoya.