UHezekhiyeli 14:23 - iBhayibhili Elingcwele 1978

²³ Kuzakukutshengisa ukuthi kufanele nxa usubonile ukwenza kwabo lalokho abakwenzileyo, ngoba uzakwazi ukuthi kangikwenzanga lokhu kibo ngaphandle kwesizatho, kutsho iNkosi uNkulunkulu.

IBhayibhili Elingcwele LesiNdebele

²³ Uzaduduzeka lapho usubona ukuziphatha kwabo kanye lezenzo zabo, ngoba uzakwazi ukuthi angenzanga lutho phakathi kwalo kungekho sizatho, kutsho uThixo Wobukhosi.”

UHezekhiyeli 14:23 ပူးပေါင်းရင်းမြစ်များ

UNehemiya 9:33

Wena ubulungile kukho konke okusehleleyo, wena ubuthembekile, thina senza okubi;

UJobe 33:27

ehlabela phambi kwabantu esithi: Ngonile, ngahlanekela okulungileyo, kodwa kakubalelwanga kimi.

Izaga 26:2

Njengentaka lenkonjane ezibhubhuzelayo zingehli zihlale, sinjalo isiqalekiso esingelasizatho kasihlali.

UHezekhiyeli 15:1

Ilizwi leNkosi lafika kimi lathi:

UHezekhiyeli 16:54

Uzakuthwala ihlazo lakho, ube lenhloni ngakho konke okwenzileyo, ukuba ube yinduduzo kibo.

UHezekhiyeli 31:16

Ngizakwenza zonke izizwe zithuthumele ngomdumo wokuwa kwawo, lapho ngiwuphosela endaweni yabafileyo kanye lalabo abehlela egodini. Zonke izihlahla zaseEdeni, ezikhethiweyo lezinhle zaseLebanoni, zonke ezinatha amanzi, zizaduduzwa elizweni elingaphansi komhlaba.

UHezekhiyeli 7:27

Inkosi izakulila, lezikhulu zigewale ukudana, labantu belizwe bazathuthumela. Ngizakwenza kibo njengokufanele indlela zabo, ngibathonisise njengokufanele izahlulelo zabo; bazakwazi ukuba ngiyiNkosi.

UDanyeli 9:14

Ngakhoke iNkosi yasisidlinzeka ngomonakalo, yawehlisela phezu kwethu; ngoba iNkosi uNkulunkulu wethu ilungile emisebenzini yayo yonke eyenzileyo, thina kasililalelanga ilizwi layo.

UDanyeli 9:7

Kukhona ukulunga kuwe, Nkosi, kodwa kithi kukhona ihlazo njengalamhlanje ebantwini bakoJuda, labakhileyo eJerusalema, lakuIsrayeli wonke, kubo abaseduze labakhatshana, emazweni wonke obaxotshele kiwo ngenxa yenkohliso abayenze kuwe.

ULevi 26:40

Bazakuvuma ububi babo lobubi baboyise, ububi ababenzayo kimi, futhi abahamba ngabo ngokuphambene lami.

ULevi 26:41

Lami ngizahamba ngokuphambene labo, ngibase elizweni lezitha zabo; ng’khona inhliziyo zabo ezingcolileyo zizakuzithoba, bavume ukutshaywa ngenxa yobubi babo.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

UDutheronomi 8:2

Likhumbule yonke indlela iNkosi uNkulunkulu wenu elihole ngayo kuliminyaka engamatshumi amane enkangala, ukuba ilithobise, ilihlole, ibone imicabango yenhliziyo zenu ukuba ibone ukuthi lizakuyigcina imithetho yayo yini, loba ayi.

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.