UHezekhiyeli 14:22 - iBhayibhili Elingcwele 1978

²² Abanye bazasala kilo, abasilileyo ukuba bakhutshwe kilo, amadodana lamadodakazi; ubakhangele nxa bephuma besiza kuwe, ubone ukuthi baziphathe kanjani lokuthi benzeni; lokhu kuzakukutshengisa wena ukuthi konke okubi engikwenzileyo eJerusalema kufanele, lakho konke engilehlisele khona.

IBhayibhili Elingcwele LesiNdebele

²² Kodwa kuzakuba labanye abasilayo, amadodana lamadodakazi abazakhutshelwa ngaphandle kwalo. Bazakuza kuwe, njalo lapho ubona ukuziphatha kwabo lezenzo zabo, uzaduduzeka ngomonakalo engiwehlisela phezu kweJerusalema, wonke umonakalo engawehlisela phezu kwalo.

UHezekhiyeli 14:22 ပူးပေါင်းရင်းမြစ်များ

2 ImiLando 36:20

Yathumbela eBabiloni bonke labo ababesile ekubulaweni empini, baba zinceku zayo lezabantwana bayo kwaze kwaba yisikhathi sombuso wamaPerisiya.

U-Isaya 24:13

Ngoba kuzakuba njalo emhlabeni wonke, phakathi kwezizwe zonke, kube njengokuwohlozwa kwesihlahla seoliva, lanjengokudojwa kwezithelo emva kokuvuna.

U-Isaya 6:13

Lanxa kusele kulo ingxenye yetshumi yabantu, izatshiswa, njengesihlahla esikhulu, okusasele isidindi saso emhlabathini, lapho isihlahla sesiganyuliwe. — Esidindini kuzavela okutsha —

UJeremiya 30:11

Ngoba mina ngilawe ukukukhulula, kutsho iNkosi. Ngoba ngizachitha ngokupheleleyo zonke izizwe engikuhlakazele phakathi kwazo, kodwa wena kangiyikukubhubhisa ngokupheleleyo; ngizakukukhuza ngokufaneleyo, kangiyikukuyekela.

UJeremiya 4:27

Ngoba iNkosi ithe: Ilizwe lonke lizachitheka, kodwa kangizukuliqeda ngokupheleleyo.

UJeremiya 5:19

Kuzakuthi lapho abakini besithi: INkosi, uNkulunkulu wethu, yenzeleni zonke lezizinto kithi na? uzakuthi kibo: Njengoba lingihlamukele, lakhonza abanye onkulunkulu elizweni lakini, lizakusebenzela abantu bezizwe elizweni elingesilo elenu.

UHezekhiyeli 12:16

Kodwa ngizatshiya abayingcosana baphephe empini lasendlaleni lasesifeni, ukuba bafakaze ngawo wonke amanyala abo phakathi kwezizwe abazahamba kuzo, ukuba zazi ukuba ngiyiNkosi.

UHezekhiyeli 16:54

Uzakuthwala ihlazo lakho, ube lenhloni ngakho konke okwenzileyo, ukuba ube yinduduzo kibo.

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UHezekhiyeli 20:43

Laphoke lizakhumbula indlela zenu lezenzo zenu zonke elazingcolisa ngazo; lizazizonda ngenxa yazo zonke izinto ezimbi elazenzayo.

UHezekhiyeli 31:16

Ngizakwenza zonke izizwe zithuthumele ngomdumo wokuwa kwawo, lapho ngiwuphosela endaweni yabafileyo kanye lalabo abehlela egodini. Zonke izihlahla zaseEdeni, ezikhethiweyo lezinhle zaseLebanoni, zonke ezinatha amanzi, zizaduduzwa elizweni elingaphansi komhlaba.

UHezekhiyeli 32:31

Lapho uFaro ebabona, uzaziduduza ngenxa yamaxuku akhe wonke, uFaro lempi yakhe yonke, bebulewe empini, kutsho iNkosi uNkulunkulu.

UHezekhiyeli 36:20

Kodwa nxa befika ezizweni lakuyiphi indawo abafika kiyo, bangcolisa ibizo lami elingcwele, abantu baze bathi ngabo: Laba bangabantu beNkosi, kodwa bakhutshiwe elizweni layo.

UHezekhiyeli 36:31

Lizakhumbula izindlela zenu ezimbi, lezenzo zenu ezingalunganga; lizazizonda ngenxa yezono zenu langenxa yamanyala enu.

UHezekhiyeli 7:16

Uba kukhona ababalekela ezintabeni bazakuba njengamajuba avela esihotsheni; bakhale bonke bekhalela ububi babo.

UMikha 5:7

Abaseleyo bakoJakobe bephakathi kwabantu abanengi bazakuba njengamazolo avela eNkosini lanjengomkhizo phezu kotshani, okungalindeli muntu, okungahlaleli muntu.

UMakho 13:20

Uba iNkosi ibingazifinyezanga insuku, bekungesiliswe muntu; kodwa izifinyezile ngenxa yabakhethiweyo ebakhethileyo.

UDutheronomi 4:31

ngoba iNkosi uNkulunkulu wenu inguNkulunkulu olomusa, kayiyikulitshiya, kayiyikulibhubhisa, kayiyikukhohlwa isivumelwano eyasifunga kubokhokho benu.