UHezekhiyeli 14:19 - iBhayibhili Elingcwele 1978

¹⁹ Uba ngithumela isifo kulelolizwe, ngehlisele ukuthukuthela kwami kulo ngokuchitha igazi, ukuba ngiqede kulo abantu lezinyamazana,

IBhayibhili Elingcwele LesiNdebele

¹⁹ Loba nxa ngithumela isifo kulelolizwe, ngithululele ulaka lwami phezu kwalo ngokuchithwa kwegazi, sibulale abantu balo kanye lezifuyo zabo,

UHezekhiyeli 14:19 ပူးပေါင်းရင်းမြစ်များ

2 USamuyeli 24:13

UGadi wasefika kuDavida, wamtshela wathi: Kufike kuwe yini iminyaka emithathu yendlala elizweni lakini, loba ubalekele izitha zakho inyanga ezintathu zixotshana lawe; ingabe kube khona umkhuhlane okwensuku ezintathu elizweni lakini na? Ake ucabange, ubone ukuba yimpendulo bani engizayibuyisela kongithumileyo.

2 USamuyeli 24:15

Ngakho iNkosi yasithumela umkhuhlane kuIsrayeli, kusukela ekuseni kwaze kwaba sesikhathini esimisiweyo; kwafa abantu abayizinkulungwane ezingamatshumi ayisikhombisa kusukela koDani kwaze kwaba seBerisheba.

1 AmaKhosi 8:37

Uba kukhona indlala elizweni lomkhuhlane lokutshisa lengumane lesikhongwane lemihogoyi, uba izitha zabo zivimbezele imizi yabo, loba behlutshwa yikuphi ukufa lomkhuhlane,

2 ImiLando 20:9

Uba sisehlelwa yibubi, impi loba ukutshaywa loba umkhuhlane loba indlala, sizakuma phambi kwalindlu laphambi kwakho, ngoba ibizo lakho lidunyiselwa kulindlu, sikhale kuwe osizini lwethu, wena uzakusizwa usikhulule.

2 ImiLando 6:28

Uba kukhona indlala elizweni lomkhuhlane lokutshisa lengumane lesikhongwane lemihogoyi, uba izitha zabo zivimbezela imizi yabo, loba behlutshwa yikuphi ukufa lomkhuhlane,

2 ImiLando 7:13

Uba ngivala iphezulu ukuze kungabi lazulu, loba ngithumela intethe ukuchitha ilizwe, ingabe ngithumele umkhuhlane phakathi kwabantu bami,

AmaHubo 91:3

Ngoba yena uzakukukhulula emjibileni womthiyi, lakuwo umkhuhlane obhubhisayo.

AmaHubo 91:6

lomkhuhlane ohambayo emnyameni, lokufa okubhubhisayo emini enkulu.

U-Isaya 34:3

Ababuleweyo bazo kabayikungcwatshwa, zizanuka izidumbu zabo, legazi labo ligeleze ezintabeni.

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 21:6

Ngizatshaya abakhileyo balumuzi, abantu lezifuyo; bazabulawa ngumkhuhlane onzima.

UJeremiya 21:9

Osala kulumuzi uzabulawa empini layindlala langumkhuhlane; kodwa ophumayo azinikele kumaKaladiya alivimbezeleyo uzakusila, aphunyuke lokuphila kwakhe.

UJeremiya 24:10

Ngizabehlisela impi lendlala lomkhuhlane, baze babhubhe baphele elizweni engibanika lona lokhokho babo.

UHezekhiyeli 14:18

loba lamadoda abehlala khona, ngiyazifunga, kutsho iNkosi uNkulunkulu, abengayikukhulula amadodana lamadodakazi awo, kodwa wona wodwa abezakuzikhulula.

UHezekhiyeli 14:20

loba uNowa loDaneli loJobe bebehlala khona, ngiyazifunga, kutsho iNkosi uNkulunkulu, bebengayikukhulula indodana loba indodakazi; kodwa bebezakuzikhulula bona kuphela ngokulunga kwabo.

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UHezekhiyeli 36:18

Ngakho ngasengehlisela phezu kwabo ulaka lwami ngenxa yegazi abalichitha elizweni, langenxa yezithombe abalingcolisa ngazo.

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 7:8

Ngizakwehlisela ulaka lwami phezu kwenu, ngiqedele ukuthukuthela kwami kini, ngilithonisise ngokufanele indlela zenu, ngilitshaye ngenxa yawo wonke amanyala enu.

uAmosi 4:10

Ngathumela phakathi kwenu isifo esifana lesaseGibithe, ngabulala insizwa zenu empini, ngathumba amabhiza enu; ngenza ukuba isihonqo senu sinuke kakhulu; kanti kaliphendukelanga kimi, kutsho iNkosi.

AmaNani 14:12

Ngizakubehlisela umkhuhlane, ngibafulathele, ngikwenze wena ube yisizwe esikhulu lesilamandla kulabo.

UMatewu 24:7

Ngoba isizwe sizakuvukela isizwe, lombuso uvukele umbuso; kube khona indlala lokuzamazama komhlaba indawo ngendawo.