UHezekhiyeli 14:13 - iBhayibhili Elingcwele 1978

¹³ Ndoda, lapho ilizwe lisona kimi ngokwenza okubi, mina ngizaphakamisela isandla sami kulo, nginciphise ukudla kwalo kwensuku zonke, ngilehlisele indlala, ngiqede kulo abantu lezinyamazana.

IBhayibhili Elingcwele LesiNdebele

¹³ “Ndodana yomuntu, nxa ilizwe lisona kimi ngokungathembeki besengiselula isandla sami ukuba ngivale ukulethwa kokudla kwalo, ngithumele indlala kulo ibulale abantu bakhona kanye lezifuyo zabo,

UHezekhiyeli 14:13 ပူးပေါင်းရင်းမြစ်များ

UGenesisi 6:7

INkosi yathi: Ngizabachitha abantu engabadalayo ngibasuse emhlabeni, yebo abantu, lezilo, lokuhuquzelayo, lenyoni zaphezulu; ngoba sengizisola ngokuthi ngibenzile.

U-Ezra 9:6

ngathi: Wena Nkulunkulu wami, ngilenhloni, ngiyesaba ukukukhangela, Nkulunkulu wami, ngoba ububi bethu buphakeme ngaphezu kwamakhanda ethu lesono sethu sifinyelele ezulwini.

U-Isaya 24:20

Umhlaba uyadayizela njengesidakwa, uzunguzeke njengendlu ngesikhathi sesiphepha; usindwa yizono zabantu, uzakuwa, ungabe usavuka futhi.

U-Isaya 3:1

Khangela, iNkosi uNkulunkulu wamabandla iyasusa eJerusalema lakoJuda konke okusizayo, konke ukudla lawo wonke amanzi,

UJeremiya 32:43

Amasimu azathengwa kulelilizwe elilibiza ngokuthi: Liyinkangala engelamuntu lenyamazana, futhi linikelwe ezandleni zamaKaladiya.

UJeremiya 36:29

Mayelana loJehoyakimi inkosi yakoJuda uzakuthi: INkosi uNkulunkulu ithi: Uwutshisile umqulu wencwadi, wathi: Ulobeleni kiwo ukuthi inkosi yaseBabiloni izafika impela, ilichithe lelilizwe, ibulale bonke abantu lenyamazana na?

UJeremiya 52:6

Ngosuku lwesificamunwemunye lwenyanga yesine indlala yaba nkulu phakathi komuzi, kwasweleka ukudla kwabantu elizweni.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

Izililo 1:20

Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

Izililo 1:8

IJerusalema lonile kakhulu, ngakho seliyisinengiso. Bonke ababelihlonipha sebelidelela, ngoba sebebonile ubuze balo. Yebo, selibubula, likhangele eceleni.

UHezekhiyeli 14:12

Ilizwi leNkosi lafika kimi lathi:

UHezekhiyeli 14:17

Uba ngisehlisela ukulwa kulelolizwe ngithi: Impi kayidabule phakathi kwelizwe, iqede kulo abantu lezinyamazana,

UHezekhiyeli 14:19

Uba ngithumela isifo kulelolizwe, ngehlisele ukuthukuthela kwami kulo ngokuchitha igazi, ukuba ngiqede kulo abantu lezinyamazana,

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.

UHezekhiyeli 15:8

Ngizalenza ilizwe libe yinkangala, ngoba bangidelile; kutsho iNkosi uNkulunkulu.

UHezekhiyeli 20:27

Ngalokho, ndoda, khuluma labakoIsrayeli, uthi kibo: INkosi uNkulunkulu ithi: Lakulokho futhi okhokho benu bangihlambaza ngokungikhohlisa.

UHezekhiyeli 25:13

ngalokho iNkosi uNkulunkulu ithi: Ngizaphakamisela isandla sami ngakilo iEdoma, ngiqede kilo abantu lezinyamazana, ngilenze libe yinkangala; kusukela eTemani kuze kufike eDedani bazabulawa yimpi.

UHezekhiyeli 4:16

Yathi futhi kimi: Ndoda, ngizanciphisa ukudla kwabo kwensuku zonke eJerusalema; abantu bazalinganisa ukudla abakudlayo benqineka, balinganise lamanzi abawanathayo benqineka.

UHezekhiyeli 5:16

Lapha ngilitshoka ngemitshoko ebulalayo yendlala, imitshoko yokubhubhisa, ngizakuyitshokela ukulibhubhisa ngayo, ngizalilethela indlala nginciphise ukudla kwenu kwensuku zonke.

UHezekhiyeli 6:14

Ngizabaphakamisela isandla sami, ngilichithe ilizwe liphele, kuzo zonke indawo abahlala kuzo, kusukela enkangala kuze kufike eRibila. Ng’khonake bezakwazi ukuba ngiyiNkosi.

UHezekhiyeli 9:9

Yathi kimi: Ububi bakoIsrayeli lobakoJuda bukhulu kakhulu, ilizwe ligcwele igazi, lomuzi ugcwele ukungalungi, ngoba bathi: INkosi ilitshiyile ilizwe leli, kayiboni.

UDanyeli 9:5

sonile, saziphatha kubi, senza okubi, sakuhlamuka, sayephula imilayo yakho lezimiso zakho;

ULevi 26:26

Lapho nginciphisa ukudla kwenu, abesifazana abalitshumi bazapheka izinkwa zenu eziko linye, balinike izinkwa ngobunzima bazo; lizakudla, kodwa lingasuthi.