UHezekhiyeli 13:17 - iBhayibhili Elingcwele 1978

¹⁷ Wena ndoda, phendukela kwabesifazana bakini abatshumayela okwengqondo zabo, utshumayele ngabo,

IBhayibhili Elingcwele LesiNdebele

¹⁷ Khathesi-ke ndodana yomuntu, melana lamadodakazi abantu bakini aphrofetha okwemicabango yawo. Phrofetha umelana lawo

UHezekhiyeli 13:17 ပူးပေါင်းရင်းမြစ်များ

2 AmaKhosi 22:14

Ngakho uHilikiya umpristi loAhikamu loAkibori loShafani loAsaya baya kuHulida umprofethikazi umkaShaluma indodana kaTikiva kaHarihasi, umgcini wezigqoko. UHulida wayehlala eJerusalema esigabeni sesibili. Bakhuluma laye.

UNehemiya 6:14

Ngakhuleka ngathi: Nkulunkulu wami, bakhumbule oTobiya loSanibalati ngalezizinto abazenzileyo, kanye lomprofethikazi uNowadiya labaprofethi bonke ababefuna ukungethusa.

U-Isaya 4:4

lapho iNkosi isigezisile ingcekeza yabesifazana beZiyone, yahlambulula iJerusalema ngomoya wokwahlulela langomoya wokutshisa egazini elichithekele phakathi kwalo.

UHezekhiyeli 13:2

Ndoda, tshumayela ngabaprofethi bakoIsrayeli, uthi kulabo abatshumayelayo okwengqondo zabo: Zwanini ilizwi leNkosi.

UHezekhiyeli 20:46

Ndoda, khangelisa ubuso bakho ngaseningizimu, utshumayele ngeningizimu, utshumayele ngelizwe lamagusu eliseNegebi.

UHezekhiyeli 21:2

Ndoda, khangela ngaseJerusalema, utshumayele ngezindawo zakhona ezingcwele, utshumayele ngelizwe lakoIsrayeli,

UHezekhiyeli 4:3

Uthathe umganu wensimbi, uwumise phakathi kwakho lomuzi, ube ngumduli wensimbi; wena ukhangele ngakuwo umuzi, umuzi ube ngovinjezelweyo, wena ube ngumvimbezeli. Lokhu kuzakuba yisibonakaliso kwabakoIsrayeli.

ULukha 2:36

Kwakukhona lomprofethikazi, uAna indodakazi kaFanuweli, owesizwe sikaAsheri; wayesekhulile kakhulu, ebehlale lendoda iminyaka eyisikhombisa emva kobuntombi bakhe;

Imisebenzi 21:9

Yenake wayelamadodakazi amane ayengendanga, intombi ezaziselayo.

2 UPhethro 2:1

Kodwa kwavela abaprofethi bamanga phakathi kwabantu, njengokuba lakini kuzakuba khona abafundisi bamanga abazakungenisa ngensitha izifundiso ezichithayo, bephika iNkosi eyabathengayo, bezilethela ngokuphangisa ukuchitheka.

Isambulo 2:20

Kodwa ngilalokhu ngawe ukuthi umvumele owesifazana uJezebeli, ozibiza ngokuthi ungumprofethikazi, ukufundisa aduhise inceku zami ukuba ziphinge, lokuba zidle ukudla okuhlatshelwe izithombe.

Abahluleli 4:4

UDebora umprofethikazi umkaLapidothi wayengumahluleli koIsrayeli ngalesosikhathi.