UHezekhiyeli 13:10 - iBhayibhili Elingcwele 1978

¹⁰ Yebo, ngoba beduhisa abantu bami besithi: Kulungile! Khona kungalunganga; kunjengabantu abakha umduli, lababaprofethi bawucombe ngekalaga engavuthwanga.

IBhayibhili Elingcwele LesiNdebele

¹⁰ Ngenxa yokuthi bedukisa abantu bami, besithi “Ukuthula,” khona ukuthula kungekho, njalo ngoba, nxa kwakhiwe umduli ongaqinanga, bayawubhada ngekalaga,

UHezekhiyeli 13:10 ပူးပေါင်းရင်းမြစ်များ

2 AmaKhosi 21:9

Kodwa kabalalelanga, uManase wabahuga ukuba benze okubi ukwedlula izizwe iNkosi eyazichitha phambi kwabakoIsrayeli.

2 ImiLando 18:12

Isithunywa esasiyembiza uMikaya sathi kuye: Amazwi abaprofethi ayathandeka wonke enkosini; lelizwi lakho kalifanane lawabo, ukhulume okuthandekayo.

Izaga 12:26

Olungileyo uxwaya ububi, kodwa indlela yababi iyabaduhisa.

U-Isaya 30:10

abathi kubaboni: Lingabe lisabona; lakubaprofethi: Lingatshumayeli kithi okuqondileyo; kodwa khulumani kithi izinto ezimnandi, lamanga athokozisayo,

U-Isaya 57:21

Kakulakuthula lakancinyane kwababi, kutsho uNkulunkulu wami.

UJeremiya 14:13

Ngasengisithi: Hawu, Nkosi Nkulunkulu! Khangela, abaprofethi babatshela bathi: Kaliyikubona impi, kaliyikufikelwa yindlala, kodwa ngizalinika ukuthula kulindawo.

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 23:32

Ngimelana lalabo abaxoxa amaphupho amanga, baduhise abantu bami ngamanga abo langokuwalazela kwabo, ngingabathumanga, ngabalaya; ngakho kababasizi ngalutho lababantu, kutsho iNkosi.

UJeremiya 28:9

Kodwa lowomprofethi otshumayela ngokuthula, lapho seligcwalisekile ilizwi lakhe, kuzabonakala ukuthi ungumprofethi othunywe yiNkosi sibili.

UJeremiya 4:10

Ngasengisithi: Hawu, Nkosi Nkulunkulu! ubakhohlisile impela lababantu kanye leJerusalema ngokuthi: Lizakuba lokuthula; kanti impi isiphezu kwabo.

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

UJeremiya 50:6

Abantu bami bebeyizimvu ezilahlekileyo; abelusi babo babaduhisile, bebebalusela ezintabeni; besuka entabeni besiya kwenye, bakhohlwa isibaya sabo.

UJeremiya 6:14

Kabawelaphisisi amanxeba abantu bami, bathi: Konke kulungile. Khona, kungalunganga.

UJeremiya 8:11

Kabawelaphisisi amanxeba abantu bami, bathi: Konke kulungile. Khona kungalunganga.

UJeremiya 8:15

Salindela ukuthula, kodwa kakuvelanga, sahlalela isikhathi sokwelatshwa, kodwa kwavela ukwesaba.

UHezekhiyeli 13:16

abangabaprofethi bakoIsrayeli abatshumayeza iJerusalema, ababona imibono besithi kulungile, khona kungalunganga, kutsho iNkosi uNkulunkulu.

UHezekhiyeli 22:28

Abaprofethi balo bayacomba izenzo zazo ngekalaga, babona imibono yamanga, bavumise amanga, besithi: Nanti ilizwi leNkosi uNkulunkulu; yona iNkosi ingakulumanga.

UHezekhiyeli 7:25

Lapho usizi selufikile, bazadinga ukuthula, kodwa kakuyikuba khona.

UHosiya 9:7

Insuku zokutshaywa sezifikile, lensuku zokuphindisela sezifikile. UIsrayeli uzakukwazi lokhu. Umprofethi uzakuba njengesithutha, lomuntu olomoya abe njengohlanyayo ngenxa yobubi benu obukhulu lenzondo yenu enkulu.

UMikha 2:11

Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

UMalaki 3:15

Khathesike sithi abaziphakamisayo babusisiwe; abenza okubi yibo abaphumelelayo; lalapho bemlinga uNkulunkulu bayayekelwa.

1 AbaseThesalonika 5:3

Nxa besithi: Ukuthula lokuhlala kuhle; kung’khona ukubhujiswa kuzakubajuma njengomhelo ufikela owesifazana okhulelweyo, kabasoze baphunyuke.

1 uTimothi 4:1

UMoya utsho ngokusobala ukuba ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi,

2 uTimothi 3:13

kodwa abantu ababi labakhohlisi bazakuqhubekela phambili ebubini, bekhohlisana.

1 UJohane 2:26

Ngililobela lokhu ngalabo abalikhohlisayo.

Isambulo 2:20

Kodwa ngilalokhu ngawe ukuthi umvumele owesifazana uJezebeli, ozibiza ngokuthi ungumprofethikazi, ukufundisa aduhise inceku zami ukuba ziphinge, lokuba zidle ukudla okuhlatshelwe izithombe.