UHezekhiyeli 12:28 - iBhayibhili Elingcwele 1978

²⁸ Ngakho wothi kibo: INkosi uNkulunkulu ithi: Kakusayikuphuza lelilodwa emazwini ami, kodwa ilizwi engilikhulumayo lizakwenzeka, kutsho iNkosi uNkulunkulu.

IBhayibhili Elingcwele LesiNdebele

²⁸ Ngakho wothi kubo, ‘Nanku okutshiwo nguThixo Wobukhosi: Akukho lalinye ilizwi lamazwi ami elizaphuza; loba kuyini engikutshoyo kuzagcwaliseka, kutsho uThixo Wobukhosi.’ ”

UHezekhiyeli 12:28 ပူးပေါင်းရင်းမြစ်များ

UJeremiya 1:11

Ilizwi leNkosi lafika kimi lisithi: Jeremiya, ubonani na? Ngathi: Ngibona uswazwi lwe‐alimondi.

UJeremiya 1:12

INkosi yasisithi kimi: Ubone kuhle, ngoba ngiyalilinda ilizwi lami ukuba ngilenze.

UJeremiya 1:13

Ilizwi leNkosi lafika kimi ngokwesibili lisithi: Ubonani na? Ngathi: Ngibona imbiza ebilayo, ifulathele enyakatho.

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

UJeremiya 44:28

Labo abaphepha empini bazabuyela elizweni lakoJuda bevela eGibithe, beyingcosana nje; labo bonke abaseleyo koJuda abeze eGibithe ukuhlala khona, bazakwazi ukuba ilizwi elizakuma ngelikabani, elami kumbe elabo.

UHezekhiyeli 12:27

Ndoda, khangela, abakoIsrayeli bathi: Umbono awubonayo ungowensuku ezikhatshana, lalokho akutshumayelayo kungokwesikhathi esikhatshana.

UHezekhiyeli 13:1

Ilizwi leNkosi lafika kimi lathi:

UHezekhiyeli 7:13

Umthengisi kayikubuya azuze lokho akuthengisileyo besaphila bobabili; ngoba okuthengisiweyo kakuyikubuyiselwa ngenxa yesiphithiphithi; futhi kakuyikuba khona umuntu ozakuphila ngenxa yobubi bakhe.

UHezekhiyeli 7:7

Ukuchitheka kwakho sekufikile, wena owakhileyo elizweni; isikhathi sesifikile, losuku lusondele, usuku lokukhala olungesilo usuku lomsindo wokuthokoza phezu kwezintaba.

Isambulo 3:3

Khumbulake lokho okwamukeleyo wakuzwa, kugcine, uphenduke. Uba ungavuki, ngizakuza kuwe njengesela, kawusoze wasazi isikhathi engizakuza ngaso kuwe.