UHezekhiyeli 11:19 - iBhayibhili Elingcwele 1978

¹⁹ Ngizabanika inhliziyonye, ngifake umoya omutsha phakathi kwabo, ngikhuphe inhliziyo elukhuni kibo, ngibanike inhliziyo ebuthakathaka,

IBhayibhili Elingcwele LesiNdebele

¹⁹ Ngizabanika inhliziyo engehlukananga ngifake lomoya omutsha phakathi kwabo; ngizasusa kubo inhliziyo yabo yelitshe ngibaphe inhliziyo yenyama.

UHezekhiyeli 11:19 ပူးပေါင်းရင်းမြစ်များ

2 AmaKhosi 22:19

Njengoba uzwile amazwi ami, lenhliziyo yakho idabukile, wazithoba phambi kwami nxa usizwa engikutshoyo ngalindawo langabakhileyo kiyo ukuba bazakuchitheka babe yisiqalekiso, wadabula izigqoko zakho, wakhala phambi kwami, ngakho lami ngikuzwile, kutsho iNkosi;

2 ImiLando 30:12

Isandla seNkosi sasilabakoJuda ukubanika inhliziyonye ukwenza lokho inkosi lezikhulu ezazikutshilo ngelizwi leNkosi uNkulunkulu.

AmaHubo 51:10

Nkulunkulu, dala kimi inhliziyo ehlambulukileyo, ufake kimi umoya omutsha loqotho.

U-Isaya 48:4

Ngoba ngiyazi ukuthi ulenkani, lentamo yakho injengensimbi, lebunzi lakho linjengethusi,

UJeremiya 24:7

ngibanike inhliziyo yokwazi ukuba mina ngiyiNkosi; bazakuba ngabantu bami, ngibe nguNkulunkulu wabo, ngoba bazabuyela kimi ngenhliziyo yabo yonke.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

UHezekhiyeli 18:31

Susani kini zonke iziphambeko elizenzileyo kimi, lizuze inhliziyo ezintsha lomoya omutsha. Lizafelani, lina Israyeli na?

UHezekhiyeli 37:14

Ngizafaka umoya wami kini, liphile; ngizalibeka kwelenu ilizwe; ng’khona lizakwazi ukuba mina Nkosi ngikhulumile, lokuba ngikwenzile, kutsho iNkosi.

UZefaniya 3:9

Ngalesosikhathi ngizakunika abantu ukukhuluma okuhlambulukileyo, ukuba bonke bakhuleke ebizweni lami, bangikhonze nganhliziyonye.

UZakhariya 7:12

Benza inhliziyo zabo zaba lukhuni njengendayimana, funa bezwe ukulaya lamazwi iNkosi yamabandla ebathumele wona ngomoya wayo ngabaprofethi bakugala. Lokhuke kwayithukuthelisa kakhulu iNkosi yamabandla.

ULukha 11:13

Ngakhoke uba lina elingababi likwazi ukubapha abantwana benu iziphiwo ezinhle, kakhulu kangakanani uYihlo osezulwini uzakubapha abacela kuye uMoya oNgcwele.

UJohane 14:26

Kodwa uMsizi, uMoya oNgcwele, azakumthumela uBaba ebizweni lami, yena uzakulifundisa zonke izinto, alikhumbuze konke engakutshoyo kini.

Imisebenzi 4:32

Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.

AbaseRoma 11:2

UNkulunkulu kabalahlanga abantu bakhe abazi ngaphambili. Kalazi yini ukuthi umbhalo uthini ngoElija ukuba esola uIsrayeli kuNkulunkulu,

1 AbaseKhorinte 1:10

Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

2 AbaseKhorinte 3:3

Lina libonakalisa ukuthi liyincwadi evela kuKristu ivezwa yikusebenza kwethu, engalotshwanga ngeyinki, kodwa elotshwe ngoMoya kaNkulunkulu ophilayo, engalotshwanga ematsheni kodwa elotshwe enhliziyweni zabantu.

2 AbaseKhorinte 5:17

Uba umuntu ekuKristu, usedalwa kutsha; okudala sekudlule; khangela, sekuvele okutsha.

AbaseGalathiya 6:15

Ngoba ukusoka lokungasoki kakusilutho, kodwa okukhulu yikudalwa kutsha kuphela.

Abase-Efesu 4:23

lenziwe libe batsha emoyeni wengqondo zenu.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.