UHezekhiyeli 11:18 - iBhayibhili Elingcwele 1978

¹⁸ Lapho befika kulo, bazasusa lapho konke okunengisayo kwalo, lawo wonke amanyala alo.

IBhayibhili Elingcwele LesiNdebele

¹⁸ Bazabuyela kulo basuse zonke izifanekiso zalo ezihlazisayo kanye lezithombe ezenyanyekayo.

UHezekhiyeli 11:18 ပူးပေါင်းရင်းမြစ်များ

U-Isaya 30:22

Lizakudela izithombe zenu ezibaziweyo, zananyekwa ngesiliva, lezithombe zenu ezibunjiweyo, zananyekwa ngegolide, liziphose njengezinto ezingcolileyo, lithi kuzo: Sukani lapha.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

UHezekhiyeli 11:21

Kodwa labo abanhliziyo zabo zithanda okunengisayo kwabo lamanyala abo, ngizaphindisela izenzo zabo phezu kwabo, kutsho iNkosi uNkulunkulu.

UHezekhiyeli 14:11

ukuba uIsrayeli angabe esahlukana lami futhi, angabuyi azingcolise ngeziphambeko zabo zonke, kodwa babe ngabantu bami, lami ngibe nguNkulunkulu wabo, kutsho iNkosi uNkulunkulu.

UHezekhiyeli 37:23

Kabasayikuzingcolisa futhi ngezithombe zabo langezinto zabo ezenyanyekayo, langeziphambeko zabo. Kodwa ngizabakhupha kukho konke ukuhlamuka abona ngakho, ngibahlambulule babe ngabantu bami, mina ngibe nguNkulunkulu wabo.

UHezekhiyeli 5:11

Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

UHezekhiyeli 7:20

Babeziqhenya ngobuhle beziceciso zabo abenza ngazo imifanekiso lezithombe ezinengisayo. Ngakhoke ngizazenza zibe yizinto ezingcolileyo kibo.

UHosiya 14:8

UEfrayimi uselendaba lezithombe na? Mina ngiyamphendula ngimcinge. Mina nginjengephane elihlala liluhlaza, izithelo zakhe zivela kimi.

UHosiya 14:9

Lowo ohlakaniphileyo aziqedisise lezizinto; lowo oqondayo azazi; ngoba indlela zeNkosi zilungile, labaqotho bayahamba ngazo, kodwa izoni ziyakhubeka kuzo.

UThithu 2:12

usifundisa ukuba sidele ububi lenkanuko zomhlaba, sihambe ngokuqonda langokulunga langobuqotho kulumhlaba,