UHezekhiyeli 10:3 - iBhayibhili Elingcwele 1978

³ Amakherubi ayemi ngaseningizimu kwethempeli ekungeneni kwalowomuntu, lamayezi ayegcwele egumeni elingaphakathi.

IBhayibhili Elingcwele LesiNdebele

³ Amakherubhi ayesemi ngaseningizimu kwethempeli lapho umuntu lowo engena phakathi, iyezi lagcwala iguma langaphakathi.

UHezekhiyeli 10:3 ပူးပေါင်းရင်းမြစ်များ

UGenesisi 3:24

Wamxotsha umuntu; wabeka ngasempumalanga kwensimu yaseEdeni amakherubi kanye lomhedla ovuthayo ophenduphendukayo, okulinde indlela eya esihlahleni sokuphila.

U-Eksodasi 25:18

Uzakwenza amakherubi amabili ngegolide elikhandiweyo, uwenzele ekucineni kwesihlalo somusa ndawo zombili.

UHezekhiyeli 43:4

Nxa inkazimulo yeNkosi ingena ethempelini ngesango elikhangele impumalanga,

UHezekhiyeli 46:1

INkosi uNkulunkulu ithi: Isango leguma elingaphakathi elikhangele impumalanga, lizavalwa insuku eziyisithupha okusetshenzwa ngazo. Kodwa ngosuku lweSabatha lizavulwa lasekuthwaseni kwenyanga.

UHezekhiyeli 8:16

Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

UHezekhiyeli 8:3

Waseselula okwakungathi yisandla, wangibamba ngenwele. Umoya wangiphakamisela phakathi komhlaba lezulu, wangiletha ngemibono kaNkulunkulu eJerusalema, ngasentubeni yeguma elingaphakathi, elikhangele inyakatho, lapho kwakukhona isihlalo sesithombe somona esibanga umona.

UHezekhiyeli 9:3

Inkazimulo kaNkulunkulu kaIsrayeli yasuka ngaphezu kwamakherubi lapho yayikhona, yayahlala emnyango wendlu. INkosi yasibiza umuntu owayegqoke ilembu elihle elezinto zokubhala,