UHezekhiyeli 1:28 - iBhayibhili Elingcwele 1978

²⁸ Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

IBhayibhili Elingcwele LesiNdebele

²⁸ Ukukhanya okucazimulayo okwakumzungezile kwakunjengomchilo wamakhosikazi emayezini ngosuku lokuna kwezulu. Lokhu kwakuyisimo sesifanekiso senkazimulo kaThixo. Ngathi ngikubona ngawela phansi ngobuso, ngasengisizwa ilizwi lalowo owayekhuluma.

UHezekhiyeli 1:28 ပူးပေါင်းရင်းမြစ်များ

UGenesisi 17:3

UAbrama wawa ngobuso, uNkulunkulu wakhuluma laye,

U-Eksodasi 16:10

Kwathi uAroni esakhuluma lebandla lonke lakoIsrayeli, bakhangela ngasenkangala, babona inkazimulo yeNkosi ibonakala eyezini.

U-Eksodasi 16:7

kusasa lizabona inkazimulo yeNkosi, ngoba izwile ukuyisola kwenu. Thina siyini ukuba lisisole na?

U-Eksodasi 24:16

Inkazimulo yeNkosi yahlala entabeni yaseSinayi; iyezi layisibekela insuku eziyisithupha; ngosuku lwesikhombisa yambiza uMose iseyezini.

U-Eksodasi 24:17

Inkazimulo yeNkosi yabonakala engqongeni yentaba, emehlweni abakoIsrayeli, yayinjengomlilo otshisa uqothule.

UHezekhiyeli 10:4

Inkazimulo yeNkosi yasuka emakherubini, yaya ngasemnyango wethempeli; ithempeli lagcwala amayezi, leguma lagcwala ukukhanya kwenkazimulo yeNkosi.

UHezekhiyeli 3:23

Ngasengisukuma ngisiya esigodini. Inkazimulo yeNkosi yayimi khona, injengenkazimulo engangiyibonile ngasemfuleni iKebari; ngathi mbo ngobuso.

UHezekhiyeli 43:2

Inkazimulo kaNkulunkulu kaIsrayeli yavelela ngasempumalanga, lomdumo wokuza kwakhe wawunjengowamanzi amanengi, lomhlaba wakhanya ngenkazimulo yakhe.

UHezekhiyeli 44:4

Wasengihambisa ngendlela yangasesangweni elingasenyakatho, wangiletha ngaphambi kwethempeli. Ngakhangela ngabona inkazimulo yeNkosi igcwalise ithempeli leNkosi, ngathi mbo ngobuso.

UHezekhiyeli 8:4

Inkazimulo kaNkulunkulu kaIsrayeli yayilapho injengokuyibona kwami esihotsheni.

UDanyeli 8:17

UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

ULevi 9:24

Kwavela umlilo eNkosini, watshisa umnikelo wokutshiswa lamahwahwa ealtareni. Abantu bathi ukukubona lokhu bamemeza, bawa ngobuso.

Imisebenzi 9:4

Wawela phansi, wezwa ilizwi lisithi kuye: Sawuli, Sawuli, ungizingelelani na?

AbaseRoma 9:4

Bona bangabakoIsrayeli, benziwa abantwana bakaNkulunkulu, ngeyabo inkazimulo, lezivumelwano, lokumiswa komlayo, lenkonzo, lezithembiso;

1 AbaseKhorinte 13:12

Khathesi sibona esibukweni kaluvivi; kodwake lapho ubuso buzakubonana lobuso. Khathesi ngazi ingxenye; kodwa lapho ngizakwazi ngokupheleleyo, njengokuba kade ngisaziwa ngokupheleleyo nguNkulunkulu.

Isambulo 10:1

Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

Isambulo 4:3

Lohleziyo wayefana lelitshe elithiwa ijaspi, lelithiwa ikorneliya, ukukhangeleka kwakhe; lomchilowamakhosikazi ofana lelitshe elithiwa iemeraldi wawuzingelezele isihlalo sobukhosi.

Abahluleli 13:20

Kwathi lapho ilangabi liphuma ealtareni liqonde phezulu, isithunywa seNkosi senyuka ngelangabi lealtare uManowa lomkakhe bekhangele; bathi mbo phansi ngobuso babo.