UHezekhiyeli 1:26 - iBhayibhili Elingcwele 1978

²⁶ Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

IBhayibhili Elingcwele LesiNdebele

²⁶ Ngaphezu komkhathi phezu kwamakhanda azo kwakulokwakungathi yisihlalo sobukhosi esenziwe ngesafire, njalo ngaphezulu esihlalweni sobukhosi kwakulolutho olwalufana lomuntu.

UHezekhiyeli 1:26 ပူးပေါင်းရင်းမြစ်များ

1 AmaKhosi 22:19

UMikaya wasesithi: Zwaninike ilizwi leNkosi uNkulunkulu. Ngayibona ihlezi esihlalweni sayo sobukhosi, lexuku lonke lasezulwini limi phansi kwayo ngakwesokunene langakwesokhohlo;

AmaHubo 45:6

Isihlalo sakho sobukhosi osinikwe nguNkulunkulu simi kuze kube nininini, lentonga yakho yobukhosi iyintonga yokulunga.

U-Eksodasi 24:10

bambona uNkulunkulu wakoIsrayeli; kwakukhona ngaphansi kwenyawo zakhe okungathi ngamatshe amasafire agandelweyo, acwebileyo njengezulu.

U-Isaya 54:11

INkosi ithi: Wena ohluphekayo lohlukuluzwayo ongelamduduzi, ngizakwakha amatshe akho abe mahle, ngizibeke izisekelo zakho ngamatshe athiwa ngamasafire.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

UHezekhiyeli 1:22

Ngaphezu kwamakhanda ezidalwa eziphilayo kwakukhona okunjengomkhathi kucwazimula njengelitshe elihle elithiwa yikristali, kwendlaliwe ngaphezu kwamakhanda azo.

UHezekhiyeli 1:5

Phakathi kwalo kwavela umfanekiso wezidalwa ezine eziphilayo. Izimo zazo zazinje, zazifana labantu,

UHezekhiyeli 10:1

Ngasengibona ngasemkhathini owawungaphezu kwamakherubi okunjengelitshe elithiwa yisafire kufana lesihlalo sobukhosi.

UHezekhiyeli 43:6

Lapho lowomuntu emi phansi kwami, ngezwa omunye ekhuluma lami ethempelini;

UHezekhiyeli 43:7

wathi kimi: Ndoda, le yindawo yesihlalo sami sobukhosi lendawo yenyawo zami, lapho ngizahlala khona phakathi kwabantu bakoIsrayeli kokuphela. AbakoIsrayeli kabasayikungcolisa ibizo lami elingcwele, bona lamakhosi abo, ngokuwula kwabo langezidumbu zamakhosi abo,

UHezekhiyeli 8:2

Ngabona okwakufana lomuntu; kwakuvutha umlilo kusukela okhalweni kusiya phansi, kucwazimula njengethusi kusukela okhalweni kusiya phezulu.

UDanyeli 10:18

Wasengithinta futhi lowo olesimo somuntu, wangiqinisa.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UZakhariya 6:13

Nguye ozakwakha ithempeli leNkosi, abe lobukhosi; uzahlala esihlalweni sobukhosi, abuse. Kuzakuba khona umpristi ngakwesokunene sakhe, bazakuzwana bobabili.

UMatewu 25:13

Ngakhoke lindani, ngoba kalilwazi usuku lesikhathi.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

AmaHebheru 1:8

Kodwa ngeNdodana uthi: Isihlalo sakho sobukhosi, Nkulunkulu, simi kuze kube nininini, intonga yokulunga iyintonga yombuso wakho.

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

AmaHebheru 8:1

Isiqokoqela salokho esikutshoyo yilesi; silaye umpristi omkhulu onjalo osewahlala ngakwesokunene sesihlalo sobukhosi soMkhulu ezulwini,

UJoshuwa 5:13

Kwathi uJoshuwa engaseJeriko, wakhangela wabona umuntu emi phambi kwakhe ephethe umhedla wakhe. UJoshuwa waya kuye wathi: Ungakithi yini, kumbe ungasezitheni zethu na?

1 UPhethro 3:22

osenyukele ezulwini lokhona ngakwesokunene sikaNkulunkulu, osekwehliselwe ngaphansi kwakhe izithunywa leziphathamandla zezulu.

Isambulo 1:13

phakathi kwezinti zezibane kukhona ofana lomuntu, embethe ingubo ekhawula enyaweni, ezibophe ngeqhele legolide esifubeni sakhe;

Isambulo 14:14

Ngasengikhangela, ngabona iyezi elimhlophe, kuhlezi phezu kwalo ofana omuntu elomqhele wegolide ekhanda lakhe, ephethe isikela ebukhali esandleni sakhe.

Isambulo 20:11

Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 5:13

Ngezwa konke okudaliweyo okusezulwini, lokusemhlabeni, lokungaphansi komhlaba, lokusolwandle, kusithi: Kuye ohlezi esihlalweni sobukhosi lakulo iWundlu kakube ukudunyiswa, lodumo, lobukhosi, lokunqoba, kuze kube nini lanini.