UHagayi 2:4 - iBhayibhili Elingcwele 1978

⁴ Kodwa qina, wena Zerubabeli, kutsho iNkosi, ume isibindi lawe Joshuwa, ndodana kaJehozadaki, mpristi omkhulu; qinani lani lonke, bantu belizwe. Sebenzani, ngoba mina ngilani, kutsho iNkosi yamabandla,

IBhayibhili Elingcwele LesiNdebele

⁴ Kodwa khathesi qina wena Zerubhabheli,’ kutsho uThixo. ‘Qina wena Joshuwa ndodana kaJozadaki, umphristi omkhulu. Qinani, lonke lina bantu belizwe,’ kutsho uThixo. ‘Lisebenze, ngoba ngilani,’ kutsho uThixo uSomandla.

UHagayi 2:4 ပူးပေါင်းရင်းမြစ်များ

2 USamuyeli 5:10

UDavida waqhubeka njalo esiba lamandla, ngoba iNkosi, uNkulunkulu wamabandla, yayilaye.

1 ImiLando 22:13

Uzakuphumelelake uba unanzelela ukugcina izimiso lemithetho iNkosi uNkulunkulu eyayinika uIsrayeli ngoMose. Qina, ube lesibindi, ungesabi utshaywe luvalo.

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.

U-Ezra 10:18

Phakathi kwamadodana abapristi ayethethe abafazi bezizweni kwakungoMahaseya loEliyezeri loJaribi loGedaliya, emadodaneni kaJeshuwa indodana kaJozadaki labafowabo.

U-Ezra 5:2

Kwasekusuka oZerubabeli indodana kaSalatiyeli loJeshuwa indodana kaJozadaki, bayakha indlu kaNkulunkulu eseJerusalema, labaprofethi bakaNkulunkulu babasiza.

U-Eksodasi 3:12

Wathi: Impela ngizakuba lawe; lokhu kuzakuba yisibonakaliso kuwe sokuba ngikuthumile; lapho usubakhuphile abantu eGibithe, lizamkhonza uNkulunkulu kulintaba.

UHagayi 1:13

UHagayi isithunywa seNkosi wasekhuluma ebantwini ilizwi leNkosi, wathi: Ngilani, kutsho iNkosi.

UZakhariya 4:6

Sasesisithi kimi: Nanti ilizwi leNkosi kuZerubabeli lithi: Ukuphumelela kwakho kakusikho ngempi langamandla, kodwa ngomoya wami, kutsho iNkosi yamabandla.

UZakhariya 8:9

INkosi yamabandla ithi: Qungani isibindi, lina elizwa kulezinsuku amazwi avela kubaprofethi, ababekhona kusukela esikhathini sokubekwa kwesisekelo sethempeli lami, ukuba lakhiwe.

UMakho 16:20

Kodwa bona basuka batshumayela endaweni zonke, iNkosi isebenza labo, iqinisa ilizwi ngezibonakaliso ezazibalandela.] Amavesi la (16:9–20) kawalotshwanga encwadini ezinye zakudala.

Imisebenzi 7:9

Okhokho babelomona ngoJosefa, bamthengisa eGibithe; kodwa uNkulunkulu wayelaye,

1 AbaseKhorinte 16:13

Lindani, lime ekukholweni kwenu, libe lesibindi, libe lamandla.

Abase-Efesu 6:10

Elokucinake, qinani eNkosini lasemandleni ayo amakhulu.

UDutheronomi 31:23

INkosi yasilaya uJoshuwa indodana kaNuni yathi: Qina, ume isibindi, ngoba uzakubangenisa abantu bakoIsrayeli elizweni engathembisa ukubanika lona; ngizakuba lawe.

2 uTimothi 2:1

Ngakhoke, wena mntanami, qina emuseni okuKristu Jesu.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.

UJoshuwa 1:6

Qina, ume isibindi, ngoba nguwe ozanika lababantu ilizwe engafunga ukulinika okhokho babo.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

Abahluleli 2:18

Lapho iNkosi ibamisela umahluleli yayisiba laye, ibophule ezandleni zezitha zabo zonke insuku zomahluleli; ngoba iNkosi yayisiba lesihawu ngokububula kwabo ngenxa yalabo ababahluphayo lababacindezelayo.

1 USamuyeli 16:18

Omunye wamajaha waphendula wathi: Ngibona indodana kaJese waseBetlehema, kuyiyo ekwaziyo ukutshaya; futhi iliqhawe elilamandla lehlakaniphileyo ekukhulumeni, lebukekayo; leNkosi ilayo.