UGenesisi 7:21 - iBhayibhili Elingcwele 1978

²¹ Konke okuphilayo okwakuhamba emhlabeni kwafa, izinyoni lezifuyo lezinyamazana lakho konke okuhuquzela emhlabeni, labantu bonke;

IBhayibhili Elingcwele LesiNdebele

²¹ Zonke izinto eziphilayo ezihamba phezu komhlaba zafa, izinyoni, izifuyo, izinyamazana zeganga, zonke izidalwa ezazitshatshama phezu komhlaba, loluntu lonke.

UGenesisi 7:21 ပူးပေါင်းရင်းမြစ်များ

UGenesisi 1:25

UNkulunkulu wenza inyamazana zomhlaba ngenhlobo zazo, lezifuyo ngenhlobo zazo, lakho konke okuhuquzela emhlabeni ngenhlobo zakho. UNkulunkulu wabona ukuthi kuhle.

UGenesisi 6:13

UNkulunkulu wasesithi kuNowa: Sengizimisele ukuqeda abantu bonke, ngoba umhlaba ugcwele okubi ngenxa yabo; khangela, ngizabachitha kanye lomhlaba.

UGenesisi 6:17

Khangela, ngizathumela uzamcolo wamanzi emhlabeni ukuba achithe bonke abantu abangaphansi komthunzi welanga okukubo umoya wokuphila. Konke okusemhlabeni kuzakufa.

UGenesisi 7:4

Ngoba emva kwensuku eziyisikhombisa ngizakunisa izulu emhlabeni insuku ezingamatshumi amane lobusuku obungamatshumi amane, ngibhubhise emhlabeni konke okuphilayo engakwenzayo.

UJobe 34:15

konke okuphilayo bekuzakufa, umuntu abuyele othulini.

U-Isaya 24:19

Umhlaba utshabalele, umhlaba udabukile phakathi, umhlaba uyanyikinyeka kakhulu.

U-Isaya 24:6

Ngakhoke isiqalekiso siwehlele umhlaba, labahlala kiwo bayahlupheka ngenxa yesono sabo; ngakhoke abahlala emhlabeni bayancipha, sebeyingcosana nje abaseleyo.

UHosiya 4:3

Ngakhoke ilizwe liyalila, labo bonke abahlala kilo baphela amandla, kanye lenyamazana zeganga lenyoni zaphezulu, lenhlanzi zolwandle ziyaphela.

UJoweli 2:3

Umlilo uyatshisa phambi kwabo, langemva kwabo kuvutha ilangabi. Phambi kwabo ilizwe lifanana lensimu yaseEdeni, kodwa ngemva kwabo liyinkangala elugwadule; kakukho okungabaleka kubo.

UZefaniya 1:3

ngizaqothula abantu lenyamazana, ngiqothule inyoni zaphezulu lenhlanzi zasolwandle. Ngizachitha ababi, ngiqede bonke abantu emhlabeni, kutsho iNkosi.

UMatewu 24:39

babengazi kwaze kwafika uzamcolo wabakhukhula bonke; kuzakuba njalo ukufika kweNdodana yomuntu.

ULukha 17:27

Babesidla, benatha, bethatha, besendiswa, kwaze kwafika usuku uNowa angena ngalo emkolweni, kwafika uzamcolo, wababhubhisa bonke.

AbaseRoma 8:20

Okudaliweyo kwehliselwa ngaphansi kobuze, kungesikho ngokwentando yakho, kodwa ngentando yalowo owakwehliselayo; kanti kukhona ithemba

AbaseRoma 8:22

Siyazi ukuthi konke okudaliweyo kuyabubula kanyekanye, kuyahelelwa kuze kube khathesi.

2 UPhethro 2:5

Kaliyekelanga ilizwe lasendulo mhla eletha uzamcolo emhlabeni oweyisa uNkulunkulu, kodwa walondoloza uNowa owayengumtshumayeli wokulunga kanye labanye abayisikhombisa.