UGenesisi 6:6 - iBhayibhili Elingcwele 1978

⁶ INkosi yazisola ngokuthi ibenzile abantu emhlabeni, yadabuka inhliziyo yayo.

IBhayibhili Elingcwele LesiNdebele

⁶ UThixo wadabuka ngokuthi wayemenzile umuntu emhlabeni, ngakho inhliziyo yakhe yagcwala ubuhlungu.

UGenesisi 6:6 ပူးပေါင်းရင်းမြစ်များ

UGenesisi 6:7

INkosi yathi: Ngizabachitha abantu engabadalayo ngibasuse emhlabeni, yebo abantu, lezilo, lokuhuquzelayo, lenyoni zaphezulu; ngoba sengizisola ngokuthi ngibenzile.

2 USamuyeli 24:16

Lapho isithunywa siselulela isandla eJerusalema ukulibhubhisa, iNkosi uNkulunkulu yazisola ngalobobubi, yathi kuso isithunywa esasibhubhisa abantu: Yekela! Sekwanele. Isithunywa seNkosi sasisesizeni sikaAruwana waseJebusi.

1 ImiLando 21:15

UNkulunkulu wathumela isithunywa eJerusalema ukulibhubhisa; kodwa kwathi sesizakulibhubhisa, iNkosi yabuye yazisola ngalobobubi ebizakubenza; yasisithi kuso isithunywa esibhubhisayo: Yekela! Sekwanele. Isithunywa seNkosi sasisesizeni sikaOrnani waseJebusi.

AmaHubo 106:45

Yakhumbula isivumelwano sayo ngenxa yabo, yaphenduka ngenxa yobukhulu bothando lwayo olungapheliyo.

AmaHubo 110:4

INkosi ifungile, kayiyikuzisola, yathi: Wena ungumpristi kokuphela ngokwendlela kaMelkizedeki.

AmaHubo 119:158

Lapho ngibona abenza okubi ngiyacunuka, ngoba kabagcini imithetho yakho.

AmaHubo 78:40

Kwaba kanengi kangakanani bephambana laye enkangala, bemdabukisa enkangala.

AmaHubo 81:13

Kungathi abantu bami bengangilalela, loIsrayeli ahambe endleleni zami!

AmaHubo 95:10

Iminyaka engamatshumi amane nganengwa yilesosizukulwana ngaze ngathi: Bangabantu abalenhliziyo eziduhayo, abangananziyo indlela zami.

U-Eksodasi 32:14

Ngakho iNkosi yasiphenduka ebubini eyayisithi izakubenza ebantwini bayo.

U-Isaya 48:18

Kungathi ngabe walalela imilayo yami! Ng’khona izibusiso zakho zazizakuba njengomfula ogelezayo, lokuphumelela kwakho kube njengamavinqo olwandle;

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

UJeremiya 18:7

Langasiphi isikhathi uba ngikhuluma ngesizwe langombuso ukuthi ngizakukusiphuna, ngikudilize, ngikuchithe,

UJeremiya 26:19

Kambe inkosi yakoJuda uHezekiya labo bonke abakoJuda bambulala yena yini? Angithi bayesaba iNkosi, bayincenga, kayiyekelanga yini iNkosi ukukwenza okubi eyayikukhulume ngabo na? Sizakwehlisela phezu kwethu ububi obukhulu na?

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UJoweli 2:13

lidabule inhliziyo zenu, lingadabuli izambatho zenu. Phendukelani eNkosini, uNkulunkulu wenu, ngoba ilomusa lesihawu, iyaphuza ukuthukuthela, ilothando olungapheliyo, iyathethelela.

UJona 3:10

Lapho uNkulunkulu ebona izenzo zabo ukuba baphendukile ebubini babo, wazisola ngobubi ayezakubenza kibo, kasabenzanga.

UMalaki 3:6

Ngoba mina Nkosi kangiphenduki; ngalokho lani madodana kaJakobe kalikaqedwa.

AmaNani 23:19

UNkulunkulu kafanani lomuntu ukuba aqambe amanga, kasuye umuntu ukuba azisole. Utshilo, kanti kayikukwenza na? Ukhulumile, kanti kayikukuphelelisa na?

AbaseRoma 11:29

Ngoba iziphiwo zikaNkulunkulu lokubiza kwakhe kakulakuphenduka.

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

UDutheronomi 32:29

Uba bebehlakaniphile, ngabe bakuqedisisa lokhu, bazi ukuphela kwabo.

UDutheronomi 32:36

Ngoba iNkosi izakubahlulela abantu bayo, izihawukele inceku zayo, lapho ibona ukuthi amandla abo aphelile, lokuthi kakulamuntu oseleyo ovalelweyo lokhululekileyo.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

AmaHebheru 3:10

Ngakhoke ngasithukuthelela lesosizukulwana, ngathi: Bayaduha njalonjalo enhliziyweni zabo, kabazazanga izindlela zami,

AmaHebheru 3:17

Ngobani uNkulunkulu athukutheliswa yibo okweminyaka engamatshumi amane na? Kakusibo labo abonayo, abazidumbu zabo zahlakazeka enkangala na?

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

1 USamuyeli 15:11

lathi: Sengizisola ngokuthi ngambeka uSawuli waba yinkosi; ngoba udelile ukungilandela, kayenzanga imilayo yami. USamuweli wathukuthela, ubusuku bonke wakhala eNkosini.

1 USamuyeli 15:29

Futhi uNkulunkulu oyiBukhosi kaIsrayeli kayikuqamba amanga, azisole, ngoba kayisuye umuntu ukuba azisole.

1 USamuyeli 15:35

USamuweli kaphindanga wambona uSawuli waze wafa, kodwa uSamuweli wamlilela uSawuli. INkosi yazisola ngokuthi ibimbekile uSawuli abe yinkosi yakoIsrayeli.