UGenesisi 48:7 - iBhayibhili Elingcwele 1978

⁷ Minake, ekusukeni kwami ePadani‐Arama, ngafelwa nguRaheli endleleni, elizweni laseKanani, sisekhatshana leEfrathi; ngammbela khona ngasendleleni eya eEfrathi, eliliBetlehema.

IBhayibhili Elingcwele LesiNdebele

⁷ Ngathi ngibuya ngivela ePhadani, ngehlelwa lusizi ngafelwa nguRasheli elizweni laseKhenani silokhu sisendleleni, bucwadlana kwe-Efrathi. Ngamngcwaba khonapho eceleni kwendlela eya e-Efrathi” (kutsho eBhethilehema).

UGenesisi 48:7 ပူးပေါင်းရင်းမြစ်များ

UGenesisi 25:20

UIsaka wayeleminyaka engamatshumi amane mhla ethatha uRebeka, indodakazi kaBethuweli umAramu wasePadani‐Arama, udadewabo kaLabani umAramu, abe ngumkakhe.

UGenesisi 33:18

UJakobe wafika kuhle emzini waseShekema, oselizweni laseKanani, evela ePadani‐Arama; wamisa amathente akhe eduze lomuzi.

UGenesisi 35:20

UJakobe wamisa insika phezu kweliba lakhe; yona iyiNsika yeliba likaRaheli kuze kube lamhla.

UGenesisi 35:9

UNkulunkulu wabuya wabonakala kuJakobe esevela ePadani‐Arama, wambusisa.

UGenesisi 48:6

Inzalo yakho owayizala emva kwabo ingeyakho; izakubizwa ngebizo labafowabo ukuze badle ilifa labo.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UMatewu 2:18

Kwezwakala ilizwi eRama, ukukhala lokulila okukhulu, uRaheli ekhalela abantwana bakhe, engavumi ukududuzwa ngoba bengasekho.

URuthe 1:2

Ibizo lakhe lalinguElimeleki, elomkakhe linguNawomi, amabizo amadodana akhe amabili ayengoMaheloni loKiliyoni; babengabaseEfratha eBetlehema koJuda. Baya elizweni laseMowabi, bahlala khona.

1 USamuyeli 1:1

Kwakukhona indoda ethile yaseRamathayimi, umuntu waseZufi kwelasezintabeni zakoEfrayimi; ibizo layo lalinguElkana indodana kaJerohamu, kaElihu, kaTohu, kaZufi wakoEfrayimi.

1 USamuyeli 10:2

Nxa ususukile kimi lamuhla uzahlangana labantu ababili elibeni likaRaheli eZeliza elizweni lakoBenjamini; bazakuthi kuwe: Obabhemi obuyebadinga sebebonakele, loyihlo useyekele ukucabanga ngabobabhemi, uselinqinekela esithi: Ngizakwenza njani ngendodana yami na?

1 USamuyeli 16:4

USamuweli wasesenza lokho iNkosi emtshele khona, waya eBetlehema. Abadala bomuzi bamhlangabeza bethuthumela bathi: Uze ngokuthula na?

1 USamuyeli 17:12

UDavida wayeyindodana yomEfrathi waseBetlehema koJuda, othiwa nguJese; wayelamadodana aficaminwembili. Ngesikhathi sikaSawuli lowomuntu wayeseluphele eseleminyaka eminengi.