UGenesisi 48:4 - iBhayibhili Elingcwele 1978

⁴ wathi kimi: Khangela, ngizakukwandisa ube labantwana abanengi, ngikwenze ube yizizwe ezinengi, nginike inzalo yakho lelilizwe emva kwakho, libe yilifa elingapheliyo.

IBhayibhili Elingcwele LesiNdebele

⁴ Wathi kimi, ‘Ngizakwenza ube lenzalo enengi kakhulu. Ngizalenza libe yisizwe sabantu, njalo ngizakupha izizukulwane zakho lelilizwe libe yilifa lazo elingapheliyo ngemva kwakho.’

UGenesisi 48:4 ပူးပေါင်းရင်းမြစ်များ

UGenesisi 12:2

Ngizakukwenza ube yisizwe esikhulu, ngikubusise, ngenze ibizo lakho libe likhulu, lisetshenziswe ekubusiseni.

UGenesisi 17:13

Ozelwe endlini yakho lothengiweyo ngemali bamele basokwe. Isivumelwano sami sizakuba senyameni yenu, sibe yisivumelwano esingapheliyo.

UGenesisi 17:6

Ngizakukwandisa kakhulu ukuba kuvele kuwe izizwe lamakhosi.

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UGenesisi 22:17

ngizakukubusisa impela, ngiyandise inzalo yakho ibe ngangezinkanyezi zasezulwini langangetshebetshebe lasokhunjini lolwandle; inzalo yakho izanqoba imizi yezitha zayo,

UGenesisi 26:4

Ngizakwandisa inzalo yakho ibe ngangezinkanyezi zezulu, ngiyinike inzalo yakho lamazwe wonke; ngenzalo yakho zizabusiswa izizwe zonke zomhlaba;

UGenesisi 28:3

UNkulunkulu uSomandla akubusise, akwandise ube yizizwe ezinengi;

UGenesisi 32:12

Wena wathi: Impela ngizakwenzela okuhle, ngandise inzalo yakho ibe ngangetshebetshebe lolwandle elingelakubalwa ngenxa yobunengi.

UGenesisi 35:11

UNkulunkulu wathi kuye: NginguNkulunkulu uSomandla; zala wande; kuzakuvela kuwe isizwe, yebo ibandla lezizwe; amakhosi azazalwa nguwe.

UGenesisi 46:3

Wasesithi: NginguNkulunkulu, uNkulunkulu kayihlo; ungesabi ukuya eGibithe, ngoba ngizakukwenza ube yisizwe esikhulu khona;

UGenesisi 47:27

UIsrayeli wakha elizweni laseGibithe, endaweni yaseGosheni; bazizuzela imfuyo khona, bazala, banda kakhulu.

AmaHubo 127:3

Khangelani, amadodana ayisipho esivela eNkosini, abantwana bangumvuzo ovela kuyo.

U-Eksodasi 1:11

Ngakhoke basebebabekela izinduna zokubasebenzisa ezabahlupha ngemithwalo enzima. Bamakhela uFaro imizi leziphala, iPithoma leRamesesi.

U-Eksodasi 1:7

Abantu bakoIsrayeli bazalana, banda kakhulu baze baba banengi, baba lamandla; ilizwe lagcwala bona.

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

ULevi 26:9

Ngizakuba lomusa kini, ngilenze ukuba lizale, lande, ngimise isivumelwano sami lani.

UDutheronomi 32:8

Lapho oPhezukonke enika izizwe ilifa lazo, lalapho esahlukanisa abantu, wamisa imikhawulo yezizwe njengobunengi babantu bakoIsrayeli;