UGenesisi 48:18 - iBhayibhili Elingcwele 1978

¹⁸ UJosefa wathi kuyise: Kakungabi njalo, baba, ngoba lo ulizibulo; beka isandla sakho sokunene ekhanda lakhe.

IBhayibhili Elingcwele LesiNdebele

¹⁸ UJosefa wathi kuye, “Hatshi, baba, lo nguye izibulo; beka isandla sakho sokunene kwelakhe ikhanda.”

UGenesisi 48:18 ပူးပေါင်းရင်းမြစ်များ

Imisebenzi 11:8

Kodwa ngathi: Atshi, Nkosi, ngoba okubi lokungcolileyo kakuzake kungene emlonyeni wami.

Imisebenzi 10:14

Kodwa uPetro wathi: Atshi, Nkosi, ngoba kangizake ngidle into embi lengcolileyo.

UMatewu 25:9

Kodwa ezihlakaniphileyo zaphendula zathi: Atshi, funa angasaneli thina kanye lani. Kungcono ukuba lihambe liye kwabathengisayo lizithengele.

U-Eksodasi 10:11

Atshi! kodwa kakuhambe amadoda, ayeyikhonza iNkosi, ngoba yikho lokhu elikufisayo. Basebexotshwa phambi kukaFaro.

UGenesisi 49:3

Rubeni, wena ulizibulo lami lamandla ami, ingqabutho yamandla ami, ozigqajayo lolamandla amakhulu.

UGenesisi 43:33

Bahlala phambi kwakhe ngokwelamana kwabo, kusukela kolizibulo njengobuzibulo bakhe, kwaze kwafika komncinyane njengobuncinyane bakhe; abantu bakhangelana bemangala.

UGenesisi 29:26

ULabani wathi: Endaweni yakithi kakwendiswa omncinyane ngaphambi komdala.

UGenesisi 27:15

URebeka wathatha ingubo ezinhle zikaEsawu indodana yakhe enkulu, ayelazo endlini, wazambathisa uJakobe indodana yakhe encinyane;

UGenesisi 19:18

ULoti wathi kuwo: Makhosi, kakungabi njalo.

UGenesisi 48:17

UJosefa esebonile ukuthi uyise ubekile isandla sakhe sokunene ekhanda likaEfrayimi, kwaba kubi kuye; wasibamba isandla sikayise ukuba asisuse ekhanda likaEfrayimi asibeke ekhanda likeManase.

UGenesisi 48:19

Kodwa uyise wala wathi: Ngiyazi, ndodana yami, ngiyazi; laye uzakuba yisizwe abe mkhulu; kanti umfowabo omncinyane uzakuba mkhulu kulaye, lenzalo yakhe ibe yizizwe ezinengi.