UGenesisi 41:8 - iBhayibhili Elingcwele 1978

⁸ Kwathi ekuseni umoya wakhe wakhathazeka; wabiza izangoma zonke zaseGibithe lazo zonke izazi. Wazilandisela iphupho lakhe; kodwa kwakungekho muntu owayengamchasisela lona.

IBhayibhili Elingcwele LesiNdebele

⁸ Ekuseni umoya wakhe wawukhathazekile, ngakho wasesithi kakubizwe bonke abemilingo lezazi zaseGibhithe. UFaro wabatshela amaphupho akhe, kodwa akakho loyedwa owakwaziyo ukuwachasisa.

UGenesisi 41:8 ပူးပေါင်းရင်းမြစ်များ

UGenesisi 40:6

UJosefa wangena kibo ekuseni, wababona benyukumele.

UGenesisi 40:8

Zathi kuye: Siphuphile amaphupho, kakho ongawachasisa. UJosefa wathi kuzo: Ukuchasisa kakusikho okukaNkulunkulu na? Ngitshelani wona.

UGenesisi 41:15

UFaro wathi kuJosefa: Ngiphuphile iphupho, kakho ongalichasisa; ngizwile ngawe ukuthi nxa ulandiselwa iphupho, ungalichasisa.

UGenesisi 41:24

Izikhwebu ezincinyane zaginya izikhwebu eziyisikhombisa ezilungileyo. Ngakulandisela izanuse lokhu; kodwa kwakungekho sanuse esasingangichasisela khona.

UGenesisi 41:7

Izikhwebu ezincinyane zaginya izikhwebu ezipheleleyo ezilungileyo. UFaro wasephaphama, wabona ukuthi kwakuliphupho nje.

AmaHubo 25:14

Ubuhlobo beNkosi bungobalabo abayesabayo, iyabazisa isivumelwano sayo.

U-Eksodasi 7:11

UFaro wasebiza izazi lezangoma, abalumbi baseGibithe, labo benza njalo ngamalumbo abo.

U-Eksodasi 7:22

Lezangoma zaseGibithe zenza njalo ngamalumbo azo; inhliziyo kaFaro yajinga iba lukhuni, kazabalalela, njengokutsho kweNkosi.

U-Eksodasi 8:7

Lezangoma zenza njalo ngamalumbo azo, zakhuphela amaxoxo elizweni laseGibithe.

U-Eksodasi 9:11

Izangoma zahluleka ukuma phambi kukaMose ngenxa yamathumba; ngoba amathumba amila izangoma lawo wonke amaGibithe.

U-Isaya 19:3

AbaseGibithe bazaphelelwa lithemba, ngizachitha amacebo abo; bazabuza ezithombeni, lakubathakathi, lakwabalamadlozi, lezanuseni.

U-Isaya 29:14

ngakhoke ngizakubuya ngethuse lababantu ngezinto ezimangalisayo; lokuhlakanipha kwabahlakaniphileyo babo kuzakuphela, lokuqedisisa kwabaqedisisayo babo kuphele.

U-Isaya 8:19

Abantu bazakuthi kuwe: Buza emadlozini, lakubathakathi abatshaya imilozwi, banyenyeze; angithi abantu bangabuza kubonkulunkulu babo, babuze kwabafileyo ngabaphilayo na?

UDanyeli 1:20

Ezintweni zonke zokuhlakanipha lezokuqedisisa inkosi eyayibabuza ngazo, yabafumanisa besedlula ngokuphindwe katshumi zonke izanuse lezangoma ezazisembusweni wayo.

UDanyeli 4:18

Leliphupho ngaliphupha mina nkosi uNebukadineza. Wenake, Beliteshazari, wangitshela incazelo yalo, ngoba bonke abahlakaniphileyo embusweni wami bengelamandla ukungitshela incazelo yalo; kodwa wena ulawo, ngoba umoya wabonkulunkulu abangcwele ukuwe.

UDanyeli 4:19

Ng’khona uDaniyeli obizo lakhe lalinguBeliteshazari wamangala okwesikhatshana, lemicabango yakhe yamethusa. Inkosi yasisithi: Beliteshazari, ungethuswa liphupho lencazelo yalo. UBeliteshazari waphendula wathi: Nkosi yami, iphupho kalibe ngelalabo abakuzondayo, lencazelo yalo ibe ngeyezitha zakho.

UDanyeli 4:5

Ngaphupha iphupho elangethusayo, ngisalele embhedeni wami imicabango lemibono yengqondo yami yangethusa.

UDanyeli 4:6

Ngasengikhupha isimemezelo sokuthi bonke abahlakaniphileyo baseBabiloni balethwe phambi kwami ukuze bangitshele incazelo yephupho.

UDanyeli 4:7

Zasezifika izanuse lezangoma lamaKaladiya labafunda okutshiwo zinkanyezi; ngabatshela iphupho, kodwa behluleka ukungitshela incazelo yalo.

UDanyeli 5:11

Kukhona embusweni wakho umuntu olomoya wabonkulunkulu abangcwele. Ensukwini zikayihlo kwafunyaniswa kuye ukukhanya lokuqedisisa lokuhlakanipha, ukuhlakanipha okufanana lokwabonkulunkulu, loyihlo inkosi uNebukadineza wambeka waba yinduna yezanuse lezangoma lamaKaladiya labafunda okutshiwo zinkanyezi,

UDanyeli 7:28

Iphelela lapha indaba. Mina Daniyeli, imicabango yami yangethusa kakhulu, kwaphenduka lebala lami. Ngakugcina kwaba yimfihlo.

UDanyeli 8:27

Mina Daniyeli, ngasengiphela amandla, ngagula insuku ezithile; ngavuka ngenza umsebenzi wenkosi, kodwa ngamangaliswa yilowombono, kangaze ngawuqedisisa.

ULevi 19:31

Lingayi kulabo abalamadlozi lezanuseni; lingabadingi ukuze lingco liswe yibo. NgiyiNkosi uNkulunkulu wenu.

ULevi 20:6

Uba umuntu esiya kulabo abalamadlozi lezanuseni ukuyaphinga labo, ngizamelana laye, ngimkhuphe ebantwini bakibo.

UHabhakhukhi 3:16

Ngiyezwa, kuthuthumela umzimba wami, indebe zami ziqhaqhazele ngenhlokomo; ukubola kungena emathanjeni ami, kutshayane amadolo ami. Ngizakulindela ngokuthula ukuba usuku lokuhlupheka lufike phezu kwalabo abasihlaselayo.

UMatewu 2:1

Kwathi uJesu esezelwe eBetlehema elaseJudiya ensukwini zikaHerodi inkosi, kwafika izazi eJerusalema zivela kwelasempumalanga,

Imisebenzi 17:18

Abathile kuzo izazi zamaEpikuri lamaStoyiki baphikisana laye; abanye bathi: Umzenzisazi lo angathini na? Labanye bathi: Kungathi ungotshumayela onkulunkulu bezizweni; ngoba watshumayela ngoJesu langokuvuka kwabafileyo.

Imisebenzi 7:22

UMose wafundiswa konke ukuhlakanipha kwamaGibithe; waba lamandla ngamazwi langemisebenzi yakhe.

1 AbaseKhorinte 1:19

Ngoba kulotshiwe ukuthi: Ngizakuchitha ukuhlakanipha kwabahlakaniphileyo, lokuqedisisa kwabaqedisisayo ngizakukwenza ize.

1 USamuyeli 6:2

AmaFilistiya asebiza abapristi labavumisayo, athi: Sizakwenza njani ngomtshokotsho weNkosi na? Sitsheleni ukuba singawubuyisela njani endaweni yawo.