UGenesisi 41:30 - iBhayibhili Elingcwele 1978

³⁰ Emva kwayo kuzakuba khona iminyaka eyisikhombisa yendlala; izakhohlakala inala yonke elizweni laseGibithe; indlala izaliqeda ilizwe.

IBhayibhili Elingcwele LesiNdebele

³⁰ kodwa izalandelwa yiminyaka eyisikhombisa yendlala. Kuzakuthi yonke inala enkulu eGibhithe ikhohlakale, ngoba indlala izalibhubhisa ilizwe.

UGenesisi 41:30 ပူးပေါင်းရင်းမြစ်များ

UGenesisi 41:21

Lapho esewadlile kakubonakalanga ukuthi awadlile, ngoba ayelokhu ekhangeleka kubi njengakuqala. Ngasengiphaphama.

UGenesisi 41:27

Amankomokazi acakileyo akhangeleka kubi akhuphuka emva kwawo ayiminyaka eyisikhombisa; izikhwebu eziyisikhombisa ezincinyane ezihangulwe ngumoya wasempumalanga ziyiminyaka eyisikhombisa yendlala.

UGenesisi 41:31

Inala kayiyikukhunjulwa elizweni ngenxa yendlala elandelayo, ngoba izakuba nzima kakhulu.

UGenesisi 41:51

UJosefa waqamba ibizo lezibulo wathi nguManase, wathi: Ngoba uNkulunkulu ungenze ukuba ngikhohlwe konke ukuhlupheka kwami lendlu yami yonke kababa.

UGenesisi 41:54

Kwasekuqala ukufika iminyaka eyisikhombisa yendlala, njengokutsho kukaJosefa. Kwaba khona indlala emazweni wonke, kodwa elizweni laseGibithe kwakukhona ukudla.

UGenesisi 41:56

Ngakhoke kwathi sekulendlala emhlabeni wonke, uJosefa wasevula zonke iziphala, wathengisela amaGibithe amabele; indlala yayinkulu elizweni laseGibithe.

UGenesisi 47:13

Ukudla kwakungasekho elizweni lonke, ngoba indlala yayinkulu; ilizwe laseGibithe lelizwe laseKanani afa yindlala.

2 USamuyeli 24:13

UGadi wasefika kuDavida, wamtshela wathi: Kufike kuwe yini iminyaka emithathu yendlala elizweni lakini, loba ubalekele izitha zakho inyanga ezintathu zixotshana lawe; ingabe kube khona umkhuhlane okwensuku ezintathu elizweni lakini na? Ake ucabange, ubone ukuba yimpendulo bani engizayibuyisela kongithumileyo.

1 AmaKhosi 17:1

UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.

2 AmaKhosi 8:1

UElisha wayethe kowesifazana ayesemvusele umntanakhe: Suka, uhambe lendlu yakho, uyedinga indawo lapho ungahlala khona; ngoba iNkosi izaletha indlala elizweni iminyaka eyisikhombisa.

AmaHubo 105:16

Yathuma indlala elizweni, yaqeda ukudla konke.

Izaga 31:7

banathe, bakhohlwe ubuyanga babo, bangabe besakhumbula usizi lwabo.

U-Isaya 65:16

kuze kuthi lowo ozibusisayo emhlabeni azibusise ngoNkulunkulu weqiniso, lalowo ofungayo emhlabeni afunge ngoNkulunkulu weqiniso; ngoba inhlupheko zakuqala sezikhohlakele, zisithekile emehlweni ami.

ULukha 4:25

Kodwa ngeqiniso ngithi kini: Kwakukhona koIsrayeli abafelwakazi abanengi ensukwini zikaElija, lapho izulu lalivalekile iminyaka emithathu lenyanga eziyisithupha, kwaba khona indlala enkulu elizweni lonke;

UJakhobe 5:17

UElija wayengumuntu njengathi nje, wakhuleka ngokuqotho ukuba lingani; kalinanga emhlabeni okweminyaka emithathu lenyanga eziyisithupha;