UGenesisi 40:8 - iBhayibhili Elingcwele 1978

⁸ Zathi kuye: Siphuphile amaphupho, kakho ongawachasisa. UJosefa wathi kuzo: Ukuchasisa kakusikho okukaNkulunkulu na? Ngitshelani wona.

IBhayibhili Elingcwele LesiNdebele

⁸ Baphendula bathi, “Sobabili siphuphile, kodwa kakho ongasichasisela amaphupho ethu.” Ngakho uJosefa wasesithi kubo, “Izingcazelo kakusizikaNkulunkulu na? Ngitshelani amaphupho enu.”

UGenesisi 40:8 ပူးပေါင်းရင်းမြစ်များ

UGenesisi 40:9

Induna yabaphathizitsha yamtshela uJosefa iphupho layo yathi kuye: Khangela, ephupheni lami kwakukhona ivini phambi kwami;

UGenesisi 41:25

UJosefa wasesithi kuFaro: Amaphupho kaFaro ayafanana. Lokho uNkulunkulu asezakukwenza, umazisile khona uFaro.

UJobe 33:23

Uba kukhona isithunywa ngaye, umlamuli, oyedwa nje phakathi kwezigidi, ukutshela umuntu okufanele akwenze,

AmaHubo 25:14

Ubuhlobo beNkosi bungobalabo abayesabayo, iyabazisa isivumelwano sayo.

U-Isaya 8:19

Abantu bazakuthi kuwe: Buza emadlozini, lakubathakathi abatshaya imilozwi, banyenyeze; angithi abantu bangabuza kubonkulunkulu babo, babuze kwabafileyo ngabaphilayo na?

UDanyeli 2:11

Into inkosi eyibuzayo ilukhuni, kakho loyedwa ongayitshela inkosi ngaphandle kwabonkulunkulu abangahlali labantu.

UDanyeli 2:27

UDaniyeli wayiphendula inkosi wathi: Imfihlakalo inkosi eyibuzayo, abahlakaniphileyo lezangoma lezanuse labafunda inkanyezi bangeyichasisele inkosi;

UDanyeli 2:28

kodwa ukhona uNkulunkulu ophezulu owambula izimfihlakalo, uyitshengisile inkosi uNebukadineza okuzakwenzeka ensukwini zokucina. Iphupho lakho lemibono eyafika engqondweni yakho ulele embhedeni yile;

UDanyeli 2:3

Yathi kibo: Ngiphuphile, lomoya wami ukhathazekile ukuba ulazi iphupho.

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

UDanyeli 4:8

Ekucineni uDaniyeli wafika kimi, lowo owathiwa ibizo likankulunkulu wami lokuthi uBeliteshazari, yena olomoya wabonkulunkulu abangcwele; ngamtshela iphupho ngathi:

UDanyeli 5:16

Kodwa ngizwile ukuthi wena ulamandla ukutsho izincazelo lokulungisa indaba ezilukhuni. Ngakhoke uba ungafunda lumbhalo, ungitshele incazelo yawo, uzagqokiswa okuyibubende, ugqiziswe iketane legolide entanyeni yakho, ube ngumbusi wesithathu embusweni.

uAmosi 3:7

Impela iNkosi uNkulunkulu kayenzi lutho ingazambulelanga inceku zayo abaprofethi imfihlakalo yayo.