UGenesisi 40:5 - iBhayibhili Elingcwele 1978

⁵ Zombili zaphupha amaphupho ngabusuku bunye, ileyo laleyo yaba lephupho layo. Umphathizitsha lomphekizinkwa wenkosi yaseGibithe ababebotshiwe besentolongweni baphupha amaphupho alencazelo ezehlukeneyo.

IBhayibhili Elingcwele LesiNdebele

⁵ ngulowo wamadoda la amabili, umphathinkezo lomphekizinkwa, abenkosi yaseGibhithe, ababevalelwe baphupha amaphupho ngabusuku bunye, kwathi yilelo iphupho laba lengcazelo yalo.

UGenesisi 40:5 ပူးပေါင်းရင်းမြစ်များ

UGenesisi 20:3

Kodwa uNkulunkulu weza kuAbimeleki ngephupho ebusuku, wathi kuye: Khangela, uzakufa ngenxa yowesifazana omthetheyo, ngoba ungumfazi wendoda.

UGenesisi 40:1

Kwathi emva kwalezizinto umphathizitsha wenkosi yaseGibithe lomphekizinkwa wayo bona enkosini yabo, inkosi yaseGibithe.

UGenesisi 40:4

Induna yabalindi yazinikela kuJosefa, wazigcina; zalondolozwa nguye khona insuku ezinengi.

UGenesisi 40:6

UJosefa wangena kibo ekuseni, wababona benyukumele.

UGenesisi 40:8

Zathi kuye: Siphuphile amaphupho, kakho ongawachasisa. UJosefa wathi kuzo: Ukuchasisa kakusikho okukaNkulunkulu na? Ngitshelani wona.

UGenesisi 41:11

saphupha amaphupho ngabusuku bunye, mina layo. Saphupha, ilowo lalowo waphupha iphupho elilencazelo ezehlukeneyo.

U-Esta 6:1

Ngalobobusuku inkosi yaswela ubuthongo; yasisithi kakulethwe kiyo ugwalo lwezindaba zensuku ngensuku, yasilubalelwa.

UDanyeli 4:19

Ng’khona uDaniyeli obizo lakhe lalinguBeliteshazari wamangala okwesikhatshana, lemicabango yakhe yamethusa. Inkosi yasisithi: Beliteshazari, ungethuswa liphupho lencazelo yalo. UBeliteshazari waphendula wathi: Nkosi yami, iphupho kalibe ngelalabo abakuzondayo, lencazelo yalo ibe ngeyezitha zakho.

UDanyeli 4:5

Ngaphupha iphupho elangethusayo, ngisalele embhedeni wami imicabango lemibono yengqondo yami yangethusa.

UDanyeli 4:9

Wena Beliteshazari, nduna yezanuse, ngoba ngiyazi ukuba ulomoya wabonkulunkulu abangcwele, lokuba kakulamfihlakalo ekwahlulayo, nanti iphupho engiliphuphileyo; ngitshela incazelo yalo.

AmaNani 12:6

Yathi: Zwanini amazwi ami; uba kukhona umprofethi phakathi kwenu, mina Nkosi ngizaziveza kuye ngombono, ngikhuluma laye ngephupho.