UGenesisi 4:7 - iBhayibhili Elingcwele 1978

⁷ Angithi uba usenza kuhle, uzakwamukeleka na? Kodwa uba ungenzi kuhle, isono siyakucathamela ngasemnyango sikunxwanele, kodwa umele ukusibusa.

IBhayibhili Elingcwele LesiNdebele

⁷ Nxa usenza okulungileyo, kawuyikwamukelwa yini? Kodwa nxa ungenzi okulungileyo, isono sikucathamele emnyango wakho; sinxwanele ukukuthumba, kodwa kumele usehlule.”

UGenesisi 4:7 ပူးပေါင်းရင်းမြစ်များ

UGenesisi 19:21

Wasesithi kuye: Khangela, lakulokhu ngiyakuvumela, kangiyikuwubhubhisa umuzi okhuluma ngawo.

UGenesisi 3:16

Yathi kowesifazana: Uzakuba lobuhlungu obukhulu ekukhululekeni kwakho; uzabeletha abantwana ngobuhlungu. Kodwa ukukhanuka kwakho kuzakuba sendodeni yakho, yona izakukubusa.

2 USamuyeli 24:23

UArawana wayinika inkosi konke lokhu; wathi kuyo: INkosi uNkulunkulu wakho kayikwamukele.

2 AmaKhosi 8:28

Waphuma loJehoramu indodana kaAhabi ukuyahlasela uHazayeli inkosi yaseSiriya eRamothi‐Gileyadi, lapho amaSiriya amlimaza khona uJehoramu.

UJobe 11:14

Uba uphethe ububi, bulahle, ungavumeli buhlale emathenteni akho.

UJobe 11:15

Ng’khona ungaphakamisa ubuso bakho ungelanhloni, uqine, ungesabi.

UJobe 29:4

Kungathi ngabe nginjengensukwini zokuphumelela kwami, lapho ubuhlobo bukaNkulunkulu babuphakathi komuzi wami,

UJobe 42:8

Ngakhoke thatha inkunzi eziyisikhombisa lenqama eziyisikhombisa, uye encekwini yami uJobe, linikele ngazo zibe ngumnikelo wokutshiswa; inceku yami uJobe izalikhulekela, ngoba ngizakuzwa umkhuleko wakhe ngingenzi kini njengobuthutha benu; ngoba kalikhulumanga ngami okuqondileyo njengenceku yami uJobe.

Izaga 18:5

Kakulunganga ukuba lesihawu komubi, ukuze avalele olungileyo okufaneleyo.

Izaga 21:27

Umhlatshelo wababi uyisinengiso eNkosini, ikakhulu nxa bewuletha ngenhliziyo ezimbi.

UJeremiya 3:12

Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

UJeremiya 6:20

Ngilendaba yini lenhlaka evela eSheba, lemfe evela elizweni elikhatshana na? Iminikelo yenu yokutshiswa kayamukeleki, lemihlatshelo yenu kayingithokozisi.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

UMalaki 1:10

Kungathi ngabe ukhona phakathi kwenu ongavala izivalo, ukuba lingabasi imililo elize phezu kwealtare lami. Kangithokozi ngani, kutsho iNkosi yamabandla, kangiyikwamukela iminikelo evela kini.

UMalaki 1:13

Lichila amakhala, kutsho iNkosi yamabandla, beselisithi: Yeka ukudinisa kwalokhu! Liletha okwebiweyo, lokuqhulayo, lokugulayo, kube ngumnikelo wenu. Ngizakwamukela lokho kini na? kutsho iNkosi.

UMalaki 1:8

Lapho linikela inyamazana eyisiphofu ibe ngumhlatshelo, lokho kakukubi na? Lapho linikela inyamazana eqhulayo legulayo, lokho kakukubi na? Akukunike umbusi wakho lokho; kambe angathokoza ngawe na? Angaba lomusa kuwe na? kutsho iNkosi yamabandla.

AmaNani 32:23

Kodwake uba lingenzi njalo, lizabe lonile eNkosini; yazini ukuthi isono senu sizakuba phezu kwenu.

Imisebenzi 10:35

kodwa ezizweni zonke omesabayo lowenza ukulunga uyamukeleka kuye.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 14:18

Okhonza uKristu kulokhu uyamukeleka kuNkulunkulu, uthandekile ebantwini.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

AbaseRoma 6:12

Ngakhoke kasingabusi isono emizimbeni yenu efayo, lize lilalele izinkanuko zawo.

AbaseRoma 6:16

Kalazi yini ukuthi lowo elizinikela kuye ukuba libe yizigqili zokumlalela, liyizigqili zakhe elimlalelayo, loba ezesono okusa ekufeni, loba ezokulalela okuletha ukulunga na?

Abase-Efesu 1:6

ukuze adunyiswe ngomusa wakhe omangalisayo asiphe wona ngesihle ngaye oThandiweyo.

1 uTimothi 5:4

Uba umfelwakazi elabantwana loba abantwana bomntanakhe, kabafunde kuqala ukuhlonipha indlu yakwabo, benzele abazali babo okufaneleyo; ngoba lokhu kuyabongeka phambi kukaNkulunkulu.

AmaHebheru 11:4

Ngokukholwa uAbela wanikela kuNkulunkulu umhlatshelo owamukelekayo kulokaKayini, wazuza ngakho ubufakazi bokuthi ulungile, uNkulunkulu uqobo emfakazela ngokwamukela iziphiwo zakhe; langokukholwa usakhuluma, loba esefile.

UJakhobe 1:15

kuthi lapho inkanuko isiyomule, ibelethe isono; lesono lapho sesikhulile, sizala ukufa.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.