UGenesisi 4:17 - iBhayibhili Elingcwele 1978

¹⁷ UKayini wangena lomkakhe engutsheni; umkakhe wathatha isisu, wabeletha uEnoki. Wakha umuzi, wawutha ibizo lokuthi yiEnoki, ibizo lendodana yakhe.

IBhayibhili Elingcwele LesiNdebele

¹⁷ UKhayini wembatha lomkakhe, wathatha isisu wazala u-Enoki. Ngalesosikhathi uKhayini wayesakha idolobho alibiza ngendodana yakhe u-Enoki.

UGenesisi 4:17 ပူးပေါင်းရင်းမြစ်များ

UGenesisi 11:4

Bathi: Wozani, asakheni umuzi lomphotshonga osihloko sawo sifinyelela ezulwini, sizenzele ibizo elikhulu singahlakazeki emhlabeni wonke.

UGenesisi 4:16

UKayini wasesuka ebusweni beNkosi, wahlala elizweni laseNodi ngasempumalanga kwaseEdeni.

UGenesisi 4:18

UEnoki wazala uIradi; uIradi wazala uMehujayeli; uMehujayeli wazala uMethushayeli; uMethushayeli wazala uLameki.

UGenesisi 5:18

UJaredi wahlala iminyaka elikhulu lamatshumi ayisithupha lambili, wasezala uEnoki.

UGenesisi 5:22

Emva kokuzalwa kukaMethusela uEnoki wahamba loNkulunkulu iminyaka engamakhulu amathathu; wazala amadodana lamadodakazi.

2 USamuyeli 18:18

UAbisalomu esekhona wayemise insika esigodini senkosi, ngoba wathi: Angilandodana yokukhumbula ibizo lami. Leyonsika wayitha ibizo lakhe, kuthiwa yisikhumbuzo sikaAbisalomu kuze kube lamuhla.

AmaHubo 49:11

Amaliba abo ayimizi yabo kuze kube nininini, izindawo zabo zokuhlala kokuphela, lanxa babesithi amazwe ngawabo.

AmaHubo 49:12

Umuntu kalakuhlala kokuphela lanxa elodumo, uyafana lezinyamazana ezibhubhayo.

UDanyeli 4:30

yathi: Kakusilo yini leliBabiloni elikhulu engalakha ngamandla ami amakhulu, laba ngumuzi wenkosi, laba lodumo lobukhosi bami na?