UGenesisi 4:14 - iBhayibhili Elingcwele 1978

¹⁴ Khangela, uyangixotsha lamhla endaweni yakithi lasebusweni bakho; ngizakuba luzulane lomhambuma emhlabeni; ongifumanayo uzakungibulala.

IBhayibhili Elingcwele LesiNdebele

¹⁴ Lamuhla usungixotsha elizweni, ngakho sengizasithela ngingabi khona kuwe; ngizakuba luzulane olungela kuphumula emhlabeni, kuthi loba ngubani ongifumanayo angibulale.”

UGenesisi 4:14 ပူးပေါင်းရင်းမြစ်များ

UGenesisi 3:24

Wamxotsha umuntu; wabeka ngasempumalanga kwensimu yaseEdeni amakherubi kanye lomhedla ovuthayo ophenduphendukayo, okulinde indlela eya esihlahleni sokuphila.

UGenesisi 4:13

UKayini wasesithi eNkosini: Isono sami sikhulu, siyangahlula.

2 USamuyeli 14:7

Usendo lonke seluvukele incekukazi yakho, luthi: Sinike yena owatshaya umfowabo wambulala, ukuba simbulale ngenxa yokuba wabulala umfowabo, siyibulale indlalifa. Ngalokhoke bacime isikhuni sami esiseleyo, bangabe besatshiyela indoda yami ibizo lenzalo emhlabeni.

AmaHubo 109:10

Abantwana bakhe kabazulazule bephanza, baxotshwe emanxiweni abahlala kuwo.

AmaHubo 109:12

kungabi khona omenzela umusa, futhi kungabi khona ozwela abantwana bakhe isihawu.

AmaHubo 143:7

Phangisa ungiphendule, Nkosi; umoya wami uyaphela. Ungangifihleli ubuso bakho, funa ngibe njengalabo abafileyo.

Izaga 14:32

Omubi uchithwa yibubi bakhe, olungileyo uvikelwa yibuqotho bakhe.

Izaga 28:1

Ababi babaleka lanxa kungekho oxotshana labo, kodwa abalungileyo balesibindi njengesilwane.

U-Isaya 8:22

loba phansi emhlabeni babone ukuhlupheka lomnyama, umnyama owesabekayo, baxotshelwe kuwo. Kabayikuphepha kukho konke lokho.

UJeremiya 52:3

Ngenxa yokuthukuthela kweNkosi, izinto zenzeka eJerusalema lakoJuda yaze yabalahla phambi kwayo. UZedekiya wawuvukela umbuso waseBabiloni.

UHosiya 13:3

Ngalokhoke bazakuba njengenkungu yasekuseni, babe njengamazolo aphela ekuseni, njengomule ophephuka esizeni, njengentuthu ethunqa ngetshimini.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

ULevi 26:36

Mayelana lalabo abaseleyo phakathi kwenu, ngizakwenza inhliziyo zabo zesabe emazweni ezitha zabo; lapho besizwa ihlamvu linyikinyeka, bazakubaleka, babaleke njengomuntu obalekela impi, bawe bengaxotshwa muntu.

AmaNani 35:19

Umphindiseli wegazi kambulale umbulali lapho ehlangana laye.

AmaNani 35:21

loba emtshaya ngenqindi yakhe ngokumzonda ambulale, lowo otshayayo kabulawe, ungumbulali; umphindiseli wegazi kambulale umbulali lapho ehlangana laye.

AmaNani 35:27

umphindiseli wegazi emfica ngaphandle komkhawulo womuzi wakhe wokuphephela, ambulale, kayikuba lacala legazi.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

UMatewu 25:46

Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.

UDutheronomi 28:65

Phakathi kwalezozizwe kaliyikuba lokuthula kanye lendawo lapho lingabeka khona inyawo zenu; kodwa lapho iNkosi izakulipha inhliziyo ethuthumelayo lamehlo afipheleyo lomphefumulo ohluphekileyo.

2 AbaseThesalonika 1:9

Bazakulahlwa ngokubhujiswa okungapheliyo, basuswe phambi kwakhe laphambi kwenkazimulo yamandla akhe,