UGenesisi 32:7 - iBhayibhili Elingcwele 1978

⁷ UJakobe wasetshaywa luvalo olukhulu, wakhathazeka. Wahlukanisa abantu ababelaye lezimvu lezinkomo lamakamela, kwaba ngamaqembu amabili;

IBhayibhili Elingcwele LesiNdebele

⁷ UJakhobe wafikelwa yikwesaba lokukhathazeka okukhulu wasesehlukanisa phakathi abantu ayelabo baba ngamaqembu amabili, wenzenjalo lemihlambini yezimvu leyenkomo lamakamela lawo.

UGenesisi 32:7 ပူးပေါင်းရင်းမြစ်များ

UGenesisi 32:11

Ngophula esandleni somnewethu, esandleni sikaEsawu; ngoba ngiyamesaba funa afike asibulale onina labantwana.

UGenesisi 32:3

UJakobe wathuma izigijimi phambi kwakhe kuEsawu umnewabo, elizweni laseSeyiri, ilizwe lakoEdoma.

UGenesisi 32:8

wathi: Uba uEsawu efika kwelinye iqembu alichithe, iqembu eliseleyo lizakuphepha.

UGenesisi 33:1

UJakobe wasephakamisa amehlo akhe, wabona uEsawu esiza kanye lamadoda angamakhulu amane. Abantwana wabahlukanisela uLeya loRaheli lencekukazi ezimbili.

UGenesisi 35:3

Asisuke sikhuphukele eBetheli, ngimenzele khona uNkulunkulu ialtare owangiphendula mhla ngihlupheka, waba lami endleleni engahamba kuyo.

AmaHubo 107:6

Basebekhuleka eNkosini ekuhluphekeni kwabo, yabakhulula osizini lwabo;

AmaHubo 112:5

Kuyamlungela umuntu ophanayo lowebolekisayo, owenza izinto zakhe ngokulunga.

AmaHubo 142:4

Ngikhangela ngakwesokunene, kodwa kakho onginanzayo; kakukho isiphephelo kimi, kakho ongikhathalelayo.

AmaHubo 31:13

Inxa zonke ngifikelwa yikwesaba, lapho ngisizwa ukunyenyeza kwabanengi, besenza icebo ngami, beqonde ukungibulala.

AmaHubo 61:2

Ngiyakhuleka kuwe ngisemikhawulweni yomhlaba, lapho inhliziyo yami ibuthakathaka. Ngiholela edwaleni eliphakemeyo kulami,

U-Eksodasi 14:10

Lapho uFaro esesondele, abakoIsrayeli baphakamisa amehlo abo, babona amaGibithe ebalandela, besaba kakhulu. Bakhala eNkosini;

Izaga 2:11

Ingqondo ehlakaniphileyo izakukugcina, lokuqedisisa kukulondoloze,

U-Isaya 28:26

Ngoba ufundiswa kuhle efundiswa nguNkulunkulu wakhe.

UMatewu 10:16

Khangelani, ngiyalithuma linjengezimvu phakathi kwempisi; ngakho hlakaniphani njengezinyoka, libe ngabangoni lutho njengamajuba.

UMatewu 8:26

Wasesithi kibo: Lesabelani lina elilokukholwa okuncinyane na? Wavuka, wakhuza umoya lolwandle; kwaba khona ukuthula okukhulu.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

2 AbaseKhorinte 1:4

osiduduza ekuhluphekeni kwethu konke, ukuze sibe lamandla okududuza abasekuhluphekeni ngenduduzo esiduduzwa ngayo thina nguNkulunkulu.

2 uTimothi 3:12

Yebo, bonke abathanda ukuhamba ngobuqotho kuKristu Jesu bazazingelwa;