UGenesisi 3:6 - iBhayibhili Elingcwele 1978

⁶ Ngakhoke lapho owesifazana ebona ukuthi isihlahla silungele ukudliwa lokuthi siyabukeka emehlweni, lokuthi isihlahla sikhwabithisa ukuhlakanipha, wakha izithelo zaso, wazidla; wanika lendoda yakhe, layo yadla.

IBhayibhili Elingcwele LesiNdebele

⁶ Kwathi owesifazane ngokubona ukuthi izithelo zesihlahla leso zaziyikudla okuhle njalo zibukeka emehlweni, njalo kudingeka ukuzuza ukuhlakanipha, wakha ezinye wadla. Wapha njalo ezinye indoda yakhe ayelayo khonapho, layo yadla.

UGenesisi 3:6 ပူးပေါင်းရင်းမြစ်များ

UGenesisi 3:12

Umuntu wathi: Owesifazana owangipha yena ukuba abe lami unginike okwesihlahla, ngadla.

UGenesisi 3:17

Yathi kuAdamu: Njengokuba ulalele ilizwi lomkakho, wadla okwesihlahla engakulaya ngaso ukuthi ungakudli, ngalokhu umhlabathi uqalekisiwe ngenxa yakho. Ngokukhathazeka uzazuza ukudla kuwo insuku zakho zonke zokuphila kwakho.

UGenesisi 39:7

Kwathi emva kwesikhatshana inkosikazi yenkosi imbona yamkhanuka; yathi: Lala lami.

UGenesisi 6:2

amadodana kaNkulunkulu abona amadodakazi abantu ukuthi mahle; athatha abafazi kuwo awathandayo.

2 USamuyeli 11:2

Kwathi ngolunye usuku kusihlwa uDavida wavuka embhedeni wakhe, wahambahamba phezu kophahla lwendlu yenkosi, wabona esophahleni owesifazana egeza; wayemuhle kakhulu, ebukeka.

1 AmaKhosi 13:19

Lowomuntu wakoJuda wasebuyela laye, wadla ukudla, wanatha amanzi endlini yakhe.

UJobe 31:1

Ngazimisela ukuba kangiyikukhangela intombi ngamehlo ami.

UHezekhiyeli 24:16

Ndoda, sengizakususa othandekayo kuwe ngokuphangisa; kodwa ungalili, ungakhali, ungehlisi inyembezi.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 24:25

Ndoda, ngizakususa kibo ithempeli labo eliyinqaba yabo, eliyintokozo yabo lodumo lwabo, lelithandekayo emehlweni abo, lelifiswe zinhliziyo zabo, ngisuse amadodana abo lamadodakazi abo.

UHosiya 6:7

Kodwa eAdima basaphula isivumelwano, bangikhohlisa khona.

UMatewu 5:28

Kodwa mina ngithi kini: Ilowo lalowo okhangela owesifazana amkhanuke, usefebile laye enhliziyweni yakhe.

1 uTimothi 2:14

Futhi uAdamu kakhohliswanga, kanti owesifazana wakhohliswa, waphambuka.

UJoshuwa 7:21

kwathi ngibona phakathi kwempango ingubo yaseBabiloni enhle, lamashekeli esiliva angamakhulu amabili, lomgqala wegolide ubunzima bawo bungamashekeli angamatshumi amahlanu, ngakuhawukela, ngakuthatha; ngikuthukuzile phansi ethenteni lami, lesiliva singaphansi.

1 UJohane 2:16

Ngoba konke okwasemhlabeni, inkanuko zomzimba lokukhanga amehlo lokuziqakisa kwalokhukuphila, kakuveli kuBaba, kuvela emhlabeni owonakeleyo.

Abahluleli 14:17

Umkakhe wakhala phambi kwakhe insuku eziyisikhombisa zedili labo. Ngosuku lwesikhombisa uSamsoni wasemtshela ngoba wamcindezela. Yena wasebatshela abakibo ilibho.