UGenesisi 3:5 - iBhayibhili Elingcwele 1978

⁵ Ngoba uNkulunkulu uyazi ukuthi mhla lizidlayo, amehlo enu azavuleka, libe njengoNkulunkulu, likwazi konke.

IBhayibhili Elingcwele LesiNdebele

⁵ Ngoba uNkulunkulu uyazi ukuthi lingasidla amehlo enu azavuleka, beselisiba njengoNkulunkulu, lazi okuhle lokubi.”

UGenesisi 3:5 ပူးပေါင်းရင်းမြစ်များ

UGenesisi 2:17

kodwa ungadli okwesihlahla sokwazi okulungileyo lokubi, ngoba mhla usidla okwaso uzakufa isibili.

UGenesisi 2:9

INkosi uNkulunkulu yamilisa emhlabathini zonke izihlahla ezibukekayo lezilungileyo zokudliwa; yamilisa phakathi kwensimu isihlahla sokuphila lesihlahla sokwazi okulungileyo lokubi.

UGenesisi 3:10

Wathi: Kuthe lapho ngisizwa usiza ensimini ngesaba, ngoba ngihambaze; ngakho ngacatsha.

UGenesisi 3:22

INkosi uNkulunkulu yasisithi: Khangela, umuntu usenjengomunye wethu, usesazi konke. Uba eselula isandla sakhe athathe okwesihlahla sokuphila adle, uzakuphila kokuphela.

UGenesisi 3:7

Kwasekuvuleka amehlo abo bobabili, babona ukuthi bahambaze; bathunga amahlamvu omkhiwa bazenzela izambatho.

1 AmaKhosi 22:6

Inkosi yakoIsrayeli yasibuthanisa abaprofethi ababengamakhulu amane, yathi kubo: Ngiyehlasela iRamothi‐Gileyadi kumbe ngingayi na? Bona bathi: Hamba, ngoba iNkosi izalinikela esandleni sakho.

2 ImiLando 32:15

Ngalokhoke lingamvumeli uHezekiya ukuba alikhohlise aliduhise ngalindlela, lingamkholwa, ngoba kakukho unkulunkulu owasiphi isizwe lowawuphi umbuso obe lamandla okukhulula abantu bakhe esandleni sami lesabokhokho bami. Phoke, owenu uNkulunkulu angalikhulula kanjani esandleni sami na?

AmaHubo 12:4

labo abathi: Sizakunqoba ngolimi lwethu, imilomo yethu ngeyethu njalo; ngubani ongasibusa na?

U-Eksodasi 20:7

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.

U-Eksodasi 5:2

Kodwa uFaro wathi: INkosi ingubani ukuba ngilalele ilizwi layo, ngivumele abakoIsrayeli bahambe na? Kangiyazi iNkosi, futhi kangiyikubavumela abakoIsrayeli ukuba bahambe.

U-Isaya 14:14

ngizakwenyukela ngaphezu kwendawo eziphakemeyo emayezini, ngizenze ngibe njengoPhezukonke.

UHezekhiyeli 13:22

Ngoba lidabukisile abalungileyo ngamanga, lanxa ngingabadabukisanga mina, lakhuthaza ababi ukuze bangaphenduki endleleni zabo ezimbi, basile.

UHezekhiyeli 28:12

Ndoda, khala isililo ngenkosi yaseTire, uthi kiyo: INkosi uNkulunkulu ithi: Wawuyisiboniso sokupheleleyo, ugcwele ukuhlakanipha, uphelele ngobuhle.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

UHezekhiyeli 28:9

Uzakutsho yini uthi: Ngingunkulunkulu mina, phambi kwalabo abakugwazayo, lanxa wena ungumuntu ungesuye unkulunkulu, ezandleni zalabo abakugwazayo?

UHezekhiyeli 29:3

ukhulume uthi: INkosi uNkulunkulu ithi: Ngimelene lawe, wena Faro nkosi yaseGibithe, wena ngwenya enkulu elele phakathi kwemifula yayo, ethi: Umfula iNile ungowami, ngawenza.

UDanyeli 4:30

yathi: Kakusilo yini leliBabiloni elikhulu engalakha ngamandla ami amakhulu, laba ngumuzi wenkosi, laba lodumo lobukhosi bami na?

UDanyeli 6:7

Bonke abongameli bombuso, lezinduna, lezikhulu, labeluleki, lababusi, bavumelene ukuba inkosi imise umthetho, ikhuphe isimemezelo esiqinileyo ngawo sokuthi lowo okhuleka komunye unkulunkulu loba omunye umuntu ensukwini ezingamatshumi amathathu ezizayo ngaphandle kwakho, nkosi, uzaphoselwa emgodini wezilwane.

UMatewu 6:23

Kodwa uba ilihlo lakho lilibi, umzimba wakho wonke uzakuba lomnyama. Ngakho uba ukukhanya okuphakathi kwakho kungumnyama, umnyama mkhulu kangakanani.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 13:4

Abantu bawukhonza umgobho, ngoba wanika isilo amandla awo; basikhonza lesilo besithi: Ngubani ofana lesilo? ngubani ongalwa laso na?

Abahluleli 3:2

yayiqonde ukufundisa izizukulwana zabakoIsrayeli ezizayo, ikakhulu labo abangafundanga ukulwa esikhathini esingaphambili, ukulwa impi.