UGenesisi 3:1 - iBhayibhili Elingcwele 1978

¹ Inyoka yayilobuqili kulazo zonke inyamazana zeganga eyayizenzile iNkosi uNkulunkulu. Yathi kowesifazana: Impela uNkulunkulu watsho yini ukuthi: Lingadli okwezihlahla zasensimini na?

IBhayibhili Elingcwele LesiNdebele

¹ Inyoka yayiliqili ukwedlula zonke izinyamazana zeganga uThixo uNkulunkulu ayezenzile. Yathi kowesifazane, “Kambe uNkulunkulu watsho ngeqiniso ukuthi, ‘Lingadli noma yisiphi isihlahla esivandeni’?”

UGenesisi 3:1 ပူးပေါင်းရင်းမြစ်များ

UmTshumayeli 4:10

Ngoba uba omunye esiwa umnakwabo uzamvusa; kodwa maye kulowo owayo eyedwa kungekho ongamvusa.

U-Isaya 27:1

Ngalolosuku iNkosi izakutshaya uLeviyathani, inyoka ephaphayo, inyoka ethandelayo, imtshaye ngomhedla wayo olukhuni lomkhulu lolamandla, ibulale lumgobho osolwandle.

UMatewu 10:16

Khangelani, ngiyalithuma linjengezimvu phakathi kwempisi; ngakho hlakaniphani njengezinyoka, libe ngabangoni lutho njengamajuba.

UMatewu 4:3

Kweza umlingi, wathi kuye: Uba uyiNdodana kaNkulunkulu, tshono ukuba lamatshe abe yizinkwa.

UMatewu 4:6

wathi kuye: Uba uyiNdodana kaNkulunkulu, ziwisele phansi; ngoba kulotshiwe ukuthi: Uzakulaya izithunywa zakhe ngawe, zikuthwale ngezandla zazo, funa ukhubeke elitsheni ngonyawo lwakho.

UMatewu 4:9

wathi kuye: Lezizinto zonke ngizakukunika zona, uba uziwisela phansi, ungikhonze.

2 AbaseKhorinte 11:14

Kakumangalisi lokhu, ngoba uSathane uqobo uzitshaya isithunywa sokukhanya.

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

1 UPhethro 3:7

Ngokunjalo lani madoda, hlalani labomkenu ngokwazi, limhloniphe owesifazana njengomuntu obuthakathaka, lokhu beyizindlalifa zomusa wokuphila kanye lani, ukuze imikhuleko yenu ingavimbeleki.

Isambulo 12:15

Lenyoka yakhupha amanzi emlonyeni wayo emva kowesifazana kungathi ngumfula ukuba immukise.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

Isambulo 20:2

Sawubamba umgobho, inyoka enguSathane loMubi, sawubopha okweminyaka eyinkulungwane;