UGenesisi 28:3 - iBhayibhili Elingcwele 1978

³ UNkulunkulu uSomandla akubusise, akwandise ube yizizwe ezinengi;

IBhayibhili Elingcwele LesiNdebele

³ Sengathi uNkulunkulu uSomandla angakubusisa akuphe inzalo, andise ubunengi bayo lize libe yizizwe ezinengi.

UGenesisi 28:3 ပူးပေါင်းရင်းမြစ်များ

UGenesisi 1:28

UNkulunkulu wababusisa, wathi kibo: Zalani lande, ligcwalise umhlaba liwunqobe, libuse phezu kwenhlanzi zolwandle, lenyoni zaphezulu, lakho konke okuphilayo okuhamba emhlabeni.

UGenesisi 13:16

Ngizakuyenza inzalo yakho ibe ngangothuli lomhlaba, kuze kuthi uba umuntu engabala uthuli lomhlaba, izakubalwa lenzalo yakho.

UGenesisi 17:20

Mayelana loIshmayeli ngikuzwile; khangela, ngimbusisile, ngizakumnika inzalo ngimandise kakhulu; uzakuzala izikhulu ezilitshumi lambili, ngimenze isizwe esikhulu.

UGenesisi 24:60

Bambusisa uRebeka, bathi kuye: Dadewethu, ube ngunina wezinkulungwane zezigidi, inzalo yakho inqobe imizi yezitha zayo!

UGenesisi 26:24

INkosi yabonakala kuye ngalobobusuku yathi: NginguNkulunkulu kaAbrahama uyihlo. Ungesabi ngoba ngilawe, ngizakukubusisa ngiyandise inzalo yakho ngenxa yenceku yami uAbrahama.

UGenesisi 26:4

Ngizakwandisa inzalo yakho ibe ngangezinkanyezi zezulu, ngiyinike inzalo yakho lamazwe wonke; ngenzalo yakho zizabusiswa izizwe zonke zomhlaba;

UGenesisi 27:33

UIsaka esethuthumela kakhulu, wathi: Pho, ngubani othathe inyama wayiletha kimi, ngayidla yonke ungakafiki, ngambusisa na? Yena uzakuba ngobusisekileyo.

UGenesisi 35:11

UNkulunkulu wathi kuye: NginguNkulunkulu uSomandla; zala wande; kuzakuvela kuwe isizwe, yebo ibandla lezizwe; amakhosi azazalwa nguwe.

UGenesisi 41:52

Wabiza ibizo leyesibili wathi nguEfrayimi, wathi: Ngoba uNkulunkulu ungenze ukuba ngizale elizweni lokuhlupheka kwami.

UGenesisi 43:14

UNkulunkulu uSomandla kalenzele isihawu lowomuntu ukuze alikhululele umfowenu lowo omunye kanye loBenjamini. Uba ngamukwa abantwana bami, ngiyamukwa.

UGenesisi 48:3

UJakobe wathi kuJosefa: UNkulunkulu uSomandla wabonakala kimi eLuzi elizweni laseKanani, wangibusisa,

UGenesisi 48:4

wathi kimi: Khangela, ngizakukwandisa ube labantwana abanengi, ngikwenze ube yizizwe ezinengi, nginike inzalo yakho lelilizwe emva kwakho, libe yilifa elingapheliyo.

UGenesisi 49:25

langoNkulunkulu kayihlo ozakukusiza, langoSomandla ozakukubusisa ngezibusiso ezivela ezulwini, lezibusiso ezivela ngaphansi komhlaba, lezibusiso zamabele lezesizalo,

UGenesisi 9:1

UNkulunkulu wabusisa uNowa lamadodana akhe, wathi kibo: Zalani, lande, ligcwalise umhlaba.

AmaHubo 127:1

Uba iNkosi ingayakhi indlu, basebenzela ize abayakhayo. Uba iNkosi ingawulondolozi umuzi, kuyize ukulinda komlindi.

AmaHubo 127:3

Khangelani, amadodana ayisipho esivela eNkosini, abantwana bangumvuzo ovela kuyo.

U-Eksodasi 1:7

Abantu bakoIsrayeli bazalana, banda kakhulu baze baba banengi, baba lamandla; ilizwe lagcwala bona.

U-Eksodasi 6:3

ngabonakala kuAbrahama lakuIsaka lakuJakobe njengoNkulunkulu uSomandla; kodwa ngebizo lami lokuthi iNkosi ngangingaziwa kubo.

2 AbaseKhorinte 6:18

Ngizakuba nguYihlo wenu, lina libe ngamadodana lamadodakazi ami, kutsho iNkosi uSomandla.

Isambulo 21:22

Kangibonanga ithempeli phakathi komuzi, ngoba iNkosi uNkulunkulu, uSomandla, kanye leWundlu balithempeli lawo.

URuthe 2:4

UBowasi wafika evela eBetlehema, wababingelela abavunayo wathi: INkosi ibe lani. Bona bathi: INkosi ikubusise.