UGenesisi 26:8 - iBhayibhili Elingcwele 1978

⁸ Kwathi esehlale khona isikhathi eside, uAbimeleki inkosi yamaFilistiya walunguza ngewindi, wabona uIsaka edlala loRebeka umkakhe.

IBhayibhili Elingcwele LesiNdebele

⁸ Kwathi u-Isaka esehlale khona okwesikhathi eside, u-Abhimelekhi inkosi yamaFilistiya wakhangela ngefasitela wabona u-Isaka egone umkakhe uRabheka.

UGenesisi 26:8 ပူးပေါင်းရင်းမြစ်များ

UGenesisi 26:7

Amadoda aleyondawo ambuza ngomkakhe. Wathi: Ungudadewethu; ngoba wesaba ukuthi: Ungumkami. Wathi: Mhlawumbe amadoda aleyondawo azangibulala ngenxa kaRebeka, ngoba emuhle kakhulu.

UGenesisi 26:9

UAbimeleki wambiza uIsaka, wathi: Khangela, impela yena ungumkakho; utsholoni ukuthi: Ungudadewethu? UIsaka wathi kuye: Bengisesaba ukuthi mhlawumbe ngizakufa ngenxa yakhe.

Izaga 7:6

Ngema ewindini lendlu yami, ngalunguza ngaphandle,

UmTshumayeli 9:9

Thokoza lomkakho omthandayo kuzo zonke insuku zokuphila kwakho okulize okunikiweyo ngaphansi kwelanga, ngoba leso yiso isabelo sakho ekuphileni, lesokutshikatshika kwakho ngaphansi kwelanga.

Ingoma 2:9

Isithandwa sami sinjengempala lanjengegogo. Nanso simi ngemva komduli wethu, silunguza emawindini, sikhangele ngawo.

U-Isaya 62:5

Ngoba njengejaha lithatha intombi, ngokunjaloke okwakhayo uzakukuthatha; lanjengomyeni ethokoziswa ngumlobokazi, uNkulunkulu wakho uzakuthokoza ngawe.

Abahluleli 5:28

Unina kaSisera wakhangela ngewindi, walunguza ngewindi, wamemeza wathi: Iphuziswe yini inqola yakhe yokulwa na? Uphuziswe yini umsindo wokugadula kwamabhiza akhe na?