UGenesisi 24:7 - iBhayibhili Elingcwele 1978

⁷ INkosi, uNkulunkulu wezulu, eyangikhupha endlini kababa laselizweni lokuzalwa kwami, yafunga kimi yathi: Ngizalinika inzalo yakho lelilizwe; izathuma isithunywa sayo phambi kwakho, ukuze uyithathele khona umfazi indodana yami.

IBhayibhili Elingcwele LesiNdebele

⁷ UThixo, uNkulunkulu wasezulwini, owangikhupha emzini kababa laselizweni lakithi njalo owakhuluma kimi, wangithembisa ngesifungo wathi, ‘Ilizwe leli ngizalinika inzalo yakho,’ uzathuma ingilosi yakhe ihambe phambi kwakho ukuze ukwazi ukutholela indodana yami umfazi khonale.

UGenesisi 24:7 ပူးပေါင်းရင်းမြစ်များ

UGenesisi 13:15

ngoba ilizwe lonke olibonayo ngizakukunika lona, ngilinike lenzalo yakho kuze kube nininini.

UGenesisi 15:18

Ngalolosuku iNkosi yenza isivumelwano loAbrama, yathi: Ngiyayinika inzalo yakho lelilizwe, kusukela emfuleni waseGibithe kuze kube semfuleni omkhulu othiwa liYufrathi,

UGenesisi 16:7

Isithunywa seNkosi sayifumana ngasemthonjeni wamanzi enkangala, ngasemthonjeni osendleleni eya eShuri.

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UGenesisi 21:17

UNkulunkulu wezwa ilizwi lomntwana. Isithunywa sikaNkulunkulu samemeza uHagari sisezulwini, sathi kuye: Ukhalelani, Hagari? Ungesabi, ngoba uNkulunkulu usezwile ilizwi lomfana lapho akhona.

UGenesisi 22:11

Kwasekumemeza kuye isithunywa seNkosi sisezulwini sathi: Abrahama, Abrahama! Wathi: Ngilapha.

UGenesisi 24:3

Ngizakukufungisa iNkosi, uNkulunkulu wezulu loNkulunkulu womhlaba, ukuthi kawuyikuyithathela indodana yami umfazi emadodakazini amaKanani engihlala phakathi kwawo;

UGenesisi 24:40

Yathi kimi: INkosi, engihamba phambi kwayo, izathuma isithunywa sayo lawe, iphumelelise indlela yakho; uzakuyithathela indodana yami umfazi ezihlotsheni zikababa.

UGenesisi 26:24

INkosi yabonakala kuye ngalobobusuku yathi: NginguNkulunkulu kaAbrahama uyihlo. Ungesabi ngoba ngilawe, ngizakukubusisa ngiyandise inzalo yakho ngenxa yenceku yami uAbrahama.

U-Ezra 1:2

Nanti ilizwi likaKurosi inkosi yasePerisiya, lithi: INkosi, uNkulunkulu ophezulu, enginikileyo yonke imibuso yomhlaba, ingilayile ukuyakhela indlu eJerusalema koJuda.

AmaHubo 103:20

Ibongeni iNkosi, lina zithunywa zayo, lina maqhawe ayo elizwa ilizwi layo, lilalela ukukhuluma kwelizwi layo.

AmaHubo 136:26

Bongani uNkulunkulu wezulu, ngoba uthando lwakhe olungapheliyo lumi kuze kube nininini.

AmaHubo 32:8

Ngizakukufundisa ngikutshengise indlela ozakuhamba ngayo, ngizakweluleka, ilihlo lami libe phezu kwakho.

AmaHubo 34:7

Isithunywa seNkosi siyabavikela labo abayesabayo, sibakhulule.

AmaHubo 73:24

Uzakungihola ngeseluleko sakho, emva kwalokho ungamukele ebukhosini.

U-Eksodasi 13:5

Kuzakuthi lapho iNkosi isilingenisile elizweni lamaKanani lamaHethi lamaAmori lamaHivi lamaJebusi, eyafunga kubokhokho benu ukulinika lona, ilizwe eligcwele uchago lenyosi, ligcine linkonzo ngalinyanga.

U-Eksodasi 32:13

Khumbula uAbrahama loIsaka loIsrayeli, inceku zakho, owazifunga kibo wathi: Ngizakwandisa inzalo yenu ibe ngangenkanyezi zasezulwini, ngiyinike lonke lelilizwe engikhulume ngalo, libe yilifa layo kuze kube nininini.

U-Eksodasi 33:2

Ngizakuthuma isithunywa phambi kwakho, ngixotshe amaKanani lamaAmori lamaHethi lamaPerizi lamaHivi lamaJebusi.

U-Isaya 63:9

ekuhluphekeni kwabo konke. Kabakhululwanga yisigijimi loba yisithunywa, kodwa yabasilisa yona uqobo; ngothando lwayo langesihawu sayo yabahlenga, yabaphakamisa, yabathwala zonke insuku zakuqala.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UJona 1:9

Yena wathi kibo: NgingumHeberu, ngikhonza iNkosi uNkulunkulu wezulu owenza ulwandle lomhlabathi owomileyo.

AmaNani 11:12

Yimi unina walababantu na? Yimi engabazalayo ukuze ngibasingathe esifubeni sami njengomlizane esingatha abantwana bakhe, ngibase elizweni owafunga ukulinika oyise na?

AmaNani 14:16

INkosi yahluleka ukungenisa lababantu elizweni eyafunga ukubanika lona, ngakho ibabulele enkangala.

AmaNani 14:30

Kakuyikungena loyedwa nje elizweni engafunga ukulihlalisa kulo, ngaphandle kukaKalebi indodana kaJefune loJoshuwa indodana kaNuni.

AmaNani 32:11

Impela kulabo abaphuma eGibithe abaleminyaka engamatshumi amabili lengaphezulu kakuyikuba loyedwa ozakubona ilizwe engafunga ukulinika uAbrahama loIsaka loJakobe, ngoba kabangilandelanga ngokupheleleyo;

Imisebenzi 7:5

Kodwa kamnikanga ilifa kilo, ngitsho lelingangonyawo, kodwa wathembisa ukumnika lona libe ngelakhe lelenzalo yakhe emva kwakhe, lanxa wayengakabi lamntwana.

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

UDutheronomi 34:4

INkosi yathi kuye: Yilo leli ilizwe engafunga kuAbrahama loIsaka loJakobe ngathi: Ngizakulinika inzalo yenu. Sengikuvumele ukuba ulibone ngamehlo akho, kodwa kawuyikuwela uye kilo.

AmaHebheru 1:14

Kazisibo yini zonke omoya abasebenzayo abathunyelwe ukukhonza ngenxa yalabo abazakudla ilifa lokusiliswa na?

AmaHebheru 11:9

Ngokukholwa wahlala njengomuntu wezizweni elizweni lokuthenjiswa, ehlala emathenteni loIsaka loJakobe ababeyizindlalifa kanye laye zalesosithembiso;

UJoshuwa 1:6

Qina, ume isibindi, ngoba nguwe ozanika lababantu ilizwe engafunga ukulinika okhokho babo.

UJoshuwa 24:3

Ngasengithatha ukhokho wenu uAbrahama ngaphetsheya komfula iYufrathi, ngamhola kulo lonke ilizwe laseKanani, ngayandisa inzalo yakhe yaba nengi. Ngamnika uIsaka,

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Abahluleli 2:1

Isithunywa seNkosi sasuka eGiligali saya eBokimi, sathi: Ngalikhupha eGibithe, ngaliletha elizweni engafunga ukulinika okhokho benu. Ngathi kangisoze ngisaphule isivumelwano sami lani;