UGenesisi 24:3 - iBhayibhili Elingcwele 1978

³ Ngizakukufungisa iNkosi, uNkulunkulu wezulu loNkulunkulu womhlaba, ukuthi kawuyikuyithathela indodana yami umfazi emadodakazini amaKanani engihlala phakathi kwawo;

IBhayibhili Elingcwele LesiNdebele

³ Ngifuna ukuthi ufunge ngoThixo, uNkulunkulu wasezulwini loNkulunkulu wasemhlabeni, ukuthi kawuyikuzuzela indodana yami umfazi emadodakazini amaKhenani engihlala phakathi kwawo,

UGenesisi 24:3 ပူးပေါင်းရင်းမြစ်များ

UGenesisi 14:19

Wambusisa wathi: Kabusiswe uAbrama nguNkulunkulu oPhezukonke, uMdali wezulu lomhlaba.

UGenesisi 14:22

UAbrama wathi enkosini yaseSodoma: Ngiyafunga eNkosini uNkulunkulu oPhezukonke, uMdali wezulu lomhlaba,

UGenesisi 21:23

Ngakho funga kimi lapha ngoNkulunkulu ukuthi kawuyikungikhohlisa mina lendodana yami labazukulu bami; kodwa njengomusa engikwenzele wona, yenze njalo lawe kimi lakulo ilizwe osuhlala kilo.

UGenesisi 24:7

INkosi, uNkulunkulu wezulu, eyangikhupha endlini kababa laselizweni lokuzalwa kwami, yafunga kimi yathi: Ngizalinika inzalo yakho lelilizwe; izathuma isithunywa sayo phambi kwakho, ukuze uyithathele khona umfazi indodana yami.

UGenesisi 27:46

URebeka wasesithi kuIsaka: Sengidiniwe yikuphila ngenxa yamadodakazi kaHethi; uba uJakobe ethatha umfazi kuwo amadodakazi kaHethi anjengala amadodakazi alelilizwe, kungisiza kanjani ukuphila kwami na?

UGenesisi 28:1

UIsaka wasembizake uJakobe, wambusisa, wamlaya wathi: Ungathathi umfazi kuwo amadodakazi aseKanani.

UGenesisi 28:8

Kwamkhanyela uEsawu ukuthi amadodakazi aseKanani kawamkholisi uIsaka uyise.

UGenesisi 34:9

Yendiselanani lathi lisiphe amadodakazi enu, lani lithathe amadodakazi ethu.

UGenesisi 38:2

UJuda wabona lapho indodakazi yomKanani othile obizo lakhe linguShuwa; wayithatha, walala layo.

UGenesisi 47:31

UJakobe wathi kuye: Funga. Wasefunga. UIsrayeli wakhothamela ekhanda lombheda wakhe.

UGenesisi 50:25

UJosefa wafungisa amadodana kaIsrayeli esithi: UNkulunkulu uzalihambela impela, lithuthe amathambo ami lapha.

UGenesisi 6:2

amadodana kaNkulunkulu abona amadodakazi abantu ukuthi mahle; athatha abafazi kuwo awathandayo.

UGenesisi 6:4

Ngalezonsuku kwakukhona iziqhwaga emhlabeni. Emva kokuba amadodana kaNkulunkulu aseyile emadodakazini abantu azala abantwana. Wona ayengamaqhawe asendulo engamadoda alodumo.

2 AmaKhosi 19:15

UHezekiya wakhuleka esithi: Nkosi, Nkulunkulu kaIsrayeli, wena ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

2 ImiLando 2:12

Wabuya wathi: Kayibongwe iNkosi uNkulunkulu kaIsrayeli eyenza izulu lomhlaba, enike inkosi uDavida indodana ehlakaniphileyo elengqondo lokuqedisisa ezayakhela iNkosi ithempeli, izakhele isigodlo.

U-Ezra 5:11

Bona basiphendula bathi: Thina siyizinceku zikaNkulunkulu wezulu lomhlaba, sivusa indlu eyayakhiwe eminyakeni eminengi eyedlulileyo, inkosi enkulu yakoIsrayeli eyayakha yayiqeda.

UNehemiya 13:25

Ngaphikisana labo, ngabaqalekisa, ngatshaya abanye babo, ngangcothula inwele zabo; ngabafungisa ngebizo likaNkulunkulu ukuba bathi: Kasisayikwendisela amadodakazi ethu amadodana abo, loba sithathele amadodana ethu amadodakazi abo, ingabe sizithathele thina.

UNehemiya 9:6

Nguwe wedwa oyiNkosi owenza izulu eliphezulu kakhulu lakho konke okukulo, lomhlaba lakho konke okukuwo, lezinlwandle lakho konke okukuzo, wena uyakulondoloza konke; lakho konke okusezulwini kuyakukhonza.

AmaHubo 115:15

kalibe ngababusisiweyo yiNkosi eyenza izulu lomhlaba.

AmaHubo 136:26

Bongani uNkulunkulu wezulu, ngoba uthando lwakhe olungapheliyo lumi kuze kube nininini.

U-Eksodasi 20:7

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.

U-Eksodasi 22:11

uzafunga isifungo phambi kwakhe laphambi kweNkosi ukuthi kafakanga isandla empahleni yomakhelwane wakhe; umniniyo uzasamukela isifungo sakhe, angahlawuli lutho.

U-Eksodasi 23:13

Qaphelani konke lokhu esengikutshilo kini, lingawaphathi amabizo abanye onkulunkulu, angezwakali emilonyeni yenu.

U-Eksodasi 34:16

ungawathatheli amadodana akho amadodakazi abo; ngoba lapho amadodakazi abo ephinga labonkulunkulu babo, azakwenza amadodana akho ukuba aphinge kanye lawo.

U-Isaya 45:23

Ngizifungile mina, ngakhuluma ilizwi eliqinisekileyo elingasayikwaphulwa futhi, elithi: Wonke amadolo azakuguqa phambi kwami, lezindimi zonke zizakungifunga.

U-Isaya 48:1

Zwana lokhu, wena ndlu kaJakobe, obizwa ngebizo likaIsrayeli, owenzalo kaJuda, ofunga ibizo leNkosi, odumisa uNkulunkulu kaIsrayeli, kodwa kungesikho ngeqiniso.

U-Isaya 65:16

kuze kuthi lowo ozibusisayo emhlabeni azibusise ngoNkulunkulu weqiniso, lalowo ofungayo emhlabeni afunge ngoNkulunkulu weqiniso; ngoba inhlupheko zakuqala sezikhohlakele, zisithekile emehlweni ami.

UJeremiya 10:11

Tshono kubo uthi: Onkulunkulu abangenzanga iphezulu lomhlaba bazabhubha emhlabeni langaphansi kwezulu.

UJeremiya 12:16

Kuzakuthi uba bezazifunda kuhle indlela zabantu bami, bafunge ibizo lami bathi: Ngifunga iNkosi; njengalokho bafundisa abantu bami ukufunga uBali, bazakwakha phakathi kwabantu bami.

UJeremiya 29:6

lithathe abafazi, lizale amadodana lamadodakazi, lithathele amadodana enu abafazi, lendise amadodakazi enu, ukuze azale amadodana lamadodakazi, lande lina, linganciphi.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

ULevi 19:12

Lingafungeli ibizo lami amanga, lize lihlambaze ibizo likaNkulunkulu wenu. NgiyiNkosi.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

AmaNani 5:21

umpristi amfungise owesifazana ngesifungo sesiqalekiso, athi kuye — iNkosi kayikwenze wena ube yisinengiso lesiqalekiso phakathi kwabakini, ikwenze ukuba uphumise isisu.

1 AbaseKhorinte 7:39

Umfazi ubotshelwe endodeni yakhe uba isekhona; kodwa uba isifa, ukhululekile ukuba endele kulowo amthandayo, kodwa ngokufanele iNkosi.

UDutheronomi 10:20

Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

AmaHebheru 6:16

Impela abantu bayafunga ngomkhulu kulabo, kibo isifungo siyaqeda ukuphikisana, siqinise.

UJoshuwa 2:12

Ngalokhoke fungani kimi ngeNkosi ukuthi njengoba ngiliphathe ngomusa, lani lizayiphatha ngomusa indlu kababa, linginike isiboniso esiqinileyo,

Abahluleli 14:3

Kodwa uyise lonina bathi: Kakulantombi yini phakathi kwezihlobo zakho laphakathi kwabo bonke abakithi ukuba uyethatha umfazi kumaFilistiya angasokanga na? Kodwa uSamsoni wathi kuyise: Ngithathele yena ngoba ngiyamthanda.

1 USamuyeli 20:17

UJonathani waphinda wamfungisa uDavida ngokumthanda kwakhe; ngoba wayemthanda njengokuba wayezithanda yena.

1 USamuyeli 30:15

UDavida wasesithi kuye: Ungangisa kuleloxuku na? Yena wathi: Funga kimi ngoNkulunkulu ukuthi kawuyikungibulala, kawuyikunginikela enkosini yami; ngizakukusa kuleloxuku.