UGenesisi 22:2 - iBhayibhili Elingcwele 1978

² UNkulunkulu wathi: Thatha khathesi indodana yakho eyodwa oyithandayo, uIsaka, uye elizweni laseMoriya; unikele khona ngayo ibe ngumnikelo wokutshiswa kwenye intaba engizakukutshela yona.

IBhayibhili Elingcwele LesiNdebele

² UNkulunkulu wasesithi, “Thatha indodana yakho, indodana yakho eyiyo yodwa, u-Isaka, omthandayo, uye emangweni waseMoriya. Khonapho menze umhlatshelo abe ngumnikelo wokutshiswa phezu kwenye yezintaba engizakutshengisa yona.”

UGenesisi 22:2 ပူးပေါင်းရင်းမြစ်များ

UGenesisi 17:19

UNkulunkulu wathi: Atshi, uSara umkakho uzakukuzalela indodana; uzakuyitha ibizo uthi nguIsaka; ngizakumisa isivumelwano sami laye kanye lenzalo yakhe emva kwakhe sibe yisivumelwano esingapheliyo.

UGenesisi 21:12

Kodwa uNkulunkulu wathi kuAbrahama: Kakungabi buhlungu kuwe ngenxa yomfana langenxa yesigqilikazi sakho; lalela ilizwi likaSara kukho konke akutshoyo kuwe, ngoba inzalo yakho izakubizwa ngoIsaka.

UGenesisi 21:3

UAbrahama wayitha ibizo indodana azalelwe yona nguSara wathi nguIsaka.

UGenesisi 22:12

Sathi: Musa ukubeka isandla sakho emfaneni, ungenzi lutho kuye, ngoba sengisazi ukuthi uyamesaba uNkulunkulu, lokhu ungalanga lendodana yakho eyodwa.

UGenesisi 22:16

sathi: Ngizifungile, itsho iNkosi, ukuthi njengoba ukwenzile lokhu ungalanga lendodana yakho eyodwa,

UGenesisi 22:3

UAbrahama wavuka ekuseni, wabophela ubabhemi wakhe, wathatha ababili encekwini zakhe loIsaka indodana yakhe. Esebandile inkuni zomnikelo wokutshiswa, wasuka waya endaweni ayemtshele yona uNkulunkulu.

UGenesisi 22:9

Bafika endaweni uNkulunkulu ayemtshele yona; uAbrahama wakha khona ialtare; wabeka inkuni phezu kwalo; esembophile uIsaka indodana yakhe, wambeka phezu kwenkuni ealtareni.

UGenesisi 8:20

UNowa wakhela iNkosi ialtare; wathatha kuzo zonke inyamazana ezihlambulukileyo lakuzo zonke inyoni ezihlambulukileyo, wanikela umnikelo wokutshiswa phezu kwealtare.

2 AmaKhosi 3:27

Yasithatha indodana yayo elizibulo eyayizakuba yinkosi esikhundleni sayo, yayinikela yaba ngumnikelo wokutshiswa phezu komduli womuzi. Bethuswa kakhulu yilokho abakoIsrayeli, basuka babuyela elizweni lakibo.

2 ImiLando 3:1

USolomoni waqala ukwakha ithempeli eJerusalema entabeni yaseMoriya lapho iNkosi yabonakala khona kuyise uDavida, endaweni uDavida ayikhethayo esizeni sikaOrnani umJebusi.

UMikha 6:7

INkosi izakwaneliswa zinqama eziyinkulungwane, lezinkulungwane ezilitshumi zemifula yamafutha na? Ngizakunikela izibulo lami ngenxa yesiphambeko sami, inzalo yomzimba wami ngenxa yesono senhliziyo yami na?

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

AbaseRoma 5:8

Kodwa uNkulunkulu uqinisa uthando lwakhe kithi ngalokhu ukuthi uKristu wasifela siseyizoni.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

AmaHebheru 11:17

Ngokukholwa uAbrahama lapho ehlolwa wanikela ngoIsaka, yebo, yena owayenikwe isithembiso, wavuma ukunikela ngendodana yakhe eyodwa,

Abahluleli 11:31

kuzakuthi loba yikuphi okuphuma endlini yami ukungihlangabeza ekubuyeni kwami senginqobile amaAmoni, kuzakuba ngokweNkosi, ngizakukunikela kube ngumnikelo wokutshiswa.

Abahluleli 11:39

Ekupheleni kwenyanga ezimbili yabuyela kuyise owenza kuyo njengokufunga kwakhe. Yayingazanga ihlangane lendoda. Kwaba ngumkhubo koIsrayeli.