UGenesisi 22:12 - iBhayibhili Elingcwele 1978

¹² Sathi: Musa ukubeka isandla sakho emfaneni, ungenzi lutho kuye, ngoba sengisazi ukuthi uyamesaba uNkulunkulu, lokhu ungalanga lendodana yakho eyodwa.

IBhayibhili Elingcwele LesiNdebele

¹² Yathi, “Ungamthinti ngesandla sakho umfana. Ungenzi lutho kuye. Khathesi sengisazi ukuthi uyamesaba uNkulunkulu, ngoba kawuyigodlanga indodana yakho eyiyo yodwa.”

UGenesisi 22:12 ပူးပေါင်းရင်းမြစ်များ

UJakhobe 2:18

Kodwa omunye uzakuthi: Wena ulokukholwa, mina ngilemisebenzi. Ngitshengisa ukukholwa kwakho ngaphandle kwemisebenzi yakho, lami ngemisebenzi yami ngizakukutshengisa ukukholwa kwami.

1 USamuyeli 15:22

USamuweli wasesithi: Kambe iNkosi iyayithokozela yini iminikelo yokutshiswa lemihlatshelo, njengalokhu ithokozela ukulalelwa kwelizwi layo na? Khangela, ukulalela kuhle kulemihlatshelo, lokuqaphelisa kuhle kulamahwahwa ezinqama.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

1 AbaseKhorinte 10:13

Kalifikelwanga yikulingwa okungejwayelekanga ebantwini. UNkulunkulu uthembekile, kayikuvuma ukuba lilingwe ngokungaphezu kwamandla enu; kodwa nxa ukulingwa kufika, uzakulinika indlela yokuphepha, ukuze libe lamandla okukuthwala.

UMatewu 19:29

Lalowo otshiye izindlu, labafowabo, lodadewabo, loyise, lonina, labantwana ingabe amasimu ngenxa yebizo lami, uzakwamukeliswa ngekhulu, adle ilifa lokuphila okungapheliyo.

UmTshumayeli 12:13

Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.

UGenesisi 26:5

ngoba uAbrahama walalela ilizwi lami, wagcina amazwi ami lemilayo yami lezimiso zami lemithetho yami.

UGenesisi 22:2

UNkulunkulu wathi: Thatha khathesi indodana yakho eyodwa oyithandayo, uIsaka, uye elizweni laseMoriya; unikele khona ngayo ibe ngumnikelo wokutshiswa kwenye intaba engizakukutshela yona.

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

AmaHubo 147:11

Kodwa iNkosi ijabulela labo abayesabayo, labo abathemba uthando lwayo olungapheliyo.

AmaHubo 25:12

Nguwuphi umuntu oyesabayo iNkosi? Lowo izakumfundisa indlela ezakuyikhetha.

AbaseRoma 5:8

Kodwa uNkulunkulu uqinisa uthando lwakhe kithi ngalokhu ukuthi uKristu wasifela siseyizoni.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

Imisebenzi 9:31

Ngakho ibandla laba lokuthula kulo lonke elaseJudiya, lelaseGalili, lelaseSamariya, lakheka, lihamba ngokwesaba kweNkosi, landa ngokuqiniswa nguMoya oNgcwele.

Izaga 1:7

Ukuyesaba iNkosi kuyikuqala kokwazi, kodwa izithutha ziyadelela ukuhlakanipha lokufundiswa.

AmaHubo 25:14

Ubuhlobo beNkosi bungobalabo abayesabayo, iyabazisa isivumelwano sayo.

U-Eksodasi 20:20

UMose wathi ebantwini: Lingesabi; ngoba uNkulunkulu ufikile ukuba alilinge, ukuze limesabe, lingoni.

UMatewu 16:24

UJesu wasesithi kubafundi bakhe: Uba umuntu ethanda ukungilandela, kazidele, athathe isiphambano sakhe, angilandele.

UJeremiya 19:5

bakha izindawo eziphakemeyo zikaBali ukutshisa amadodana abo ngomlilo abe ngumnikelo wokutshiswa kuBali, into engingabalayanga yona ngayimisa, lengafikanga engqondweni yami.

UJobe 28:28

Wathi emuntwini: Khangela, ukuyesaba iNkosi yikho okuyikuhlakanipha, lokusuka ebubini kuyikuqedisisa.

UNehemiya 5:15

Ababusi ababengaphambi kwami babathwalisa nzima abantu, bethatha kibo ukudla kwensuku ngensuku lewayini okulingana lamashekeli esiliva angamatshumi amane. Lezinceku zabo zabaphatha kalukhuni abantu. Kodwa mina kangikwenzanga lokho ngenxa yokwesaba uNkulunkulu.

UGenesisi 20:11

UAbrahama wathi: Ngoba ngathi impela ukumesaba uNkulunkulu kakukho kulindawo; bazangibulala ngenxa yomkami.

AmaHebheru 12:28

Umbuso esiwuphiweyo kawulakunyikinyekiswa; ngakho asimbonge uNkulunkulu, ukuze simkhonze njengokuba efanele ukukhonzwa, ngokuthobeka langokwesaba;

UMatewu 5:16

Kunjaloke kakukhanye ukukhanya kwenu phambi kwabantu ukuba babone imisebenzi yenu emihle, badumise uYihlo osezulwini.

UMalaki 4:2

Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

UJeremiya 32:40

Ngizakwenza labo isivumelwano esingelakuphela, ukuze ngingayekeli ukubenzela okuhle, ngifake ukungesaba enhliziyweni zabo ukuze bangangitshiyi.

AmaHubo 111:10

Ukuyesaba iNkosi kuyikuqala kokuhlakanipha; balengqondo enhle bonke abalakho. Ukudunyiswa kwayo kumi kuze kube nini lanini.

AmaHubo 2:11

Ikhonzeni iNkosi ngokwesaba, lithuthumele,

AmaHubo 1:6

ngoba iNkosi iyayinanzelela indlela yabalungileyo, kodwa indlela yababi izakubhubha.

UJobe 5:19

Uzakukukhulula enhluphekweni eziyisithupha, lakweziyisikhombisa kawuyikuthintwa yibubi.

AmaHebheru 11:19

Ngoba wathi uNkulunkulu ulamandla okuvusa abantu ekufeni, ngokulinganisa wabuya wayizuza isivela kwabafileyo.

UGenesisi 42:18

UJosefa wasesithi kubo ngosuku lwesithathu: Yenzani lokhu ukuba lisile, ngoba ngiyamesaba uNkulunkulu.

Isambulo 19:5

Kwasekuzwakala ilizwi livela esihlalweni sobukhosi lisithi: Mdumiseni uNkulunkulu wethu lina lonke zinceku zakhe, elimesabayo, abakhulu labancinyane.

UGenesisi 22:13

UAbrahama wasekhangela, wabona ngemva kwakhe inqama ibanjiwe esixukwini ngezimpondo zayo. UAbrahama waya khona wayithatha inqama, wanikela ngayo ukuba ibe ngumnikelo wokutshiswa esikhundleni sendodana yakhe.

UGenesisi 22:16

sathi: Ngizifungile, itsho iNkosi, ukuthi njengoba ukwenzile lokhu ungalanga lendodana yakho eyodwa,

UJobe 1:1

Kwakukhona umuntu othile elizweni laseUzi, ibizo lakhe linguJobe. Lowomuntu wayengelasici, eqotho, emesaba uNkulunkulu, exwaya okubi.