UGenesisi 2:9 - iBhayibhili Elingcwele 1978

⁹ INkosi uNkulunkulu yamilisa emhlabathini zonke izihlahla ezibukekayo lezilungileyo zokudliwa; yamilisa phakathi kwensimu isihlahla sokuphila lesihlahla sokwazi okulungileyo lokubi.

IBhayibhili Elingcwele LesiNdebele

⁹ Njalo uThixo uNkulunkulu wenza yonke imihlobo yezihlahla ukuthi zikhule emhlabathini, izihlahla ezazibukeka emehlweni njalo zizinhle ekudleni. Phakathi laphakathi kwesivande kwakulesihlahla sokuphila lesihlahla sokwazi okuhle lokubi.

UGenesisi 2:9 ပူးပေါင်းရင်းမြစ်များ

UGenesisi 2:17

kodwa ungadli okwesihlahla sokwazi okulungileyo lokubi, ngoba mhla usidla okwaso uzakufa isibili.

UGenesisi 3:22

INkosi uNkulunkulu yasisithi: Khangela, umuntu usenjengomunye wethu, usesazi konke. Uba eselula isandla sakhe athathe okwesihlahla sokuphila adle, uzakuphila kokuphela.

UGenesisi 3:24

Wamxotsha umuntu; wabeka ngasempumalanga kwensimu yaseEdeni amakherubi kanye lomhedla ovuthayo ophenduphendukayo, okulinde indlela eya esihlahleni sokuphila.

UGenesisi 3:3

kodwa ngezithelo zesihlahla esiphakathi kwensimu uNkulunkulu wathi: Lingazidli, lingazithinti ukuba lingafi.

UGenesisi 3:5

Ngoba uNkulunkulu uyazi ukuthi mhla lizidlayo, amehlo enu azavuleka, libe njengoNkulunkulu, likwazi konke.

Izaga 11:30

Izithelo zokulunga zinjengesihlahla esiletha ukuphila, kodwa isihluku sichitha ukuphila.

Izaga 3:18

Kuyisihlahla esiletha ukuphila kwabakubambayo, lalabo ababambelela kukho babusisiwe.

U-Isaya 44:25

Nginguye ofilisa imihlolo yezangoma, athuthaze izanuse, abuyisele emuva abahlakaniphileyo, aphendule ukwazi kwabo kube yibuthutha;

U-Isaya 47:10

Wathembela ebubini bakho, wathi: Kakho ongibonayo. Ukuhlakanipha kwakho lolwazi lwakho kwakuduhisa, wathi enhliziyweni yakho: Yimi, kakho omunye ngaphandle kwami.

UHezekhiyeli 31:16

Ngizakwenza zonke izizwe zithuthumele ngomdumo wokuwa kwawo, lapho ngiwuphosela endaweni yabafileyo kanye lalabo abehlela egodini. Zonke izihlahla zaseEdeni, ezikhethiweyo lezinhle zaseLebanoni, zonke ezinatha amanzi, zizaduduzwa elizweni elingaphansi komhlaba.

UHezekhiyeli 31:18

Phoke, wena ufana lobani ngodumo langobukhulu ezihlahleni zaseEdeni na? Uzakwehliselwa elizweni elingaphansi komhlaba lezihlahla zaseEdeni, ulale phakathi kwabangasokanga, kanye labo ababulewe empini. Lo nguFaro lalo lonke ixuku lakhe, kutsho iNkosi uNkulunkulu.

UHezekhiyeli 47:12

Enkunjini zombili zomfula kuzakhula zonke inhlobo zezihlahla ezidliwayo. Amahlamvu azo kawayikubuna, lezithelo zazo kaziyikuphutha, zizathela izithelo ezintsha inyanga zonke, ngoba amanzi azo avela endlini engcwele. Izithelo zazo zizakuba ngezokudliwa, lamahlamvu azo abe ngawokwelapha.

UJohane 6:48

Mina ngiyisinkwa sokuphila.

1 AbaseKhorinte 8:1

Mayelana lokuhlatshelwe izithombe siyazi ukuthi silakho ukwazi. Ukwazi kuyakhukhumeza, kodwa uthando luyakha.

UDutheronomi 6:25

Kuzakuba yikulunga kwethu uba sinanzelela ukwenza limilayo phambi kweNkosi uNkulunkulu wethu njengokusilaya kwayo.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Isambulo 22:14

Babusisiwe labo abagezisa ingubo zabo ukuba babe lelungelo esihlahleni sokuphila, bangene emzini ngamasango.

Isambulo 22:2

egeleza phakathi kwendlela yomuzi. Kwakumi inxa zombili zomfula isihlahla sokuphila esithela izithelo ezilitshumi lambili, sithela izithelo zaso inyanga ngenyanga, lamahlamvu aso angawokwelapha izizwe.