UGenesisi 2:25 - iBhayibhili Elingcwele 1978

²⁵ Babehambaze bobabili, umuntu lomkakhe, bengelamahloni.

IBhayibhili Elingcwele LesiNdebele

²⁵ Indoda lomkayo babehambaze, bengelazo inhloni.

UGenesisi 2:25 ပူးပေါင်းရင်းမြစ်များ

UGenesisi 3:7

Kwasekuvuleka amehlo abo bobabili, babona ukuthi bahambaze; bathunga amahlamvu omkhiwa bazenzela izambatho.

AmaHubo 25:3

Yebo, kungayangeki loyedwa kulabo abathemba kuwe, kodwa kabayangeke labo abona ngabomu.

AmaHubo 31:17

Nkosi, ungangiyangisi, ngoba ngiyakhuleka kuwe; kabayangeke ababi, bathule endaweni yabafileyo.

U-Eksodasi 32:25

Kwathi uMose esebonile ukuthi abantu badlubulundile, — ngoba uAroni wabayekela ukuba badlubulunde baze bayangeke ezitheni zabo —

U-Isaya 44:9

Bonke abenza izithombe bayize, lezinto zabo ezithandekayo kazisizi lutho; labo abazidumisayo kababoni, futhi kabazi, ngakho bazayangeka.

U-Isaya 47:3

Ubunqunu bakho buzavela obala, kubonakale ihlazo lakho. Ngizaphindisela, ngingayekeli muntu,

U-Isaya 54:4

Ungesabi, ngoba kawuyikuyangeka; ungabi lenhloni, ngoba kawuyikuyangiswa; ngoba uzakhohlwa ihlazo lobutsha bakho, ungabe usakhumbula ukuyangeka kobufelwakazi bakho.

UJeremiya 17:13

Wena Nkosi, olithemba likaIsrayeli, bonke abakudelayo bazakuyangeka, labakutshiyayo bazaqedwa emhlabeni, ngoba bayidelile iNkosi engumthombo wamanzi okuphila.

UJeremiya 6:15

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UHezekhiyeli 16:61

Ng’khona uzakhumbula indlela zakho, ube lenhloni lapho sengithatha odadewenu, omdala kanye lomncinyane, ngikunike babe ngamadodakazi akho, kodwa kungabi ngenxa yesivumelwano sami lawe.

UJoweli 2:26

Lizakudla okunengi, lisuthe, lidumise ibizo leNkosi, uNkulunkulu wenu, oliphethe ngokumangalisayo. — Abantu bami kabasayikuphinda bayangiswe futhi —

UMakho 8:38

Ngoba ilowo lalowo olenhloni ngami langamazwi ami kulesisizukulwana esifebayo lesonakeleyo, leNdodana yomuntu izakuba lenhloni ngaye, nxa isiza enkazimulweni kaYise kanye lezithunywa ezingcwele.

ULukha 9:26

Ngoba ilowo lalowo olenhloni ngami langamazwi ami, iNdodana yomuntu izakuba lenhloni ngaye, lapho isiza enkazimulweni yayo lenkazimulweni kaYise leyezithunywa ezingcwele.

AbaseRoma 10:11

Umbhalo uthi: Lowo okholwa kuye kayikuyangeka.