UGenesisi 19:3 - iBhayibhili Elingcwele 1978

³ Ngakho wazincenga kakhulu zaze zangena laye endlini yakhe; wazilungisela ukudla, wenza isinkwa esingelamvubelo; zadla.

IBhayibhili Elingcwele LesiNdebele

³ Kodwa waphikelela kakhulukazi zaze zahamba laye zangena endlini yakhe. Wazilungisela ukudla, wazenzela isinkwa esingelamvubelo, zadla.

UGenesisi 19:3 ပူးပေါင်းရင်းမြစ်များ

UGenesisi 19:2

wathi: Makhosi, wozani lingene endlini yenceku yenu, lihlale khona ubusuku bonke, ligeze inyawo zenu; ekuseni kakhulu lizakusuka, lihambe indlela yenu. Zathi: Atshi, kodwa sizahlala phandle.

UGenesisi 21:8

Umntwana wakhula, wakhunyulwa ebeleni. UAbrahama wenza idili elikhulu mhla uIsaka ekhunyulwa ebeleni.

UGenesisi 24:31

Wathi: Ngena wena obusisiweyo yiNkosi; umeleni ngaphandle na? Ngoba sengilungisile indlu lendawo yamakamela.

UGenesisi 26:30

Wasebenzela idili, badla banatha.

2 AmaKhosi 4:8

Kwathi ngolunye usuku uElisha wadlula eShunemi lapho kwakuhlala khona owesifazana onothileyo owamncenga ukuba ake adle ukudla. Kwakuye kuthi lapho esedlula, aphambukele khona adle ukudla.

U-Eksodasi 12:15

Lizakudla isinkwa esingelamvubelo insuku eziyisikhombisa. Ngosuku lokuqala khuphani imvubelo ezindlini zenu; ngoba odla isinkwa esivutshelweyo kusukela osukwini lokuqala kuze kufike usuku lwesikhombisa uzakukhutshwa phakathi kwabakoIsrayeli.

U-Eksodasi 12:39

Bapheka izinkwa ezingelamvubelo ngenhlama ababephume layo eGibithe ingavutshelwanga, ngoba baxotshwa ngokuphangisa eGibithe, bengaselasikhathi sokuzilungisela umphako.

ULukha 11:8

Ngithi kini: Loba engazukuvuka amnike ngoba engumngane wakhe, kodwa ngenxa yokuphikelela kwakhe uzakuvuka amnike konke akuswelayo.

ULukha 14:23

Yathi inkosi encekwini: Phuma uye ezindleleni lasezintangweni, ubacindezele bangene ukuba igcwale indlu yami.

ULukha 5:29

ULevi wamenzela idili elikhulu endlini yakhe; kwakukhona ixuku elikhulu labathelisi behlezi kanye labo ekudleni.

UJohane 12:2

Basebemenzela ukudla khona; uMatha wayepheka, kodwa uLazaro wayengomunye walabo ababehlezi ekudleni laye.

1 AbaseKhorinte 5:8

Ngakhoke asigcine umkhosi, kungabi ngemvubelo endala, kungabi ngemvubelo yobubi lokona, kodwa kube ngesinkwa esingelamvubelo sobuqotho leseqiniso.

2 AbaseKhorinte 5:14

Ngoba uthando lukaKristu luyasiqhubezela, sibona lokhu ukuthi munye owafela bonke; ngakhoke bonke sebafa.

AmaHebheru 13:2

Lingakhohlwa ukungenisa izihambi, ngoba ngalokho abanye bangenisa izithunywa bengazazi.

Abahluleli 6:19

UGidiyoni wasehamba, wahlaba izinyane, wenza izinkwa ezingelamvubelo ngehefa lempuphu, wafaka inyama esitsheni, wathela umhluzi embizeni, wakuletha kuyo ngaphansi kwesihlahla esikhulu, wayinika.

1 USamuyeli 28:24

Owesifazana wayelethole elinonileyo ekhaya; walihlaba masinyane; wathatha impuphu, wayixova, wenza isinkwa esingelamvubelo,