UGenesisi 18:6 - iBhayibhili Elingcwele 1978

⁶ UAbrahama waphuthuma ethenteni wathi kuSara: Phangisa uthathe amagokoko amabili empuphu ecolekileyo, uyixove, wenze izinkwa.

IBhayibhili Elingcwele LesiNdebele

⁶ Ngakho u-Abhrahama waphanga waya ethenteni kuSara. Wathi, “Phangisa, thatha izilinganiso ezintathu zefulawa ecolekileyo, uvube inhlama wenze isinkwa.”

UGenesisi 18:6 ပူးပေါင်းရင်းမြစ်များ

UMatewu 13:33

Wabatshela omunye umfanekiso, wathi: Umbuso wezulu unjengemvubelo ayithathayo owesifazana, wayihlanganisa lamagokoko amabili empuphu, kwaze kwabila konke.

1 UPhethro 4:9

Lizejwayeze ukwethekelelana lingasoli.

AmaHebheru 13:2

Lingakhohlwa ukungenisa izihambi, ngoba ngalokho abanye bangenisa izithunywa bengazazi.

AbaseGalathiya 5:13

Lina, bazalwane, labizelwa ekukhululekeni; lingenzi inkululeko yenu ibe lithuba lokukholisa umzimba kodwa ngothando sizanani omunye lomunye.

AbaseRoma 12:13

Bapheni abangcwele ekusweleni kwabo; liphathe kuhle izihambi.

Imisebenzi 16:15

Kuthe esebhaphathiziwe kanye lendlu yakhe, wasincenga esithi: Uba lingibona ukuthi ngithembekile eNkosini, wozani endlini yami lihlale khona. Wasicindezela.

U-Isaya 32:8

Kodwa oqotho wenza ubuqotho, uqiniswa yizinto eziqotho.

UGenesisi 18:5

Ngizaletha lokudla, libambe ithumbu andubana lidlule, njengokuba lifikile encekwini yenu. Athi: Yenza njengokutsho kwakho.

UGenesisi 18:7

UAbrahama wagijima waya ezinkomeni, wathatha ithole elihle elinonileyo, walinika inceku; yaphangisa ukulilungisa.

UGenesisi 19:3

Ngakho wazincenga kakhulu zaze zangena laye endlini yakhe; wazilungisela ukudla, wenza isinkwa esingelamvubelo; zadla.

Abahluleli 6:19

UGidiyoni wasehamba, wahlaba izinyane, wenza izinkwa ezingelamvubelo ngehefa lempuphu, wafaka inyama esitsheni, wathela umhluzi embizeni, wakuletha kuyo ngaphansi kwesihlahla esikhulu, wayinika.

1 USamuyeli 28:24

Owesifazana wayelethole elinonileyo ekhaya; walihlaba masinyane; wathatha impuphu, wayixova, wenza isinkwa esingelamvubelo,

2 USamuyeli 13:6

Waselalake uAmnoni, wazitshaya ogulayo; lapho inkosi ifika ukuzambona, uAmnoni wathi kuyo: Ngicela uTamari udadewethu ukuba azekwenza amaqebelengwana amabili phambi kwami ukuba ngiwamukele esandleni sakhe.

AmaHubo 119:60

Ngiyaphangisa, kangilibali ukugcina imithetho yakho.