UGenesisi 17:8 - iBhayibhili Elingcwele 1978

⁸ Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

IBhayibhili Elingcwele LesiNdebele

⁸ Ilizwe lonke laseKhenani, okwamanje ohlala njengowezizwe kulo, ngizakupha libe yilifa laphakade kuwe lezizukulwane zakho ngemva kwakho; njalo ngizakuba nguNkulunkulu wabo.”

UGenesisi 17:8 ပူးပေါင်းရင်းမြစ်များ

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UGenesisi 13:15

ngoba ilizwe lonke olibonayo ngizakukunika lona, ngilinike lenzalo yakho kuze kube nininini.

UGenesisi 13:17

Suka udabule ilizwe, ubude balo lobubanzi balo, ngoba ngizakukunika lona.

UGenesisi 23:4

wathi: Ngihlezi lani ngingowezizwe lomfokazi; nginikeni indawo phakathi kwenu yokuba ngimmbele ofileyo wami kuyo.

UGenesisi 26:24

INkosi yabonakala kuye ngalobobusuku yathi: NginguNkulunkulu kaAbrahama uyihlo. Ungesabi ngoba ngilawe, ngizakukubusisa ngiyandise inzalo yakho ngenxa yenceku yami uAbrahama.

UGenesisi 28:4

akuphe isibusiso sikaAbrahama wena lenzalo yakho, ukuba udle ilifa lelizwe lapho uhlala khona uNkulunkulu alinika uAbrahama.

UGenesisi 35:27

UJakobe wasefika kuIsaka uyise eMamre, eKiriyathi‐Arba, eliliHebroni, lapho bake bahlala khona oAbrahama loIsaka.

UGenesisi 36:7

Ngoba imfuyo yabo yayinkulu kakhulu bengelakuhlala ndawonye, lelizwe abebehlala kulo lahluleka ukubathwala ngenxa yezinkomo zabo.

UGenesisi 37:1

UJakobe wakha elizweni ayehlala kilo uyise, ilizwe laseKanani.

UGenesisi 48:4

wathi kimi: Khangela, ngizakukwandisa ube labantwana abanengi, ngikwenze ube yizizwe ezinengi, nginike inzalo yakho lelilizwe emva kwakho, libe yilifa elingapheliyo.

2 USamuyeli 23:5

Impela indlu yami ithembekile kuNkulunkulu na? Ngoba wenzile lami isivumelwano esingelakuphela, esimiswe kuhle ezintweni zonke, lesithembekileyo, Ngoba kayikuphumelelisa konke ukusizwa kwami lesifiso sami na?

1 ImiLando 16:18

yathi; Ngizakukunika ilizwe laseKanani libe yisabelo sakho esiyilifa lakho.

AmaHubo 103:17

Kodwa uthando olungapheliyo lweNkosi lumi kuze kube nininini kubo abayesabayo, lokulunga kwayo kumi kuze kube sebantwaneni babantwana,

AmaHubo 105:11

yathi: Ngizakukunika ilizwe laseKanani libe yisabelo sakho.

AmaHubo 105:9

isivumelwano eyasenza loAbrahama, isithembiso eyasenza kuIsaka;

U-Eksodasi 13:11

Kuzakuthi lapho iNkosi isilingenisile elizweni lamaKanani, njengokufunga kwayo kini lakubokhokho benu, ilinike lona,

U-Eksodasi 21:6

inkosi yaso izakusiletha kuNkulunkulu, isimise emnyango loba ensikeni yomnyango, ibhoboze indlebe yaso ngosungulo, siyisebenzele size sife.

U-Eksodasi 29:45

Ngizahlala phakathi kwabantu bakoIsrayeli, ngibe nguNkulunkulu wabo.

U-Eksodasi 32:13

Khumbula uAbrahama loIsaka loIsrayeli, inceku zakho, owazifunga kibo wathi: Ngizakwandisa inzalo yenu ibe ngangenkanyezi zasezulwini, ngiyinike lonke lelilizwe engikhulume ngalo, libe yilifa layo kuze kube nininini.

U-Eksodasi 40:15

uwagcobe njengalokhu ugcobile uyise, ukuba abe ngabapristi bokuphatha umsebenzi wami; ukugcotshwa kwabo kuzakuba kubo ubupristi obungapheliyo kuzo zonke izizukulwana zabo.

U-Eksodasi 6:4

Ngamisa isivumelwano sami labo sokuba ngibaphe ilizwe laseKanani, ilizwe ababehlala kulo njengabezizwe.

U-Eksodasi 6:7

Ngizalithatha libe ngabantu bami, mina ngibe nguNkulunkulu wenu; lizakwazi ukuthi ngiyiNkosi uNkulunkulu wenu olikhupha ekucindezelweni kwenu ngamaGibithe;

UJeremiya 25:5

lapho kuthiwa: Phendukani, lina lonke, ezindleleni zenu ezimbi lasekwenzeni kwenu okubi, lihlale elizweni iNkosi elinike lona lina lokhokho benu kusukela endulo kuze kube nininini,

UJeremiya 31:1

Ngalesosikhathi, kutsho iNkosi, ngizakuba nguNkulunkulu wemizi yonke yakoIsrayeli; bazakuba ngabantu bami.

UHezekhiyeli 11:20

ukuba bahambe ngezimiso zami, bagcine imithetho yami bayilalele; bazakuba ngabantu bami, lami ngibe nguNkulunkulu wabo.

UHezekhiyeli 33:24

Ndoda, abakhileyo endaweni ezichithekileyo elizweni lakoIsrayeli, balokhu besithi: UAbrahama wayemunye lapho enikwa ilizwe, kodwa thina sibanengi; ilizwe silinikiwe impela ukuhlala kilo.

ULevi 14:34

Lapho selifikile elizweni laseKanani engilinika lona libe ngelenu, uba ngisehlisela umuzi into ebolisayo elizweni lenu,

ULevi 16:34

Lokhu kuzakuba yisimiso esingelakuphela kini, ukuze indlela yokubuyisana yenzelwe abantu bakoIsrayeli kanye ngomnyaka ngenxa yazo zonke izono zabo. UMose wenzake njengokulaya kweNkosi.

ULevi 26:12

Ngizakuhamba phakathi kwenu, ngibe nguNkulunkulu wenu, libe ngabantu bami.

UZakhariya 8:8

ngibalethe ukuba bahlale phakathi kweJerusalema, babe ngabantu bami, lami ngibe nguNkulunkulu wabo ngeqiniso langokulunga.

AmaNani 10:29

UMose wathi kuHobabi indodana kaRehuweli waseMidiyani, umlamu wakhe: Sesisuka siya endaweni iNkosi ekhulume ngayo ukuthi: Ngizakulipha yona. Woza, sihambe; sizakukwenzela okuhle, ngoba iNkosi ithembise ukwenza okuhle kuIsrayeli.

AmaNani 25:13

yena lenzalo yakhe emva kwakhe bazakuba lesivumelwano sobupristi obungelakuphela, ngoba wayelomhawu ngoNkulunkulu wakhe, wabenzela abakoIsrayeli indlela yokubuyisana.

AmaNani 27:12

INkosi yathi kuMose: Khwela lintaba yaseAbarimi, ubone ilizwe engilinike abakoIsrayeli.

Imisebenzi 7:5

Kodwa kamnikanga ilifa kilo, ngitsho lelingangonyawo, kodwa wathembisa ukumnika lona libe ngelakhe lelenzalo yakhe emva kwakhe, lanxa wayengakabi lamntwana.

UDutheronomi 14:2

Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.

UDutheronomi 26:18

Futhi iNkosi ilamukele lamhla ukuthi lina lingabantu abaligugu layo njengokulithembisa kwayo, lokuthi lifanele ukugcina yonke imilayo yayo,

UDutheronomi 29:13

ukuze ilimise lamhla libe ngabantu bayo, lokuze ibe nguNkulunkulu wenu njengokulithembisa kwayo lanjengokufunga kwayo kubokhokho benu, oAbrahama loIsaka loJakobe.

UDutheronomi 32:49

Khwela lintaba yaseAbarimi, intaba yaseNebo, eselizweni laseMowabi maqondana leJeriko, ukhangele ilizwe laseKanani engilinika abantu bakoIsrayeli ukuba yilifa labo,

UDutheronomi 32:8

Lapho oPhezukonke enika izizwe ilifa lazo, lalapho esahlukanisa abantu, wamisa imikhawulo yezizwe njengobunengi babantu bakoIsrayeli;

UDutheronomi 34:4

INkosi yathi kuye: Yilo leli ilizwe engafunga kuAbrahama loIsaka loJakobe ngathi: Ngizakulinika inzalo yenu. Sengikuvumele ukuba ulibone ngamehlo akho, kodwa kawuyikuwela uye kilo.

UDutheronomi 4:37

Njengoba ibathandile okhokho benu, yakhetha inzalo yabo emva kwabo, yalikhupha yona ngokwayo eGibithe ngamandla ayo amakhulu,

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.

AmaHebheru 9:15

Ngakhoke ungumlamuli wesivumelwano esitsha, kuze kuthi ngokufa okungenxa yokukhululwa eziphambekweni ezenziweyo esivumelwaneni sokuqala ababiziweyo bazuze ilifa elingapheliyo elathenjiswayo.

UJoshuwa 1:2

UMose inceku yami usefile; ngakhoke suka uchaphe leliJordani wena labo bonke lababantu bakoIsrayeli, liye elizweni engilinika lona.

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.