UGenesisi 17:3 - iBhayibhili Elingcwele 1978

³ UAbrama wawa ngobuso, uNkulunkulu wakhuluma laye,

IBhayibhili Elingcwele LesiNdebele

³ U-Abhrama wawa wathi mbo phansi ngobuso, uNkulunkulu wathi kuye,

UGenesisi 17:3 ပူးပေါင်းရင်းမြစ်များ

UGenesisi 17:17

UAbrahama wasesiwa ngobuso, wahleka, wathi enhliziyweni yakhe: Oleminyaka elikhulu uzazalelwa umntwana na? LoSara oleminyaka engamatshumi aficamunwemunye uzakuzala na?

UGenesisi 18:2

Ephakamisa amehlo akhe wabona amadoda amathathu emi ngaphambi kwakhe; esewabonile wasuka emnyango wethente, wagijima ukuwahlangabeza, wakhothama,

1 AmaKhosi 18:39

Kwathi abantu bonke bekubona lokhu bathi mbo ngobuso phansi, bathi: INkosi yiyo enguNkulunkulu; iNkosi yiyo enguNkulunkulu.

U-Eksodasi 3:6

Wathi futhi: NginguNkulunkulu kayihlo, uNkulunkulu kaAbrahama, uNkulunkulu kaIsaka, uNkulunkulu kaJakobe. UMose wafihla ubuso bakhe, ngoba wayesesaba ukumkhangela uNkulunkulu.

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

UHezekhiyeli 3:23

Ngasengisukuma ngisiya esigodini. Inkazimulo yeNkosi yayimi khona, injengenkazimulo engangiyibonile ngasemfuleni iKebari; ngathi mbo ngobuso.

UHezekhiyeli 9:8

Kwathi besababulala, ngasala ngedwa, ngathi mbo ngobuso, ngakhala ngathi: Hawu, Nkosi Nkulunkulu! Uzababulala bonke abaseleyo koIsrayeli ekwehliseleni kwakho ukuthukuthela phezu kweJerusalema na?

UDanyeli 10:9

Ngasengisizwa ilizwi lakhe; lapho ngilizwa, ngathi mbo ngobuso phansi, ngaqaleka.

AmaNani 14:5

UMose loAroni bathi mbo ngobuso phansi phambi kwalo lonke ibandla labakoIsrayeli.

AmaNani 16:22

Bathi mbo ngobuso phansi bathi: Nkulunkulu, Nkulunkulu wemimoya yakho konke okuphilayo, uzathukuthelela ibandla lonke ngenxa yokona komuntu munye na?

AmaNani 16:45

Suka ebandleni leli ukuba ngibachithe khathesinje. Bathi mbo ngobuso phansi.

UMatewu 17:6

Kwathi sebekuzwile lokho abafundi bawa phansi ngobuso babo, besaba kakhulu.

UJoshuwa 5:14

Yena wathi: Atshi; kodwa ngizile ukuba yinduna yempi yeNkosi. UJoshuwa wathi mbo ngobuso phansi, wakhuleka esithi kuye: Inkosi yami ithi inceku yayo kayenzeni na?

Isambulo 1:17

Ngathi ukumbona ngawela ngasezinyaweni zakhe ngaba njengofileyo; kodwa wasebeka isandla sakhe sokunene phezu kwami esithi: Ungesabi; mina ngingowokuqala lowokucina,

Abahluleli 13:20

Kwathi lapho ilangabi liphuma ealtareni liqonde phezulu, isithunywa seNkosi senyuka ngelangabi lealtare uManowa lomkakhe bekhangele; bathi mbo phansi ngobuso babo.