UGenesisi 17:1 - iBhayibhili Elingcwele 1978

¹ Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

IBhayibhili Elingcwele LesiNdebele

¹ U-Abhrama eseleminyaka engamatshumi ayisificamunwemunye lasificamunwemunye yobudala, uThixo wabonakala kuye wathi, “NginguNkulunkulu uSomandla; hamba ngokwethembeka phambi kwami, ungasoleki.

UGenesisi 17:1 ပူးပေါင်းရင်းမြစ်များ

UGenesisi 12:1

INkosi yasisithi kuAbrama: Suka elizweni lakini lasezihlotsheni zakho lasemzini kayihlo, uye elizweni engizakukutshengisa lona.

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UGenesisi 16:16

UAbrama wayeleminyaka engamatshumi aficaminwembili lesithupha mhla uHagari emzalela uIshmayeli.

UGenesisi 18:1

INkosi yabonakala kuAbrahama eduze lezihlahla ezinkulu zaseMamre, ehlezi emnyango wethente ngesikhathi sokutshisa kwelanga.

UGenesisi 18:14

Kukhona into engahlula iNkosi na? Ngalesisikhathi nyakenye ngizabuya kuwe, uSara uzazuza indodana.

UGenesisi 24:40

Yathi kimi: INkosi, engihamba phambi kwayo, izathuma isithunywa sayo lawe, iphumelelise indlela yakho; uzakuyithathela indodana yami umfazi ezihlotsheni zikababa.

UGenesisi 26:2

INkosi yasibonakala kuye, yathi: Ungehleli eGibithe, kodwa uhlale elizweni engizakukutshela lona;

UGenesisi 28:3

UNkulunkulu uSomandla akubusise, akwandise ube yizizwe ezinengi;

UGenesisi 35:11

UNkulunkulu wathi kuye: NginguNkulunkulu uSomandla; zala wande; kuzakuvela kuwe isizwe, yebo ibandla lezizwe; amakhosi azazalwa nguwe.

UGenesisi 43:14

UNkulunkulu uSomandla kalenzele isihawu lowomuntu ukuze alikhululele umfowenu lowo omunye kanye loBenjamini. Uba ngamukwa abantwana bami, ngiyamukwa.

UGenesisi 46:3

Wasesithi: NginguNkulunkulu, uNkulunkulu kayihlo; ungesabi ukuya eGibithe, ngoba ngizakukwenza ube yisizwe esikhulu khona;

UGenesisi 48:15

Wasembusisa uJosefa wathi: UNkulunkulu abahamba phambi kwakhe okhokho bami oAbrahama loIsaka, uNkulunkulu ongondle ekuhambeni kwami konke kuze kube lamuhla,

UGenesisi 48:3

UJakobe wathi kuJosefa: UNkulunkulu uSomandla wabonakala kimi eLuzi elizweni laseKanani, wangibusisa,

UGenesisi 5:22

Emva kokuzalwa kukaMethusela uEnoki wahamba loNkulunkulu iminyaka engamakhulu amathathu; wazala amadodana lamadodakazi.

UGenesisi 5:24

UEnoki wahamba loNkulunkulu. Kazabe esaba khona, ngoba uNkulunkulu wamthatha.

UGenesisi 6:9

Le yindaba kaNowa. UNowa wayeyindoda elungileyo engasoleki esizukulwaneni sakhe; uNowa wayehamba loNkulunkulu.

1 AmaKhosi 2:4

ukuze iNkosi iqinise ilizwi layo eyalikhuluma mayelana lami isithi: Uba amadodana akho eqaphelisa indlela zawo, ehamba ngobuqotho phambi kwami ngenhliziyo yonke langomoya wonke, kawuyikuswela muntu wokubusa uIsrayeli.

1 AmaKhosi 3:6

USolomoni wathi: Wenzele ubaba uDavida inceku yakho umusa omkhulu, ngoba wahamba phambi kwakho ngobuqotho langokulunga langokuthembeka; waqhubeka ngokumenzela umusa lo omkhulu, wamnika indodana yokubusa esikhundleni sakhe lamuhla.

1 AmaKhosi 8:25

Ngakhoke, Nkosi, Nkulunkulu kaIsrayeli, gcina isithembiso owasenza lenceku yakho uDavida ubaba usithi: Kawuyikuswela muntu ozabusa abakoIsrayeli uba amadodana akho enanzelela ukuhamba kwawo phambi kwami njengawe.

2 AmaKhosi 20:3

Nkosi, ake ukhumbule, ngiyakuncenga, ukuba ngihambe ngobuqotho phambi kwakho langenhliziyo epheleleyo, ngenza okulungileyo emehlweni akho. UHezekiya wakhala kakhulu.

UJobe 1:1

Kwakukhona umuntu othile elizweni laseUzi, ibizo lakhe linguJobe. Lowomuntu wayengelasici, eqotho, emesaba uNkulunkulu, exwaya okubi.

UJobe 11:7

Kambe ungayihlola yini imfihlakalo kaNkulunkulu, ungakuhlola ukuphelela kukaSomandla na?

AmaHubo 115:3

Owethu uNkulunkulu usezulwini, wenza konke akuthandayo.

AmaHubo 116:9

Ngiyahamba phambi kweNkosi elizweni labaphilayo.

AmaHubo 25:14

Ubuhlobo beNkosi bungobalabo abayesabayo, iyabazisa isivumelwano sayo.

U-Eksodasi 6:3

ngabonakala kuAbrahama lakuIsaka lakuJakobe njengoNkulunkulu uSomandla; kodwa ngebizo lami lokuthi iNkosi ngangingaziwa kubo.

Izaga 10:9

Ohamba ngobuqotho uhamba evikelekile, kodwa ohlanekela indlela zakhe uzakuwa.

U-Isaya 38:3

esithi: Nkosi, ake ukhumbule, ngiyakuncenga, ukuba ngihambe phambi kwakho ngobuqotho langenhliziyo epheleleyo, ngenza okulungileyo emehlweni akho. UHezekiya wakhala kakhulu.

UJeremiya 32:17

E Nkosi Nkulunkulu! Kunguwe owenze izulu lomhlaba ngamandla akho amakhulu langengalo yakho elamandla. Kakukho okungakwahlula wena

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

AmaNani 11:23

INkosi yathi kuMose: Isandla seNkosi siyehluleka ukusiza na? Khathesi usuzakubona ukuthi ilizwi lami lizagcwaliseka kuwe yini.

AmaNani 24:16

ilizwi lozwayo amazwi kaNkulunkulu, owazi ulwazi loPhezukonke, obonayo umbono ovela kuSomandla, ozuza ilizwi, kuvuleke amehlo akhe.

UMatewu 19:26

Kodwa uJesu wabakhangela wathi: Kubantu kakulakwenzeka, kodwa kuNkulunkulu zonke izinto zingenzeka.

UMatewu 5:48

Ngakho lina wobani ngabapheleleyo, njengokuba uYihlo osezulwini ephelele.

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

Imisebenzi 23:1

UPawuli wasewujolozela umphakathi, wathi: Bazalwane, ngihambile phambi kukaNkulunkulu ngilesazela sonke esihle kuze kube lamuhla.

Imisebenzi 24:16

Ngakho lami ngiyazama ukuba ngibe lesazela esingelacala phambi kukaNkulunkulu labantu.

Abase-Efesu 3:20

Ngakhoke yena olamandla okwenza okukhulu kakhulu ukwedlula konke esikucelayo lesikunakanayo ngamandla akhe asebenza kithi,

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

UDutheronomi 18:13

Thembekani eNkosini uNkulunkulu wenu.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

AbaseFiliphi 4:13

Ngingakwenza konke ngaye ongiqinisayo.

AmaHebheru 12:28

Umbuso esiwuphiweyo kawulakunyikinyekiswa; ngakho asimbonge uNkulunkulu, ukuze simkhonze njengokuba efanele ukukhonzwa, ngokuthobeka langokwesaba;

AmaHebheru 7:25

Ngakhoke ulamandla okusilisa ngokupheleleyo abeza kuNkulunkulu ngaye, lokhu ephilela ukubanxusela.